IND Vs NZ: किवी अन् ‘रो-को’च्या आधी पावसाची बॅटिंग; नेमका सामना कधी सुरू होणार? वाचा सविस्तर

IND Vs NZ: आजच्या सामन्यात रोहित शर्माच्या कामगिरीकडे सर्वांचे लक्ष असणार आहे. आजच्या सामन्यावर पावसाचे देखील संकट असल्याचे म्हटले जात आहे.

• थोड्याच वेळात सुरू होणार भारत -न्यूझीलंड सामना 
• आजच्या सामन्यावर आहे पावसाचे संकट 
• पावसामुळे सामना उशिरा सुरू होण्याची शक्यता 

IND Vs NZ: भारत आणि न्यूझीलंडमधील सुरू असलेल्या सिरीजचा दुसरा सामना आज खेळवला जाणार आहे. थोड्याच वेळात दोन्ही संघ मैदानात उतरणार आहे. न्यूझीलंडचे नेतृत्व मिशेल सँटनर आणि भारताचे नेतृत्व शुभमन गिल करत आहे. पहिला सामना जिंकत भारताने 1-0 अशी आघाडी घेतली आहे. त्यामुळे आज देखील भारत दुसऱ्या विजयासाठी मैदानात उतरेल. दरम्यान सामना असलेल्या परिसरात पावसाने हजेरी लावल्याचे चित्र दिसून येत आहे. त्यामुळे कदाचित सामना सुरू होण्यास काहीसा विलंब होण्याची शक्यता वर्तवली जात आहे. अंपायर आणि अन्य अधिकारी मैदानाची पाहणी करून सामना कधी सुरू होणार याबाबत भूमिका स्पष्ट करतील.

न्यूझीलंडचा संघ पहिल्या सामन्यात फलंदाजी करताना आणि गोलंदाजी देखील काहीसा अपयशी ठरल्याचे दिसून आले. पहिली फलंदाजी करताना न्यूझीलंडने केवळ 185 रन्स केल्या. त्यानंतर हे टार्गेट भारताने सहज पूर्ण करत विजय प्राप्त केला. त्यामुळे आजचा सामना हा महत्वाचा असणार आहे. भारत हा सामना जिंकून सिरीजमध्ये आघाडी घेण्याचा प्रयत्न करेल. तर न्यूझीलंड आपल्या पहिल्या विजयासाठी खेळताना दिसणार आहे.

IND VS NZ: उद्या पाऊस नसला तर मैदानात धुरळा उडणार! भारत-न्यूझीलंड सामना ‘या’ ठिकाणी पहा फ्री…

नुकत्याच झालेल्या टी 20 सिरीजमध्ये भारताने न्यूझीलंडचा 3-2 असा पराभव केला आहे. त्यामुळे वनडे संघांचा देखील आत्मविश्वास वाढला आहे. शुभमन गिलच्या नेतृत्वात भारतीय संघ शानदार कामगिरी करताना दिसून येत आहे. पहिल्या सामन्यात रोहित शर्मा, विराट कोहली आणि संपूर्ण टीमचे क्षेत्ररक्षण हे अत्यंत अचूक आणि चांगले झाल्याचे दिसून आले. त्यामुळे आजच्या सामन्यात देखील भारत अशीच चांगली कामगिरी करेल अशी अपेक्षा व्यक्त केली जात आहे.

आजच्या सामन्यात रोहित शर्माच्या कामगिरीकडे सर्वांचे लक्ष असणार आहे. आजच्या सामन्यावर पावसाचे देखील संकट असल्याचे म्हटले जात आहे. त्यामुळे पाऊस झाल्यास हा सामना किती ओव्हर्सचा होणार हे देखील पहावे लागणार आहे. मागच्या सामन्यात रोहित शून्यावर आउट झाला होता. आगामी वर्ल्डकपच्या दृष्टीने रोहित शर्मासाठी ही सिरीज महत्वाची समजली जात आहे.

दोन्ही संघांची प्लेइंग ११

भारत: शुभमन गिल (कर्णधार), रोहित शर्मा, विराट कोहली, श्रेयस अय्यर, अक्षर पटेल, केएल राहुल, नमन धीर, अंशुल कंबोज, आकिब नबी, गुरनूर ब्रार, अर्शदीप सिंग.

IND vs NZ: किवींचा खेळ खल्लास! विराट कोहलीची वादळी खेळी अन् अर्शदीपचा भेदक मारा; टीम इंडियाने न्यूझीलंडला लोळवले

न्यूझीलंड: टिम सेफर्ट, विल यंग, ​​हेन्री निकोल्स, डॅरिल मिशेल, टॉम लॅथम, ग्लेन फिलिप्स, मिचेल सँटनर (कर्णधार), नॅथन स्मिथ, काइल जेमिसन, जेकब डफी, ब्लेअर टिकनर.