IND vs SL Live: गॉल टेस्टमध्ये टीम इंडियाचा दबदबा! पडिक्कलने ठोकल्या 167 धावा, जुरेलचीही फिफ्टी; भारताने उभारला 460 धावांचा डोंगर

IND vs SL 1st Test 2nd Day Live Score: भारत आणि श्रीलंका यांच्यातील पहिल्या कसोटी सामन्यातील दुसऱ्या दिवशीचा खेळ संपला आहे. दिवसाअखेर भारतीय संघाने ९ विकेट्स गमावून ४६० धावा केल्या आहेत.

• दुसऱ्या दिवसाचा खेळ संपला
• पडिक्कलचं द्विशतक हुकलं
• भारताचा स्कोअर 460/9

भारत आणि श्रीलंका यांच्यातील पहिला कसोटी सामना गॉल येथील गॉल आंतरराष्ट्रीय स्टेडियमवर खेळला जात आहे. दुसऱ्या दिवशीचा खेळ संपला आहे. भारताने आपल्या पहिल्या डावात ९ विकेट्स गमावून ४६० धावा केल्या आहेत. कुलदीप यादव १२ धावांवर आणि प्रसिद्ध कृष्णा १ धावांवरर नाबाद आहेत. देवदत्त पडिक्कल आणि ध्रुव जुरेलच्या फलंदाजीच्या जोरावर भारत सध्या मजबूत स्थितीत आहे. दुसऱ्या दिवशी पावसामुळे खोळंबा घातल्यामुळे केवळ ४३ षटके टाकण्यात आली.

Asia Cup आणि Asian Games साठी पाकिस्तानचा संघ जाहीर; फातिमा सनाचं कमबॅक, ‘या’ दिवशी रंगणार भारत-पाक महामुकाबला

भारताचा शानदार खेळ, लंकेच्या गोलंदाजांना फोडला घाम

सामन्याचा पहिला दिवस पूर्णपणे भारताच्या नावावर राहिला. यशस्वी जयस्वाल (३२ धावा) आणि केएल राहुल यांनी ४७ धावांची सलामीची भागीदारी करून भारताला स्थिर सुरुवात करून दिली. यशस्वी दुर्दैवाने धावबाद झाल्यानंतर देवदत्त पडिक्कल क्रीजवर आला. पडिक्कल आणि केएल राहुल यांनी दुसऱ्या विकेटसाठी महत्वाची शतकी भागीदारी केली. पडिक्कलने आपल्या कसोटी कारकिर्दीतील पहिले शतक झळकावले, तर राहुल ७७ धावांवर असताना दुखापतग्रस्त होऊन रिटायर्ड हर्ट झाला. कर्णधार शुभमन गिलने केवळ १६ धावा केल्या. पावसामुळे बाधित झालेल्या पहिल्या दिवशी भारताने फक्त दोन विकेट गमावल्या.

दुसऱ्या दिवशी पावसामुळे खेळावर मोठा परिणाम झाला. पहिले सत्र पावसामुळे रद्द झाले आणि दुसऱ्या सत्रात केवळ मर्यादित षटकेच टाकण्यात आली. दुसऱ्या दिवशी भारताने पहिली विकेट ऋषभ पंतच्या स्वरुपात गमावली. केशरा नुवान्थाने ३९ धावांवर पंतला पव्हेलियमध्ये पाठवले. पंत बाद झाल्यानंतर राहुल फलंदाजीसाठी परतला. परंतु, नुवान्थाने त्याला मोठी खेळी करता आली नाही. राहुलने १० चौकार आणि एका षटकारासह १७५ चेंडूंमध्ये ८२ धावा केल्या.

पावसाचा खेळ पण देवदत्तची शानदार खेळी

भारताने देवदत्त पडिक्कलच्या रूपाने आपली पाचवी विकेट गमावली. प्रभात जयसूर्याने पडिक्कलला स्टम्प आउट केले. पडिक्कलने १५ चौकार आणि १ षटकाराच्या मदतीने २३० चेंडूंमध्ये शानदार १६७ धावा केल्या. रवींद्र जडेजाला १३ धावांवर केसरा नुवान्थाने त्याला बाद केले. त्यानंतर, ध्रुव जुरेल आणि मानव सुथार यांनी सातव्या विकेटसाठी ५५ धावांची भागीदारी केली. जुरेलने ४ चौकार आणि १ षटकाराच्या मदतीने ६८ चेंडूंमध्ये ५१ धावांचे योगदान दिले. मोहम्मद सिराजन ११ धावा आणि मानव सुथार २४ धावा करुन आठव्या आणि नवव्या विकेटच्या रुपात तंबूत परतले. डावखुरा फिरकी गोलंदाज प्रभात जयसूर्या श्रीलंकेसाठी सर्वात यशस्वी गोलंदाज ठरला. त्याने १०९ धावांत चार विकेट घेतले. केसरा नुवान्थाने तीन विकेट घेतले, पण भारताने पहिल्या डावात ४६० धावांची भक्कम धावसंख्या उभारली आहे.

दोन्ही संघाचे प्लेइंग ११

भारत – यशस्वी जैस्वाल, केएल राहुल, देवदत्त पडिक्कल, शुभमन गिल (कर्णधार), ऋषभ पंत (यष्टीरक्षक), रवींद्र जडेजा, ध्रुव जुरेल, मानव सुथार, कुलदीप यादव, मोहम्मद सिराज, प्रसिद्ध कृष्णा.

श्रीलंका – लाहिरू उदारा, निशान फर्नांडो, दिनेश चांदिमल, कामिंदू मेंडिस, धनंजया डी सिल्वा (कर्णधार), सोनल दिनुषा, निरोशन डिकवेला (यष्टीरक्षक), केशरा नुवांथा, प्रभात जयसूर्या, लाहिरू कुमारा, असिथा फर्नांडो

Hockey World Cup 2026: टीम इंडियाची विजयी गर्जना! वेल्सला नमवत वर्ल्ड कपमध्ये शानदार सुरुवात