IND vs PAK: धुरळा उडणार! आरपारच्या लढाईत भारत-पाकिस्तान भिडणार; कधी अन् कुठे रंगणार महामुकाबला?

IND vs PAK U19 Asia Cup Final Schedule: अंडर-१९ आशिया कप २०२६ च्या अंतिम सामन्यात भारत आणि पाकिस्तान एकमेकांसमोर उभे ठाकणार आहेत. हा सामना कधी आणि केव्हा खेळला जाईल, जाणून घ्या.

• टीम इंडिया ट्रॉफी जिंकण्यासाठी सज्ज
• फायनलमध्ये पाकिस्तानची धुलाई होणार?
• कधी आणि कुठे रंगणार महामुकाबला?

IND vs PAK U19 Asia Cup Final: कट्टर प्रतिस्पर्धी भारत आणि पाकिस्तान पुन्हा क्रिकेटच्या मैदानावर आमनेसामने येणार आहेत. हे दोन्ही संघ अंडर -१९ आशिया कप २०२६ च्या अंतिम सामन्यात एकमेकांसमोर उभे ठाकतील. भारतीय संघाने उपांत्य फेरीत अफगाणिस्तानचा ८ विकेट्सने पराभव केला. या विजयासह भारताने फायनलमध्ये धडक मारली. तर पाकिस्तानने उपांत्य फेरीत बांग्लादेशचा ९ विकेट्सने पराभव करुन अंतिम फेरीत प्रवेश केला. आता, टीम इंडिया आणि पाकिस्तान पुन्हा एकदा भिडणार आहेत. हा सामना कधी आणि कुठे खेळला जाणार, जाणून घ्या.

IND vs NZ: भारत-न्यूझीलंड सामन्यात पुन्हा पावसाचा ‘खेळ’? चौथा वनडे रद्द होणार? पाहा Weather Report

लक्ष्यच्या नेतृत्वाखाली भारताने फायनलमध्ये केला प्रवेश

भारतीय संघाने उपांत्य फेरीत अफगाणिस्तानचा ८ विकेट्सने धु्व्वा उडवला. प्रथम फलंदाजी करताना अफगाणिस्तानने ५० षटकांत ८ विकेट्स गमावून २२७ धावा केल्या. भारतासाठी ईशान सूदने ४३ धावांत ३ विकेट्स घेत उत्कृष्ट गोलंदाजी केली. २२८ धावांचे लक्ष्य गाठताना सलामीवीर सेहवाग आणि कर्णधार लक्ष्य रायचंदानी यांनी पहिल्या विकेटसाठी ११७ धावा जोडून चांगली सुरुवात करून दिली. सेहवागने ५१ धावा केल्या, तर लक्ष्य रायचंदानीचे शतक हुकले. त्याने ९० चेंडूंमध्ये १३ चौकार आणि एका षटकारासह ९३ धावा केल्या.

त्यानंतर व्ही. के. विनीतने सूत्रे हाती घेतली आणि ५७ धावांची नाबाद खेळी केली. त्याच्या खेळीमुळे भारताने ३६.५ षटकांत केवळ २ विकेट्स गमावून २३० धावा केल्या. भारताने हा ८ विकेट्सने सामना जिंकला. दुसरीकडे, पहिल्या उपांत्य सामन्यात पाकिस्तानने बांग्लादेशला ९ विकेट्सने पराभूत केले. यासह पाकिस्तानने अंतिम फेरीत प्रवेश केला. पाकिस्तान हा गतविजेता संघही आहे. त्यामुळे, अंतिम सामन्यात विजेतेपदासाठी या दोन संघांमध्ये एक रोमांचक लढत पाहायला मिळू शकते.

भारत-पाकिस्तान अंतिम सामना केव्हा आणि कुठे खेळला जाईल?

अंडर-१९ आशिया कप २०२६ चा अंतिम सामना भारत आणि पाकिस्तान यांच्यात शनिवार, १४ नोव्हेंबर रोजी खेळला जाईल. हा सामना ओमानमधील अल अमेरत क्रिकेट मैदानावर आयोजित केला जाईल. हा सामना भारतीय प्रमाणवेळेनुसार सकाळी १०:३० वाजता सुरू होईल आणि नाणेफेक सकाळी १०:०० वाजता होईल.

अंतिम सामन्याचे लाइव्ह स्ट्रीमिंग कुठे पाहाल?

भारत आणि पाकिस्तान यांच्यातील विजेतेपदाचा सामना सोनी स्पोर्ट्स नेटवर्कवर टीव्हीवर थेट प्रक्षेपित केला जाईल. चाहते सोनीलिव्ह ॲप आणि वेबसाइटच्या माध्यमातून आपल्या मोबाईल फोन आणि लॅपटॉपवर सामन्याचा थेट आनंद घेऊ शकतात.

वाढदिवशी Sanju Samson ला खास गिफ्ट! केरळच्या कर्णधारपदाची मिळाली जबाबदारी, आता सय्यद मुश्ताक अली ट्रॉफी जिंकण्याचे आव्हान