‘ये गोल्ड हमारा है!’ भारताशी नडला त्याचा गेम झाला; इराणला नमवत टीम इंडियाने जिंकलं ‘सुवर्ण’

Asian Games 2026: भारत विरुद्ध इराण हा अंतिम सामना कबड्डीप्रेमींसाठी अत्यंत रोमांचक ठरला. दोन्ही संघांमध्ये सुरुवातीपासूनच प्रत्येक गुणासाठी जोरदार संघर्ष पाहायला मिळाला.

• भारतीय पुरुष कबड्डी संघाने जिंकले गोल्ड मेडल 
• इराणला केले 40-34 ने केले पराभूत 
• भारताने जिंकले चौथे सुवर्णपदक 

Asian Games 2026/ Men’s Kabaddi: जपानमध्ये सुरू असलेल्या एशियन गेम्समध्ये भारतीय पुरुष कबड्डी संघाने शानदार कामगिरी केली आहे. पुरुष कबड्डी संघाने ‘गोल्ड मेडल’ जिंकले आहे. भारताने इराणचा दारुण पराभव करत सुवर्णपदकाला गवसणी घातली आहे. कबड्डीच्या मैदानात भारतीय खेळाडूंनी पुन्हा एकदा आपले निर्विवाद वर्चस्व सिद्ध केले आहे. अत्यंत थरारक, हाय-व्होल्टेज आणि अटीतटीच्या सामन्यात भारतीय पुरुष कबड्डी संघाने आपला मुख्य प्रतिस्पर्धी असलेल्या इराणचा पराभव केला आहे.

Back-to-back #AsianGames gold 🇮🇳🥇 India’s men’s kabaddi team finish their #AichiNagoya2026 campaign on top, securing their 9th men’s kabaddi gold in Asian Games history. ✨ pic.twitter.com/LWukC5tzNu — Olympic Khel ™ (@OlympicKhel) September 26, 2026

आशियाई क्रीडा स्पर्धा २०२६ मधील पुरुष कबड्डीच्या अंतिम सामन्यात भारत आणि इराण यांच्यात सुरुवातीपासूनच जबरदस्त आणि अटीतटीची टक्कर पाहायला मिळाली. पहिल्या मिनिटापासून दोन्ही संघांनी एकमेकांना कडवी झुंज दिली. मात्र, उत्तरार्धात भारतीय खेळाडूंनी दाखवलेला संयम, आक्रमकता आणि अचूक रणनीतीच्या जोरावर इराणला धूळ चारत भारताने सुवर्णपदकावर आपले नाव कोरले.

Asian Games : स्क्वॉशमध्ये अभय सिंहची फायनलमध्ये धडक, पाकिस्तानी खेळाडूला घरचा रस्ता दाखवत केलं पदक निश्चित

सामन्याच्या सुरुवातीला इराणच्या संघाने अत्यंत आक्रमक खेळ करत भारतीय संघावर दडपण आणण्याचा प्रयत्न केला. दोन्ही बाजूंनी एका-एका पॉईंट्ससाठी संघर्ष करावा लागत होता. इराणने सुरुवातीला तगडे आव्हान दिले होते. पहिल्या हाफमध्ये इराणचा संघ १८-१७ असा अवघ्या एका पॉईंट्स पुढे होते.

भारताकडून चढाई करताना अर्जुन देशवालने अत्यंत वेगाने आणि चपळाईने इराणी डिफेंडर्सना चकवत महत्त्वाचे पॉईंट्स वसूल केले.सामन्याच्या अखेरच्या ६ मिनिटांमध्ये भारतीय संघाने महत्त्वपूर्ण आघाडी घेतली. त्यानंतर भारताने ही आघाडी कायम राखली आणि गोल्ड मेडलवर शिक्कामोर्तब केले.

बातमी अपडेट होत आहे…