IND vs SL Live: पडिक्कलची फिफ्टी, गिलनेही ठोकलं अर्धशतक! शतकी भागीदारीने श्रीलंकेची कोंडी; भारत १८० पार

IND vs SL 2nd test Devdutt Padikkal Shubman Gill Fifty: भारत आणि श्रीलंका यांच्यात दुसरा कसोटी सामना सुरु आहे. शुभमन गिल आणि देवदत्त पडिक्कल शानदार फलंदाजी करत क्रिजवर टिकून आहेत.

• पडिक्कलची फिफ्टी अन् गिलचंही अर्धशतक
• शतकी भागीदारीने भारत मजबूत
• भारताची धावसंख्या १८० पार

भारत आणि श्रीलंका यांच्यातील मालिकेतील दुसरा आणि अंतिम कसोटी सामना कोलंबो येथील सिंहलीज स्पोर्ट्स क्लब येथे खेळला जात आहे. आज (२३ ऑगस्ट) सामन्याचा पहिला दिवस आहे. भारताने नाणेफेक जिंकून प्रथम फलंदाजी करण्याचा निर्णय घेतला आहे. भारताने लंच ब्रेक पर्यंत २ विकेट्स गमावून ८८ धावा केल्या होत्या. कर्णधार शुभमन गिल आणि देवदत्त पडिक्कल सध्या क्रिजवर शानदार फलंदाजी करत आहेत. देवदत्त पडिक्कलने पुन्हा एकदा दमदार फलंदाजी करत अर्धशतक झळकावले आहे. तर शुभमन गिलने देखील अर्धशतकी खेळी केली आहे.

IND vs SL Live: Yashasvi Jaiswal भडकला! आउट होताच श्रीलंकन गोलंदाजाशी भिडला; मैदानात रंगला हायव्होल्टेज ड्रामा, VIDEO व्हायरल

देवदत्तची अर्धशतकी खेळी, शतकाच्या जवळ

भारताने दोन विकेट्स गमावून १५० हून अधिक धावा केल्या आहेत. दरम्यान, देवदत्त पडिक्कलने आपल्या कसोटी कारकिर्दीतील दुसरे अर्धशतक पूर्ण केले आहे. त्याने आतापर्यंत शुभमन गिलसोबत तिसऱ्या विकेटसाठी १०० धावांची भागीदारी केली आहे. पडिक्कल उत्कृष्ट फॉर्ममध्ये आहे. त्याने गॉल कसोटीच्या पहिल्या डावात शतक झळकावले होते. यानंतर, दुसऱ्या डावात त्याचे अर्धशतक हुकले आणि तो ४४ धावा करून बाद झाला. आता त्याने आणखी एक अर्धशतक झळकावले आहे. गॉल कसोटीत पडिक्कल सामनावीर ठरला होता.

गिलने पूर्ण केले नववे अर्धशतक

देवदत्त पडिक्कलच्या पाठोपाठ कर्णधार शुभमन गिलनेही आपल्या कसोटी कारकिर्दीतील नववे अर्धशतक झळकावले. भारताची धावसंख्या सध्या दोन विकेट्स गमावून १८४ आहे. गिल सध्या ५० धावांवर आणि पडिक्कल ६१ धावांवर खेळपट्टीवर आहे. या दोघांनी आता तिसऱ्या विकेटसाठी ११८ धावांची भागीदारी केली आहे.

भारत विरुद्ध श्रीलंका लंच ब्रेक

दुसऱ्या कसोटीच्या पहिल्या दिवशी दुपारच्या जेवणापर्यंत भारताने ८८ धावांवर दोन विकेट्स गमावले होते. कर्णधार शुभमन गिल ११ धावांवर नाबाद राहिला, तर देवदत्त पडिक्कल १३ धावांवर नाबाद होता.

३७ धावांवर भारताला पहिला धक्का बसला. दोन चौकार आणि एका षटकारासह ३३ चेंडूंमध्ये १८ धावा करून केएल राहुल बाद झाला. लाहिरू कुमाराच्या गोलंदाजीवर यष्टीरक्षक डिकवेलाने त्याचा झेल घेतला. भारताची दुसरी विकेट ६६ धावांवर पडली. यशस्वी जैस्वाल आसिथा फर्नांडोच्या गोलंदाजीवर बोल्ड झाला. त्याने नऊ चौकारांसह ५३ चेंडूंमध्ये ४५ धावा केल्या.

दोन्ही संघांचे प्लेइंग ११

भारत: यशस्वी जैस्वाल, केएल राहुल, देवदत्त पडिक्कल, शुभमन गिल (कर्णधार), ऋषभ पंत (यष्टीरक्षक), रवींद्र जडेजा, ध्रुव जुरेल, सरांश जैन, मानव सुथार, मोहम्मद सिराज, प्रसिद्ध कृष्णा.

श्रीलंका : लाहिरू उदारा, कामिल मिश्रा, पसिंदू सूर्यबंदरा, कामिंदू मेंडिस, धनंजया डी सिल्वा (कर्णधार), सोनल दिनुषा, निरोशन डिकवेला (यष्टीरक्षक), केशरा नुवांथा, प्रभात जयसूर्या, लाहिरू कुमारा, असिथा फर्नांडो.

Hockey World Cup 2026: भारत-नेदरलँड्समध्ये ‘हायव्होल्टेज’ महामुकाबला! सामना कधी, कुठे अन् किती वाजता? जाणून घ्या