photo- BCCI
भारताने हा सामना १९ धावांनी जिंकला. या महत्वाच्या सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. अभिषेक शर्मा आणि तिलक वर्माच्या शानदार खेळीच्या जोरावर टीम इंडियाने २० षटकांत ६ विकेट्स गमावून २११ धावा केल्या आणि पाकिस्तानला विजयासाठी २१२ धावांचे लक्ष्य दिले. परंतु पाकिस्तान संघाने २० षटकांत ६ विकेट्स गमावून फक्त १९२ धावा केल्या.या विजयासह भारताने क्रिकेटमध्ये पुन्हा एकदा गोल्ड मेडलवर आपले नाव कोरले आहे.
IND vs WI 3rd ODI: तिसऱ्या वनडेत पावसाचा खोळंबा? चंदीगडमध्ये कसे असेल हवामान, पाहा Weather Report
अंतिम सामन्यात टीम इंडियाचा कर्णधार श्रेयस अय्यरने प्रथम फलंदाजी करण्याचा निर्णय घेतला. भारतीय सलामीवीर वैभव सूर्यवंशी आणि अभिषेक शर्मा यांनी भारतीय संघाला चांगली सुरुवात करून दिली. मात्र, वैभवला आपला डाव पुढे वाढवता आला नाही. सॅम अयुबच्या गोलंदाजीवर विकेटकीपर उस्मान खानने त्याचा झेल घेतला. वैभवने दोन षटकारांसह ९ चेंडूंमध्ये १५ धावा केल्या. वैभव बाद झाला तेव्हा धावसंख्या २८/१ होती. यानंतर, संजू सॅमसन अहमद दानियालच्या गोलंदाजीवर २ धावांवर बाद झाला.
दरम्यान, भारतीय सलामीवीर अभिषेक शर्माने धडाकेबाज खेळी करत २८ चेंडूमध्ये ६१ धावा केल्या. यामध्ये ३ चौकार आणि ७ षटकारांचा सामावेश होता. तो अराफत मिन्हासच्या गोलंदाजीवर स्टम्प आऊट झाला.भारताला चौथा धक्का ईशान किशनच्या रूपाने बसला. ईशान १८ चेंडूंमध्ये ३ चौकारांसह २० धावा करून अराफत मिन्हासच्या गोलंदाजीवर बाद झाला. त्यानंतर अबरार अहमदने श्रेयस अय्यरला झेलबाद केले. श्रेयस २४ चेंडूंमध्ये २ चौकारांसह २१ धावा करून पॅव्हेलियनमध्ये परतला. श्रेयसच्या रुपात भारताची पाचवी विकेट पडली.
दरम्यान, शिवम दुबे आणि तिलक वर्मा यांनी भारतीय संघासाठी अखेरच्या षटकांमध्ये वेगवान खेळी केली. अहमद दानियालने शिवम दुबेला झेलबाद केले. दुबेने १५ चेंडूंमध्ये दोन चौकार आणि दोन षटकारांसह २७ धावा केल्या. मेजर सदाकतने त्याचा झेल घेतला. तिलक वर्माने २२ चेंडूंमध्ये ५१ धावांची शानदार खेळी केली. अखेर टीम इंडियाने २० षटकांमध्ये ६ विकेट्स गमावून २११ धावा केल्या. पाकिस्तानकडू अहमद दानियाल आणि अराफत मिनहान्स यांनी प्रत्येकी २-२ विकेट्स घेतले.
लक्ष्याचा पाटलाग करताना, पाकिस्तानने चांगली सुरुवात केली, पण वॉशिंग्टन सुंदरने चौथ्या षटकात कर्णधार साहिबजादा फरहानला बाद केले. त्यानंतर उस्मान खान आणि माझ सदाकत झटपट बाद झाले. त्यानंतर सॅम अयुब आणि हसन नवाझ यांच्यात एक मजबूत भागीदारी झाली. पाकिस्तानने १२६ धावांवर सॅम अयुबची विकेट गमावली. एकीकेडे विकेट पडण्याचे सत्र सुरु असताना, हसन नवाझने दुसऱ्या टोकाकडून धावा करणे सुरूच ठेवले. परंतु, शेवटच्या षटकात विजयासाठी ३३ धावांची गरज असताना, हसन नवाझ ५१ चेंडूंमध्ये ९६ धावांवर बाद झाला. शिवम दुबेने त्याला झेलबाद केले.भारताकडून अक्षर पटेल, शिवम दुबे आणि वॉशिंग्टन सुंदर यांनी प्रत्येकी दोन विकेट्स घेतले. भारताने हा सामना १९ धावांनी जिंकून सुवर्णपदक पटकावले. यापूर्वी, भारताने २०२२ च्या आशियाई क्रीडा स्पर्धेतही सुवर्णपदक जिंकले होते.
.png "Videos"){kind=small}
