IND vs NZ: भारताविरुद्ध खेळला अन् इतिहास घडवून गेला! Glenn Phillips ने गोलंदाजांना धू-धू धुतलं; फिल सॉल्टचा विश्वविक्रम धुळीस

Glenn Phillips records most runs in a IND vs NZ T20I bilateral series: न्यूझीलंडचा स्फोटक फलंदाज ग्लेन फिलिप्सने भारताविरुद्धच्या टी२० आंतरराष्ट्रीय मालिकेत इतिहास रचला आहे. फिलिप्सने ३४१ धावा करून विश्वविक्रम प्रस्थापित केला आहे.

•  फिलिप्सचा भारताविरुद्ध ऐतिहासिक पराक्रम
• भारताविरुद्ध ३४१ धावा ठोकत रचला इतिहास
• फिल सॉल्टचा विक्रम मोडला

Glenn Phillips: न्यूझीलंडचा धडाकेबाज फलंदाज ग्लेन फिलिप्सने भारताविरुद्धच्या टी-२० मालिकेत इतिहास रचला आहे. भारताविरुद्ध खेळल्या गेलेल्या ५ सामन्यांच्या टी-२० मालिकेत फिलिप्सने शानदार फलंदाजी करत एकूण ३४१ धावा केल्या. या काळात त्याने एक शतक आणि ३ अर्धशतके झळकावली. तिसरा टी-२० सामना वगळता, त्याने इतर सर्व सामन्यांमध्ये ६० पेक्षा जास्त धावा केल्या. ३४१ धावांसह तो या मालिकेत सर्वाधिक धावा करणारा फलंदाज ठरला. यासोबतच, फिलिप्सने द्विपक्षीय टी-२० आंतरराष्ट्रीय मालिकेत सर्वाधिक धावा करण्याचा विश्वविक्रमही रचला आहे. या बाबतीत त्याने इंग्लंडचा फलंदाज फिल सॉल्टला मागे टाकले आहे. ( IND vs NZ)

IND vs NZ 5th T20: शेवटच्या सामन्यात किवींचा पलटवार! न्यूझीलंडने भारताला लोळवलं; पण टीम इंडियाने ३-२ ने जिंकली मालिका

ग्लेन फिलिप्सने भारताविरुद्ध ३४१ धावा करून इतिहास रचला

२९ वर्षीय ग्लेन फिलिप्सने भारताविरुद्धच्या पाचव्या आणि अंतिम टी२० आंतरराष्ट्रीय सामन्यात नाबाद ६५ धावा करून न्यूझीलंडच्या विजयात महत्त्वाची भूमिका बजावली. फिलिप्सने ३८ चेंडूंचा सामना करत ८ चौकार आणि ३ षटकार मारले. या खेळीमुळे मालिकेतील त्याच्या एकूण धावा ३४१ झाल्या. यासह, फिलिप्स द्विपक्षीय टी२० आंतरराष्ट्रीय मालिकेत सर्वाधिक धावा करणारा फलंदाज ठरला आहे. त्याने २०२३-२४ मध्ये वेस्ट इंडिजविरुद्धच्या टी२० आंतरराष्ट्रीय मालिकेत एकूण ३३१ धावा करणाऱ्या इंग्लंडच्या फिल सॉल्टचा विक्रम मोडला.

कोणत्याही मालिकेत किंवा स्पर्धेत न्यूझीलंडसाठी सर्वाधिक धावा

भारताविरुद्धच्या या टी२० मालिकेत ग्लेन फिलिप्सची सर्वात कमी धावसंख्या तिसऱ्या टी२० सामन्यात १७ अशी होती. याशिवाय, त्याने उर्वरित सर्व सामन्यांमध्ये किमान ६० धावा केल्या. मालिकेतील चौथ्या सामन्यात फिलिप्सने अवघ्या ४९ चेंडूंमध्ये १०७ धावांची धडाकेबाज खेळी केली. त्याने पाच सामन्यांमध्ये १८५.३२ च्या स्ट्राइक रेटने एकूण ३४१ धावा केल्या. या काळात त्याने २९ चौकार आणि २० षटकार मारले. तो या टी२० मालिकेतील सर्वाधिक धावा करणारा फलंदाज होता.

यासोबतच, फिलिप्स कोणत्याही मालिकेत किंवा स्पर्धेत न्यूझीलंडचा सर्वाधिक धावा करणारा फलंदाज बनला. इतकेच नाही, तर द्विपक्षीय टी२० आंतरराष्ट्रीय मालिकेत चार किंवा अधिक वेळा ५० पेक्षा जास्त धावा करणाऱ्या फलंदाजांच्या यादीतही फिलिप्सचा समावेश झाला आहे. यापूर्वी पाकिस्तानच्या मोहम्मद रिझवानने २०२२ मध्ये इंग्लंडविरुद्ध ही कामगिरी केली होती.

IND vs NZ: रोहित-विराटची जोडी पुन्हा धुरळा उडवणार! न्यूझीलंडविरुद्ध वनडे सीरीजसाठी टीम इंडिया सज्ज; पाहा संपूर्ण वेळापत्रक