या दोन खेळाडूंचे होणार स्वप्न पूर्ण, शेवटच्या सामन्यात मिळू शकेल भारतासाठी खेळण्याची संधी

भारताचा सध्या ऑस्ट्रेलिया विरुद्ध खेळत असलेल्या संघामधल्या २ खेळाडूंना अजुनपर्यत संघी मिळाली नाही त्यामुळे आजच्या सामन्यांमध्ये भारताच्या संघामध्ये या दोन खेळाडूंना संधी मिळू शकते.

भारत विरुद्ध ऑस्ट्रेलिया : आज भारत विरुद्ध ऑस्ट्रेलिया यांच्यामधील पाच टी-२० सामान्यांमधील शेवटचा टी-२० सामना रंगणार आहे. भारताच्या संघाने चौथा सामना जिंकून ही मालिका भारताच्या नावावर केली आहे. अजूनही एक सामना होणे बाकी आहे. टीम इंडियाने पहिले दोन सामने जिंकले. त्यानंतर ऑस्ट्रेलियाने पुनरागमन करत तिसऱ्या सामन्यात विजय मिळवला. चौथ्या सामन्यात टीम इंडियाने १७४ धावा केल्यानंतर आपल्या दमदार गोलंदाजीच्या जोरावर सामना आणि मालिकाही जिंकली. शेवटचा सामना बाकी असताना टीम इंडिया त्या खेळाडूंनाही संधी देऊ शकते ज्यांना शेवटच्या ४ सामन्यांमध्ये स्थान मिळाले नाही. या मालिकेसाठी टीम इंडियाच्या संघात १६ खेळाडूंचा समावेश करण्यात आला होता, त्यापैकी १४ खेळाडूंना आतापर्यंत संधी मिळाली आहे.

भारताचा सध्या ऑस्ट्रेलिया विरुद्ध खेळत असलेल्या संघामधल्या २ खेळाडूंना अजुनपर्यत संघी मिळाली नाही त्यामुळे आजच्या सामन्यांमध्ये भारताच्या संघामध्ये या दोन खेळाडूंना संधी मिळू शकते. योगायोगाने हे दोघेही आयपीएलमध्ये रॉयल चॅलेंजर्स बंगळुरुकडून खेळलेले खेळाडू आहेत. वॉशिंग्टन सुंदर आणि शिवम दुबे यांची प्रतिक्षा संपण्याची शक्यता आहे. हे दोन्ही अष्टपैलू खेळाडू शेवटच्या ४ सामन्यांपासून आपल्या संधींची वाट पाहत होते आणि फक्त ड्रिंक्स घेऊन मैदानात जात होते. त्यांना शेवटच्या सामन्यात संधी मिळू शकते. त्यांच्यासाठी जागा कशी बनवणार हा प्रश्न आहे. त्यामुळे पाचव्या टी-२० मध्ये कर्णधार सूर्यकुमार यादवला विश्रांती दिली जाऊ शकते आणि त्याच्या जागी श्रेयस अय्यर संघाची कमान सांभाळताना दिसू शकतो.

भारताची संभाव्य प्लेईंग इलेवन
श्रेयस अय्यर (कर्णधार), यशस्वी जैस्वाल, ऋतुराज गायकवाड, टिळक वर्मा, शिवम दुबे, जितेश शर्मा (यष्टीरक्षक), वॉशिंग्टन सुंदर, दीपक चहर, आवेश खान, रवी बिश्नोई आणि अर्शदीप सिंग.

टी-२० सीरिजसाठी टीम इंडिया

सूर्यकुमार यादव (कर्णधार), श्रेयस अय्यर (उपकर्णधार), ऋतुराज गायकवाड, इशान किशन, यशस्वी जयस्वाल, तिलक वर्मा, रिंकू सिंग, जितेश शर्मा (विकेटकीपर), वॉशिंग्टन सुंदर, अक्षर पटेल, शिवम दुबे, रवी बिश्नोई, अर्शदीप सिंग, प्रसिध कृष्णा, आवेश खान आणि मुकेश कुमार.

ऑस्ट्रेलिया क्रिकेट टीम

मॅथ्यू वेड (कॅप्टन आणि विकेटकीपर), जोश फिलिप, ट्रॅव्हिस हेड, बेन मॅकडरमॉट, अॅरॉन हार्डी, टिम डेव्हिड, मॅथ्यू शॉर्ट, बेन द्वारशुइस, ख्रिस ग्रीन, जेसन बेहरेनडॉर्फ, तन्वीर संघा, नॅथन एलिस आणि केन रिचर्डसन.