IND vs SA : पंत करणार संघात कमबॅक, जुरेलला मिळणार संघात संधी! कोणाचा होणार पत्ता कट? कशी असु शकते भारतीय संघाची Playing 11

शुभमन गिलच्या नेतृत्वाखाली, भारतीय संघ दक्षिण आफ्रिकेविरुद्ध आपला उत्कृष्ट फॉर्म सुरू ठेवण्याचे लक्ष्य ठेवेल. तथापि, पहिल्या कसोटीसाठी अंतिम अकरा जणांची निवड करणे कर्णधार गिलसाठी सोपे नसेल.

• भारत विरुद्ध दक्षिण आफ्रिका यांच्यात होणार दोन सामन्यांची कसोटी मालिका
• दोन सामन्यांची कसोटी मालिका १४ नोव्हेंबरपासून सुरू होणार
• भारतीय संघामध्ये पहिल्या सामन्यात कोणत्या अकरा खेळाडूंना मिळणार संधी

भारत आणि दक्षिण आफ्रिका यांच्यामध्ये भारताचा संघ कसोटी मालिकेसाठी तयार झाला आहे. इंग्लडविरुद्ध मालिका झाल्यानंतर भारतीय संघाची वेस्ट इंडिजविरुद्ध मालिका खेळवण्यात आली होती. यामध्ये भारताच्या संघाने दोन्ही सामन्यामध्ये विजय मिळवून मालिका नावावर केली होती. टी-२० क्रिकेटच्या उत्साहानंतर, आता कसोटी क्रिकेटच्या थरारांची वेळ आली आहे. भारत आणि दक्षिण आफ्रिका यांच्यातील दोन सामन्यांची कसोटी मालिका १४ नोव्हेंबरपासून सुरू होत आहे. 

शुभमन गिलच्या नेतृत्वाखाली, भारतीय संघ दक्षिण आफ्रिकेविरुद्ध आपला उत्कृष्ट फॉर्म सुरू ठेवण्याचे लक्ष्य ठेवेल. तथापि, पहिल्या कसोटीसाठी अंतिम अकरा जणांची निवड करणे कर्णधार गिलसाठी सोपे नसेल. ऋषभ पंत पूर्णपणे तंदुरुस्त आहे आणि या मालिकेत फलंदाजीत चमक दाखवण्याचा प्रयत्न करेल. दक्षिण आफ्रिका अ विरुद्ध सलग दोन शतके झळकावणारा ध्रुव जुरेल देखील अंतिम अकरा जणांमध्ये स्थान मिळवू शकतो. आता भारत आणि दक्षिण आफ्रिका यांच्यामध्ये होणाऱ्या पहिल्या कसोटी सामन्यामध्ये टीम इंडियाची प्लेइंग 11 कशी असणार आहे यासंदर्भात वाचा. 

IND vs SA : सामन्यांच्या वेळा बदलल्या! भारत-दक्षिण आफ्रिका पहिली कसोटी यावेळी सुरू होईल, वाचा सविस्तर माहिती

ऋषभ पंत पुनरागमन करणार

इंग्लंड मालिकेदरम्यान दुखापत झालेला ऋषभ पंत पूर्णपणे तंदुरुस्त आहे. तो दक्षिण आफ्रिका अ संघाविरुद्ध कर्णधारपद भूषवताना दिसला. इतकेच नाही तर ऋषभने त्याच्या बॅटने भरपूर धावाही केल्या. म्हणूनच पंतला दक्षिण आफ्रिकेविरुद्ध निवडलेल्या संघात समाविष्ट करण्यात आले आहे. पंतचा मजबूत कसोटी विक्रम पाहता, अंतिम अकरा खेळाडूंमध्ये त्याचे स्थान निश्चित मानले जाते. पंतचा दक्षिण आफ्रिकेविरुद्धचा विक्रम उत्कृष्ट राहिला आहे. तीन कसोटी सामन्यांच्या सहा डावांमध्ये पंतने ३७ च्या सरासरीने १८६ धावा केल्या आहेत. पंतने दक्षिण आफ्रिकेविरुद्ध शतकही ठोकले आहे.

अश्लील टिप्पणी, जबरदस्तीने मिठी… बांगलादेशच्या माजी निवडकर्त्याविरुद्ध महिला क्रिकेटपटूने केलेल्या आरोपांमुळे खळबळ

जुरेलला संधी मिळेल का?

दक्षिण आफ्रिकेविरुद्धच्या कसोटी मालिकेत ऋषभ पंत यष्टीरक्षक म्हणून काम करताना दिसेल. तथापि, पंत अंतिम अकरा खेळाडूंमध्ये असूनही ध्रुव जुरेलला संधी दिली जाईल असे मानले जाते. जुरेलने दक्षिण आफ्रिका अ संघाविरुद्ध फलंदाजीने सनसनाटी कामगिरी केली. दुसऱ्या अनधिकृत कसोटीच्या दोन्ही डावात त्याने शतके झळकावली. म्हणूनच संघ व्यवस्थापनासाठी जुरेलकडे दुर्लक्ष करणे कठीण होईल. साई सुदर्शनच्या जागी जुरेलचा विचार केला जाऊ शकतो.

टीम इंडियाचा संभाव्य प्लेइंग ११

शुभमन गिल, यशस्वी जैस्वाल, केएल राहुल, ऋषभ पंत, ध्रुव जुरेल, रवींद्र जडेजा, वॉशिंग्टन सुंदर, अक्षर पटेल, कुलदीप यादव, जसप्रीत बुमराह, मोहम्मद सिराज.