प्रताप सरनाईक यांनी संजय राऊत यांच्या टीकेवर दिले उत्तर (फोटो - सोशल मीडिया)
संजय राऊत यांना सकाळी उठल्यानंतर कोणावर टीका करावी, असा प्रश्न पडलेला असतो, अशी टीका करत सरनाईक म्हणाले, “देशाचे पंतप्रधान नरेंद्र मोदी यांच्यापासून अमित शहा, राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि देशातील तसेच राज्यातील इतर मोठ्या नेत्यांवर टीका करण्याची त्यांची सवय आहे. त्यामुळे ते रोज सकाळी चर्चेत राहत असतात.”
“जणू काही RBI चे गव्हर्नर असल्याप्रमाणे ते कोणाला दीडशे कोटी, कोणाला पन्नास कोटी, तर कोणाला शंभर कोटी रुपये मिळाले, असे सांगत असतात. ज्या एकनाथ शिंदेंच्या नेतृत्वाखाली आमचे सरकार स्थापन झाले, त्यावेळीसुद्धा पन्नास कोटींचे भाव असल्याची ते बोंबाबोंब करत होते. तरीसुद्धा महाराष्ट्रातील सर्वसामान्य जनतेने पुन्हा एकदा आम्हाला सत्ता दिली,” असे सरनाईक यांनी सांगितले.
डिमिलिटेशनसाठी खासदारांना 150 कोटींची ऑफर? संजय राऊतांच्या दाव्यावर छगन भुजबळ यांचा पलटवार
राऊत यांच्या आरोपांवर जनतेचा विश्वास नसल्याचा दावा करत ते म्हणाले, “ज्या ज्या वेळी संजय राऊत अशा पद्धतीने खासदार आणि आमदारांवर आरोप करतात, त्या त्या वेळी देशात आणि राज्यात आमची सत्ता येते. त्यामुळे त्यांच्या आरोपांना किती लोक मान्यता देतात, हे त्यांच्या वक्तव्यांवरूनच स्पष्ट होते.”
दरम्यान, डिलिमिटेशनच्या पार्श्वभूमीवर शरद पवार गटातील खासदार भाजपच्या संपर्कात असल्याच्या चर्चेवरही सरनाईक यांनी भाष्य केले. “भाजपच्या जाळ्यात कोण अडकले आहे, असे म्हणणे चुकीचे आहे. एखाद्या खासदाराला किंवा प्रादेशिक पक्षाला NDA मध्ये सहभागी व्हायचे असेल, तर त्याचे आम्ही स्वागतच करू,” असे त्यांनी स्पष्ट केले. नरेंद्र मोदी आणि अमित शहा यांच्या नेतृत्वावर विश्वास ठेवून NDA मध्ये सहभागी होणे ही चांगली भूमिका असल्याचेही त्यांनी म्हटले.
Ans: डिलिमिटेशनच्या मुद्द्यावर खासदारांना १५० कोटी रुपयांची ऑफर दिल्याचा दावा संजय राऊत यांनी केला आहे.
Ans: संजय राऊत बोलले की प्रत्येक गोष्टीचा दीडशे कोटी रुपयांचा भाव सुरू होतो, असा टोला प्रताप सरनाईक यांनी लगावला.
Ans: राऊत यांना रोज सकाळी कोणावर टीका करावी, याचा प्रश्न पडतो आणि ते सातत्याने मोठ्या नेत्यांवर आरोप करत चर्चेत राहत असल्याची टीका सरनाईक यांनी केली.






