Team India (Photo Credit- X)
IND vs OMA, Asia Cup 2025: आजच्या ओमानविरुद्धच्या सामन्यात भारतीय संघाने एक मोठा पराक्रम करत टी-२० आंतरराष्ट्रीय क्रिकेटमध्ये २५० सामने पूर्ण केले आहेत. भारतीय संघ ही ऐतिहासिक कामगिरी करणारा जगातील दुसरा संघ ठरला आहे. यापूर्वी केवळ पाकिस्तानने २५० पेक्षा जास्त टी-२० सामने खेळले आहेत.
सूर्यकुमार यादवच्या नेतृत्वाखालील भारतीय संघाने ओमानविरुद्धचा सामना खेळताना हा टप्पा गाठला. हा सामना अबू धाबी येथील शेख झायेद क्रिकेट स्टेडियममध्ये पार पडला. २००६ मध्ये आपला पहिला टी-२० सामना खेळणाऱ्या टीम इंडियाने आतापर्यंत २५० सामने खेळले आहेत. यातील १६६ सामन्यांमध्ये विजय मिळवला आहे, तर ७१ सामन्यांत पराभव पत्करावा लागला आहे. सहा सामने बरोबरीत (टाय) सुटले आहेत, तर सहा सामन्यांचा कोणताही निकाल लागला नाही. भारत हा जगातील एकमेव असा संघ आहे, ज्याचा टी-२० मध्ये आतापर्यंत ज्या संघांविरुद्ध सामना झाला आहे, त्या प्रत्येक संघाविरुद्ध त्याचा विजय दर (Win Percentage) ५०% पेक्षा जास्त आहे.
.png "Videos"){kind=small}
