मंगळवार, 6 ऑक्टोबर 2026
IND Vs WI : तोच फॉर्म, तोच अंदाज..! कर्णधार अय्यरला भारताच्या विजयाचे 'श्रेय'श, विडिंजचा पराभव, सौजन्य : एक्स
लखनौच्या क्रिकेट स्टेडियमवर पार पडलेल्या पहिल्या टी-20 सामन्यात भारताने वेस्ट इंडिजवर 8 विकेट राखून दमदार विजय मिळवला. टॉस जिंकून भारतीय संघाने प्रथम गोलंदाजी करण्याचा निर्णय घेतला होता. वेस्ट इंडिजच्या (IND Vs WI) संघाने कर्णधार शाई होप (52) व शेरफेन रुदरफोर्ड (56) यांच्या दमदार खेळीच्या जोरावर भारतासमोर सर्वबाद 172 धावांचे टार्गेट दिले होते. या धावांचा पाठलाग करताना भारताचा कर्णधार मागे राहिला नाही. कर्णधार श्रेयस अय्यर (102 नाबाद)ने एशियन गेम्स 2026 मधील आपला फॉर्म कायम राखताना दणदणीत शतक झळकावत, भारताला मालिकेत 1-0 अशी आघाडी मिळवून दिली.
विंडिजने दिलेल्या धावांचा पाठलाग करताना भारताची सुरुवात म्हणावी तितकी चांगली ठरली नाही. सलामीला आलेले संजू सॅमसन (11) आणि अभिषेक शर्मा (21)चे विकेट लवकर पडले. अभिषेक लयात दिसला, पण रॉस्टन चेसने हेटमायरकरवी त्याला झेलबाद करत त्याचा डाव संपुष्टात आणला. त्याच्या हाकेच्या अंतरावर सॅमसन अकेल होसेनचा शिकार ठरला. अकेलने त्याला पायचित केले.
एकवेळ चौथ्याच षटकात भारताची अवस्था 2 बाद 35 धावा अशी होती, मात्र तिसऱ्या क्रमांकावर आलेला इशान किसन (37 नाबाद) आणि श्रेयस अय्यरने वेस्ट इंडिजच्या गोलंदाजांची संधी मिळाल्यानंतर चांगलीच धुलाई केली. दोघांनी अखेरपर्यंत टिकून राहत भारताच्या खात्यात विजयश्री खेचून आणली. श्रेयसने 42 चेंडूंत शतकी खेळी केली. त्याने 10 चौकार व 6 गगनचुंबी षटकार ठोकले.
𝗚𝗹𝗼𝗿𝗶𝗼𝘂𝘀 𝗛𝗨𝗡𝗗𝗥𝗘𝗗! 💯 Captain Shreyas Iyer with his maiden T20I century and what a knock it’s been! 👏 Updates ▶️ https://t.co/2czVyKWreK #TeamIndia | #INDvWI | @mflone_ | @ShreyasIyer15 https://t.co/WxO6smJbRZ — BCCI (@BCCI) October 6, 2026
ICC : शेफाली-चरणी आयसीसीच्या ‘या’ पुरस्कारासाठी नॉमिनेट, अभिषेक-गिल पुरुषांच्या श्रेणीत शॉर्टलिस्ट
भारताने प्रथम गोलंदाजी करण्याचा निर्णय घेतला होता. वेस्ट इंडिजने प्रथम फलंदाजी केली. डावाची सुरूवात वेस्ट इंडिजकडून कामिल पूरन आणि शिमरॉन हेटमायरने केली. मात्र दोन्ही फलंदाज स्वस्तात परतले. दोघांनी प्रत्येकी 12 आणि 5 रन्सची खेळी केली. तर कर्णधार शाई होपने एका बाजूने वेस्ट इंडिजचा डाव सांभाळून धरला. त्याने 52 रन्सची अर्धशतकी खेळी केली. 52 रन्स करून तो आउट झाला. त्यानंतर रोमेन पोवेल शून्यावर आउट झाला.
त्यानंतर रोस्टन चेस केवळ 5 रन्स करून आउट झाला. रोमारियो शेफर्ड देखील चांगली खेळी करू शकला नाही. मॅथ्यू फोर्डने देखील केवळ 2 रन्सचे योगदान दिले. शेरफेन रुदरफोर्डने मधल्या फळीत मात्र 6 चौकार व 3 षटकार झळकावत आपल्या संघाची धावसंख्या वाढवण्यात महत्त्वाचे योगदान दिले.
Youth Test : दुसऱ्या डावात ऑस्ट्रेलिया बॅकफूटवर, भारताची सामन्यावर बळकट पकड
भारताने टॉस जिंकत प्रथम गोलंदाजीचा निर्णय घेतला होता. भारताकडून सुरुवातीपासून चांगली गोलंदाजी झाल्याचे पाहायला मिळाले. नमन धीरने शानदार खेळी करणाऱ्या शाई होपला आउट केले. त्यानंतर अर्शदिप सिंगने कामिल पूरनला आउट केले. शिमरॉन हेटमायर रन आउट झाला. तर रोमवेन पोवेलला अक्षर पटेलने परत पाठवले. भारताकडून नमन धीरने 3 विकेट्स पटकावल्या. तर कुलदीप यादवने महत्वाच्या अशा 2 विकेट्स पटकावल्या.
