Ind Vs Aus: भारतावर Follow On चे संकट, टेस्ट क्रिकेटमधील फॉलो ऑनचे नियम, कसे होतात लागू

Ind Vs Aus: जडेजा आणि नितीश यांच्यात ५० धावांची भागीदारी पूर्ण, भारताची धावसंख्या २०० धावांच्या जवळ पोहचला असला तरीही फॉलो ऑनचा धोका. टेस्ट क्रिकेटमध्ये फॉलो ऑन म्हणजे काय

Ind vs Aus 3rd Test Day 4 Live Updates: बॉर्डर गावस्कर ट्रॉफी (BGT 2024-25) अंतर्गत भारत आणि ऑस्ट्रेलिया यांच्यात पाच सामन्यांच्या कसोटी मालिकेतील तिसरा कसोटी सामना खेळला जात आहे. हा सामना ब्रिस्बेनच्या गाबा मैदानावर होत आहे. तिसऱ्या कसोटीचा आज चौथा दिवस आहे. तिसऱ्या दिवसाच्या खेळात भारतीय संघाने पहिल्या डावात 4 गडी गमावून 51 धावा केल्या होत्या आणि आज त्यांनी त्याआधी फलंदाजीला सुरुवात केली. रविंद्र जडेजाने 7 व्या स्थानावर 50 रन्सची भागीदारी करून इतिहास रचला आहे. भारतीय संघाला फॉलोऑन वाचवण्यासाठी अजून 195 धावांची गरज आहे. 

याआधी ऑस्ट्रेलियन संघाने पहिल्या डावात 445 धावा केल्या होत्या. तत्पूर्वी, भारतीय संघाचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. टीम इंडियाच्या प्लेइंग-11 मध्ये दोन बदल केले. आर अश्विन आणि हर्षित राणाच्या जागी रवींद्र जडेजा आणि आकाश दीप संघात परतले, तर ऑस्ट्रेलियन संघही एका बदलाने मैदानात उतरला. स्कॉट बोलँडच्या जागी जोश हेझलवूडचा समावेश करण्यात आला.

IND vs AUS 3rd Test 4th Day Weather : ब्रिस्बेनमध्ये चौथ्या दिवशी कसे असणार हवामान; पाऊस पुन्हा ठरला खलनायक

See more

फॉलो ऑन नियम

• फॉलोऑन हा क्रिकेटमध्ये ऐच्छिक नियम आहे. या नियमाची माहिती क्रिकेटच्या नियम 14 मध्ये आढळते
• हे फक्त तेव्हाच लागू होते जेव्हा दोन्ही संघ प्रत्येकी 2 वेळा फलंदाजी करतात आणि किमान तीन डाव पूर्ण होईपर्यंत सामना जिंकू शकत नाहीत
• फॉलो ऑन करण्यासाठी, प्रथम फलंदाजी करणाऱ्या संघाकडे किमान 200 धावांची आघाडी असणे आवश्यक आहे
• हा निर्णय प्रथम फलंदाजी करणाऱ्या संघाचा कर्णधार घेतो. संघ मजबूत स्थितीत असेल तर कर्णधार फॉलो ऑनचा पर्याय निवडतो
• यामध्ये प्रथम फलंदाजी करणारा संघ पहिल्या डावाच्या एकूण धावसंख्येच्या आत विरोधी संघाला दोनदा बाद करून सामन्याचा निकाल मिळवू शकतो
• सामना अनिर्णित टाळून जिंकणे हा त्याचा उद्देश आहे

कॅप्टनचा निर्णय

फॉलोऑन लागू करण्याचा निर्णय सामन्यात प्रथम फलंदाजी करणाऱ्या संघाचा कर्णधार घेतो. जर त्याचा संघ मजबूत स्थितीत असेल तर कर्णधार फॉलो ऑनचा पर्याय निवडतो. यासाठी पहिल्या डावाच्या एकूण धावसंख्येच्या आत विरोधी संघाला दोनदा बाद करावे लागेल. क्रिकेटच्या कायद्याच्या नियम 14.2 नुसार, कर्णधाराने विरोधी कर्णधार आणि पंचांना फॉलोऑनची माहिती दिली पाहिजे. एकदा दिल्यानंतर हा निर्णय बदलता येत नाही

WTC Final Senario : गाबा टेस्टमध्ये टीम इंडिया हरली तर काय होईल; जाणून घ्या काय असेल WTC फायनलचे समीकरण

See more

ड्युरेशननुसार लीड 

• क्रिकेटचा कायदा 14 सामन्याच्या कालावधीनुसार फॉलोऑन लागू करण्यासाठी संघांना आवश्यक असलेली आघाडी निर्दिष्ट करतो
• पाच किंवा त्याहून अधिक दिवसांच्या कसोटींसाठी फॉलोऑन लागू करण्यासाठी, संघाकडे 200 किंवा त्याहून अधिक धावांची आघाडी असणे आवश्यक आहे
• रणजी ट्रॉफीसारख्या देशांतर्गत प्रथम श्रेणी क्रिकेट स्पर्धांमध्ये फॉलोऑन लागू करण्यासाठी संघाला 150 किंवा त्याहून अधिक आघाडीची आवश्यकता असते
• ही आघाडी दोन दिवसीय क्रिकेटमध्ये 100 धावा आणि एकदिवसीय सामन्यात 75 धावांपर्यंत कमी होते

क्रिकेटमधील फॉलो ऑनचे नियम

क्रिकेटच्या नियम 14.1.3 नुसार, जर टेस्ट मॅचचा पहिला दिवस पावसाने वाहून गेला, तर आघाडी कमी केली जाते. एका दिवसापेक्षा जास्त कालावधीच्या सामन्याच्या पहिल्या दिवशी कोणताही खेळ न झाल्यास, खेळ सुरू होण्यापूर्वी उर्वरित दिवसांच्या संख्येनुसार 14.1 लागू होईल. खेळ किती वाजता सुरू होईल याची पर्वा न करता, ज्या दिवशी गेम प्रथम सुरू होईल तो दिवस पूर्ण दिवस म्हणून गणला जाईल