IND vs NEP : गौतम गंभीरचा लाडका गोलंदाच चमकला, 'राणा'जींनी नेपाळच्या पोरांचा घाम काढला, सौजन्य : एक्स
IND vs NEP : दोहा येथे सुरू असलेल्या ACC Mens Asia Cup Rising Stars मधील पहिल्या सामन्यात भारत ‘ए’ने नेपाळसमोर 9 बाद 333 धावांचे आव्हान दिले खरे, पण हर्षित राणा व प्रिन्स यादव या पठ्ठ्यांनी नेपाळला खेळपट्टीवर येत, नीट बॅटही धरू दिली नाही. एकप्रकारे हा सामना पेसरची नेट प्रॅक्टीस होती की काय असा प्रश्न अनेकांना पडला.
दरम्यान, या सामन्यात मुख्य प्रशिक्षक गौतम गंभीर यांचा लाडका क्रिकेटपटू म्हणून ओळख असलेल्या हर्षित राणाने (16/4) पुन्हा एकदा दमदार कामगिरी करत भारताच्या मुख्य संघातील प्रवेशाच्या दिशेने आगेकूच केली आहे.
भारताने कर्णधार तिलक वर्मा (107) व यष्टीरक्षक कुमार कुशाग्र (117) यांच्या खणखणीत शतकांच्या जोरावर 50 षटकांत 9 बाद 332 धावा केल्या होत्या. पहिल्या डावात नेपाळची गोलंदाजी झक्कास झाली, मग फलंदाजीतही काही चांगलं खेळतील असे वाटत होते, पण त्यांचे हे मनसुबे हर्षित राणा व प्रिन्स यादव यांनी काही पूर्ण होऊ दिले नाही.
हर्षित राणाने सुरुवातीचा स्पेल सावरला. अशात तिसऱ्याच चेंडूवर राणाने अर्जुन कुमलला भोपळाही फोडू दिला नाही. दुसऱ्या बाजूने प्रिन्स यादवही विकेट घेत होता. एकप्रकारे या दोघांची गोलंदाजी पाहता, नेपाळ राहिला बाजूला व हर्षित व प्रिन्समध्येच खरा सामना रंगतोय की काय असे वाटत होते. दोघेही एकामागोमाग एक विकेट घेत होते. त्यांच्या या स्पर्धेत बिचारा नेपाळचा संघ पूर्णपणे बेचिराख झाला.
वेगवान गोलंदाजीसोबतच खालच्या फळीत उपयुक्त फलंदाजी करण्याची क्षमता असलेल्या हर्षित राणाला भारतीय संघात महत्त्वाची भूमिका देण्याची निवड समितीची योजना असल्याचे सांगितले जात आहे. त्याला एकदिवसीय आणि कसोटी या दोन्ही फॉरमॅटमध्ये संधी देण्याचा विचार सुरू आहे. मात्र, दुखापतीमुळे तो सध्या पुनर्वसन प्रक्रियेतून जात आहे. वृत्तानुसार, बीसीसीआयच्या एका सूत्राने सांगितले की, निवड समिती आणि संघ व्यवस्थापन हर्षित राणाला दोन्ही फॉरमॅटमध्ये संघात घेण्यास उत्सुक आहेत. आठव्या क्रमांकावर फलंदाजी करू शकणारा वेगवान गोलंदाजी करणारा अष्टपैलू खेळाडू म्हणून त्याच्याकडे पाहिले जात आहे.
24 वर्षीय हर्षित राणाला गेल्या काही काळात वारंवार दुखापतींचा सामना करावा लागला आहे. या वर्षाच्या सुरुवातीला टी-20 विश्वचषकाच्या सराव सामन्यात तो जखमी झाला होता. त्यामुळे त्याला विश्वचषक स्पर्धेत खेळता आले नाही. याशिवाय, आयपीएल 2026 मध्येही त्याला सहभागी होता आले नव्हते. आयपीएलनंतर हर्षितने आयर्लंड आणि इंग्लंड दौऱ्यांवर पाच सामने खेळले. मात्र, इंग्लंडविरुद्धच्या सामन्यात त्याला हॅमस्ट्रिंगची दुखापत झाली. त्यानंतर जुलैपासून तो मैदानाबाहेर आहे.
गेल्या महिन्यात अफगाणिस्तानविरुद्धच्या टी-20 मालिकेसाठी त्याची निवड करण्यात आली होती. आशियाई खेळांसाठीच्या भारतीय संघातही त्याचा समावेश करण्यात आला होता. मात्र, पुनर्वसनादरम्यान त्याला पुन्हा दुखापत झाली. 7 सप्टेंबर रोजी सराव सामन्यात गोलंदाजी करताना त्याच्या मांडीच्या स्नायूंवर ताण आला. त्यामुळे त्याच्या पुनरागमनाबाबत प्रश्नचिन्ह निर्माण झाले आहे.
हर्षित राणाने आतापर्यंत भारतासाठी दोन कसोटी सामन्यांमध्ये चार विकेट्स घेतल्या आहेत. एकदिवसीय क्रिकेटमध्ये 15 सामन्यांत त्याच्या नावावर 30 विकेट्स आहेत. तर 14 टी-20 आंतरराष्ट्रीय सामन्यांमध्ये त्याने 16 विकेट्स घेतल्या आहेत. दरम्यान, त्याला न्यूझीलंड दौऱ्यावर न पाठवता रायझिंग स्टार आशिया चषकात खेळवण्याचा संघ व्यवस्थापनाने निर्णय घेतला. त्याने संघ व्यवस्थापनाच्या निर्णय योग्य ठरवत पहिल्याच सामन्यात 16 धावांवर 4 विकेट घेतल्या.
Ans: हर्षित राणाने 16 धावा देत 4 विकेट्स घेतल्या आणि नेपाळच्या फलंदाजीला मोठे धक्के दिले.
Ans: त्याला यापूर्वी हॅमस्ट्रिंग आणि मांडीच्या स्नायूंशी संबंधित दुखापतींचा सामना करावा लागला होता. त्यामुळे त्याला काही महिने क्रिकेटपासून दूर राहावे लागले.
Ans: वेगवान गोलंदाजीसोबत खालच्या फळीत फलंदाजी करू शकणारा अष्टपैलू खेळाडू म्हणून त्याला संधी देण्याचा विचार असल्याचे वृत्त आहे.






