IND vs SA Pitch Report : विशाखापट्टणममध्ये नाणेफेक ठरणार निर्णायक! जाणून घ्या कशी असेल खेळपट्टी?

निर्णायक सामना विशाखापट्टणम येथील एसीए-व्हीसीए राजशेखर रेड्डी स्टेडियमवर खेळला जाईल. क्रिकेटमध्ये नाणेफेक हा एक महत्त्वाचा घटक आहे. खेळपट्टी पाहिल्यानंतर संघ प्रथम फलंदाजी करायची की गोलंदाजी करायची याचा निर्णय घेतात.

India vs South Africa Pitch Report : भारत विरुद्ध दक्षिण आफ्रिका यांच्यामध्ये तीन सामन्याच्या एकदिवसीय मालिका शेवटच्या सामन्यावर पोहोचली आहे. या मालिकेचा पहिला सामना हा 6 डिसेंबर रोजी खेळवला जाणार आहे. या मालिकेच्या पहिल्या सामन्यामध्ये भारताच्या संघाने विजय मिळवला होता तर दुसऱ्या सामन्यात टीम इंडियाच्या खराब कामगिरीमुळे दक्षिण आफ्रिकेने दुसऱ्या सामन्यामध्ये विजय मिळवण्यात यश मिळवले. दुसऱ्या सामन्यानंतर मालिकेमध्ये 1-1 अशी बरोबरी आहे. 

तीन सामन्यांच्या मालिकेतील शेवटचा आणि निर्णायक सामना विशाखापट्टणम येथील एसीए-व्हीसीए राजशेखर रेड्डी स्टेडियमवर खेळला जाईल. शनिवारी होणारा हा सामना जिंकणारा संघ मालिका जिंकेल. क्रिकेटमध्ये नाणेफेक हा एक महत्त्वाचा घटक आहे. खेळपट्टी पाहिल्यानंतर संघ प्रथम फलंदाजी करायची की गोलंदाजी करायची याचा निर्णय घेतात. दोन्ही संघ या स्टेडियममधील खेळपट्टीवर लक्ष केंद्रित करतील. 

See more

All roads lead to Vizag for the series decider! 😤#TeamIndia hold the edge in crunch games, but who will clinch the series? 👀#INDvSA 👉 3rd ODI | SAT, DEC 6, 12.30 PM on Star Sports Network & JioHotstar pic.twitter.com/osa5YB9CDo — Star Sports (@StarSportsIndia) December 5, 2025

दक्षिण आफ्रिकेने अद्याप येथे एकही एकदिवसीय सामना खेळलेला नाही, आणि म्हणूनच, हे मैदान त्यांच्यासाठी अपरिचित आहे. खेळपट्टी संघावर खूप अवलंबून असेल. हे मैदान भारतासाठी चांगले राहिले आहे, परंतु टीम इंडियाला एक चांगली खेळपट्टी हवी असेल. जरी या स्टेडियममधील खेळपट्टी फलंदाजांना आनंद देणारी आणि धावांचा उत्तम स्रोत असल्याचे म्हटले जात असले तरी, भारत आणि ऑस्ट्रेलिया यांच्यात येथे खेळल्या गेलेल्या शेवटच्या सामन्यात फलंदाजांना धावा करणे कठीण होते. 

त्या सामन्यात भारतीय संघ ११७ धावांवर गारद झाला होता. यापूर्वी, भारताने २०१९ मध्ये वेस्ट इंडिजविरुद्ध येथे सामना खेळला होता आणि ३५० धावांचा टप्पा ओलांडला होता. या खेळपट्टीवर सुरुवातीला वेगवान गोलंदाजांना सीमची हालचाल मिळते आणि नंतर फिरकी गोलंदाजांना वळण मिळते. खेळपट्टीवर जास्त उसळी मिळत नाही, त्यामुळे दुसऱ्या डावात फलंदाजी करण्यासाठी हा एक चांगला पर्याय आहे. जर दव असेल तर नाणेफेक जिंकणारा संघ प्रथम गोलंदाजी करण्याचा निर्णय घेईल.

IPL 2026 Auction : ऑक्शनच्या आधी बीसीसीआयने बदलले नियम, परदेशी खेळाडूंच्या खिशाला बसणार फटका

या सामन्यात सर्वांच्या नजरा विराट कोहलीवर आहेत. त्याने सुरुवातीच्या दोन्ही सामन्यात शतके झळकावली आहेत. त्याच्या शतकामुळे भारताला रांचीमध्ये विजय मिळाला, तर टीम इंडियाला रायपूरमध्ये पराभव पत्करावा लागला. त्याच्या सध्याच्या फॉर्म पाहता, त्याने शतकांची हॅटट्रिक केली तर आश्चर्य वाटणार नाही.