IND vs NZ Final: चॅम्पियन्स ट्रॉफीच्या अंतिम फेरीत भारतीय संघाकडून विक्रमांचा पाऊस; ‘असे’ करणारा ठरला जगातील केवळ दुसराच संघ…

चॅम्पियन्स ट्रॉफीचा अंतिम सामन्यात प्रथम फलंदाजी करत न्यूझीलंड संघाने भारतासमोर 252 धावांचे उभारले आहे. या सामन्यात भारतीय संघाने अनेक नकोसे विक्रम आपल्या नावे केले आहेत.

IND vs NZ Final : चॅम्पियन्स ट्रॉफीचा अंतिम सामन्यात प्रथम फलंदाजी करत न्यूझीलंड संघाने भारतासमोर 252 धावांचे आव्हान दिले आहे. डॅरिल मिशेल आणि  मायकेल ब्रेसवेल यांच्या अर्धशतकीय खेळीच्या जोरावर 7 विकेट्स गमावून न्यूझीलंड 251 धावांपर्यंत मजल मारू शकला. भारतीय वेगवान गोलंदाजांनी अपेक्षेप्रमाणे कामगिरी करण्यात आली नाही. त्यामुळे न्यूझीलंड संघाला अडीचशेवर धाव संख्या उभारता आली.अन्यथा अडीचशेच्या आतच रोखता आले असते.

भारतीय वेगवान गोलंदाजांकडून फिरकी गोलंदाजांपेक्षा जास्त धावा देण्यात आल्या. वेगवान गोलंदाजांनी 12 षटकांत 104 धावांत केवळ 1 बळी मिळवण्यात यश आले आहे.  त्यांचा इकॉनॉमी रेट 8.67 होता. तर फिरकी गोलंदाजांनी 3.79 च्या इकॉनॉमी रेटने 38 षटकांत 144 धावा देत 5 बळी घेतलेअ आहेत. तसेच एक खेळाडू धावबाद झाला आहे.

सामन्यातील भारतीय गोलंदाजांची कामगिरी

षटके 1-10: 69/1 (रनरेट: 6.9)
षटके 11-40: 103/4 (रनरेट: 3.43)
षटके 41 -50 : 79/2 (धावगती: 7.9 )

हेही वाचा : IND vs NZ Final : युजवेंद्र चहल पुन्हा एकदा प्रेमात? मिस्ट्री गर्लचा हात हातात घेऊन दिसला फायनल सामना बघताना…

 भारतीय संघाच्या नावावर काही नकोसे विक्रम..

1. चॅम्पियन्स ट्रॉफी 2025 च्या एका डावात सर्वाधिक फिरकी षटके टाकण्याच्या बाबतीत भारतीय संघ पोहोचला आहे. यापूर्वी 2002 मध्ये ऑस्ट्रेलियाविरुद्ध कोलंबो येथे झालेल्या उपांत्य फेरीच्या सामन्यात श्रीलंकेच्या संघाकडून भारतीय संघापेक्षा जास्त षटके टाकण्यात आली होती.

• 39.4 :श्रीलंका विरुद्ध ऑस्ट्रेलिया, कोलंबो आरपीएस- 2002 सेमी-फायनल
• 38 :भारत विरुद्ध न्यूझीलंड, दुबई- 2025 फायनल
• 37.3 : भारत विरुद्ध न्यूझीलंड, दुबई- 2025
• 36.5 : श्रीलंका विरुद्ध न्यूझीलंड, ढाका- 1998 उपांत्यपूर्व फेरी

2. तसेच टीम इंडियाने आयसीसीच्या एकदिवसीय नॉकआउट गेममध्ये सर्वाधिक फिरकी षटके टाकण्याचा सर्वात मोठा विक्रम केला आहे. यापूर्वी 1996 मध्ये लाहोरमध्ये ऑस्ट्रेलियाविरुद्धच्या विश्वचषकाच्या अंतिम सामन्यामध्ये श्रीलंकेने फिरकी गोलंदाजांची 37 षटके टाकली होती.

3. एकदिवसीय सामन्यांमध्ये सर्वाधिक फिरकी षटके टाकलेल्या फिरकीच्या बाबतीत भारताने तिसरे स्थान पटकावले आहे.

• 41.2 वि वेस्ट इंडीज, इंदूर, 2011३९ वि केन, ग्वाल्हेर, १९९८
• 38 वि न्यूझीलंड, दुबई, CT 2025 फायनल
• 37.3 वि न्यूझीलंड, दुबई, CT 2025

4- वेगवान गोलंदाज मोहम्मद शमीने आजच्या सामन्यात  74 धावा दिल्या आहेत. चॅम्पियन्स ट्रॉफी सामन्यात भारतीय गोलंदाजाकडून देण्यात आलेल्या दुसऱ्या सर्वाधिक धावा आहेत. यापूर्वी उमेश यादवने 2013 मध्ये दक्षिण आफ्रिकेविरुद्ध कार्डिफ येथे 75 धावा खर्च करत 2 बळी मिळवले होते.

हेही वाचा : Ind Vs New : टीम इंडियाने सोडले तब्बल ११ कॅच, फील्डिंगचे तीनतेरा

न्यूझीलंडच्या डावाची स्थिती

दुबई आंतरराष्ट्रीय क्रिकेट स्टेडियमवर भारत आणि न्यूझीलंड यांच्यात चॅम्पियन्स ट्रॉफीचा फायनल सामना खेळला जात आहे. या सामन्यात न्यूझीलंड संघाने नाणेफेक जिंकून प्रथम  फलंदाजी करत भारतासमोर 252 धावांचे आव्हान ठेवले आहे. डॅरिल मिशेल आणि  मायकेल ब्रेसवेल यांच्या अर्धशतकीय खेळीच्या जोरावर 7 विकेट्स गमावून न्यूझीलंड 251 धावांपर्यंत मजल मारू शकला. भारताकडून कुलदीप यादवसह वरुन चक्रवर्तीने  प्रत्येकी 2 विकेट्स घेतल्या तर जाडेजा आणि मोहम्मद शमीने प्रत्येकी एक विकेट मिळवली आहे.