भारत विरुद्ध श्रीलंका-वनडे वर्ल्ड कप २०२३ : आज 2 नोव्हेंबर रोजी विश्वचषक 2023 मध्ये, टीम इंडिया उपांत्य फेरीचे तिकीट सुरक्षित करण्यासाठी मैदानात उतरेल. या स्पर्धेत आतापर्यंत अपराजित राहिलेल्या टीम इंडियाला अंतिम चारमध्ये पोहोचण्यासाठी केवळ एका विजयाची गरज असून आज हा विजय निश्चित असल्याचे मानले जात आहे. टीम इंडियाने या स्पर्धेत आपले सर्व 6 सामने एकतर्फी जिंकले आहेत. ऑस्ट्रेलिया, पाकिस्तान, न्यूझीलंड आणि इंग्लंड यांसारख्या मोठ्या संघांनाही त्यांनी दणदणीत पराभव दिला आहे. दुसरीकडे, श्रीलंकेचा संघ आपल्या 6 पैकी 4 सामन्यात पराभूत झाला आहे. अशा स्थितीत अलीकडची कामगिरी पाहता टीम इंडियाचा विजय निश्चित मानला जात आहे. येथेही इतर काही घटक आहेत, जे तीन इंडियाच्या विजयाचे दावे करताना दिसत आहेत.
भारत आणि श्रीलंका यांच्यात आतापर्यंत एकूण 167 एकदिवसीय सामने खेळले गेले आहेत . यातील भारतीय संघाने 98 सामने जिंकले आहेत, तर श्रीलंकेने 57 सामने जिंकले आहेत. एक सामना टाय झाला असून 11 सामने अनिर्णित राहिले आहेत. म्हणजेच हेड टू हेड रेकॉर्डमध्ये भारतीय संघ एकतर्फी वर्चस्व गाजवताना दिसतो. आज ज्या मैदानावर (वानखेडे) भारत आणि श्रीलंका यांच्यात सामना होणार आहे, तिथे भारताचा विक्रम शेजाऱ्यापेक्षा चांगला आहे. भारत आणि श्रीलंका येथे तीन वेळा भिडले आहेत, ज्यामध्ये भारताने दोन आणि श्रीलंकेने एक जिंकला आहे. मात्र, विश्वचषकातील आकडेवारी दोन्ही संघ बरोबरी दाखवत आहेत. हे दोन्ही संघ विश्वचषकात 9 वेळा आमनेसामने आले आहेत आणि दोन्ही संघांनी 4-4 जिंकले आहेत. एक सामनाही अनिर्णित राहिला आहे.
टीम इंडिया आणि श्रीलंकेचे फलंदाज 2023 च्या विश्वचषक स्पर्धेत ज्या प्रकारे कामगिरी करत आहेत ते पाहता विजय किंवा पराभवाचा अचूक अंदाज बांधण्यासाठी पुरेसा आहे. भारतीय संघाचे नंबर-1 ते नंबर-7 चे फलंदाज उत्कृष्ट फॉर्ममध्ये दिसत आहेत. या विश्वचषकातही प्रत्येकाच्या बॅटमधून धावा येत आहेत. रोहित शर्मा आणि विराट कोहली हे या स्पर्धेत सर्वाधिक धावा करणारे खेळाडू होण्याच्या शर्यतीत आहेत. शुभमन गिल आयसीसी क्रमवारीत नंबर-2 फलंदाज आहेत. मधल्या फळीत, श्रेयस अय्यर आणि केएल राहुल काही प्रसंगी त्यांच्या समंजस खेळीने टीम इंडियाचा डाव अधिक चांगल्या प्रकारे हाताळताना दिसतात आणि शेवटी सूर्यकुमार आणि जडेजा देखील आहेत. सूर्याने मागच्या सामन्यातही उत्कृष्ट खेळी केली होती. याउलट श्रीलंकेचे केवळ तीन फलंदाज नियमित कामगिरी करत आहेत. या विश्वचषकात या संघातील उर्वरित फलंदाजांनी अत्यंत खराब कामगिरी केली आहे. समरविक्रम, निसांका आणि कर्णधार कुसल मेंडिस चांगल्या धावा करत आहेत, पण असालंका, परेरा ते डिसिल्व्हा यांच्यापर्यंतचा एकही फलंदाज रंग भरू शकला नाही.
गोलंदाजी या दोन्ही विभागात टीम इंडिया सरस आहे, वेगवान गोलंदाजी असो वा फिरकी गोलंदाजी, या दोन्ही विभागात टीम इंडिया श्रीलंकेपेक्षा सरस आहे. जसप्रीत बुमराह या स्पर्धेत सर्वाधिक विकेट्स घेण्याच्या शर्यतीत आहे. तर, मोहम्मद शमीने गेल्या दोन सामन्यात 9 विकेट घेतल्या आहेत. त्यानंतर, मोहम्मद सिराज देखील आहे, जो या विश्वचषकात जास्त विकेट घेऊ शकला नाही पण त्यानेच विश्वचषकापूर्वी आशिया कप फायनलमध्ये श्रीलंकेचे कंबरडे मोडले होते. भारताचे हे वेगवान गोलंदाज त्रिकूट सध्या विश्वचषक २०२३ मधील सर्वोत्तम वेगवान गोलंदाज मानले जात आहे. भारताची फिरकी जोडी कुलदीप आणि जडेजा मधल्या षटकांमध्येही आपली भूमिका चोख बजावत आहेत. दुसरीकडे, श्रीलंकेकडून दिलशान मदुशंका आणि कसून रजिथा विकेट घेण्याच्या बाबतीत योग्य असल्याचे सिद्ध झाले आहे. याशिवाय बाकीचे गोलंदाज कोणत्याही प्रकारे संघाच्या कामगिरीत योगदान देऊ शकत नाहीत. या दोघांशिवाय या विश्वचषकात लंकेच्या अन्य कोणत्याही गोलंदाजाला 3 पेक्षा जास्त बळी घेता आलेले नाहीत.
.png "Videos"){kind=small}
