फोटो सौजन्य - 𝐑𝐮𝐬𝐡𝐢𝐢𝐢⁴⁵ सोशल मिडिया
IPL 2026, Bhuvneshwar Kumar and Virat Kohli Viral Video : आयपीएल २०२६ सुरू होणार असून, काउंटडाउनला सुरुवात झाली आहे. 28 मार्चपासून इंडियन प्रिमियर लीग 2026 चा नव्या सिझनला सुरूवात होणार आहे. सर्व संघामधील खेळाडूंची तयारी सध्या जोरदार सुरू आहे. मागील हंगामातील विजेता संघ, आरसीबी, पुन्हा एकदा स्पर्धेची तयारी करत आहे. स्टार खेळाडू विराट कोहलीनेही आपल्या फलंदाजीचे कौशल्य दाखवायला सुरुवात केली असून तो कॅम्पमध्ये इतर खेळाडूंसोबत सराव करत आहे.
विराट कोहलीचे चाहते जगभरामध्ये आहेत. आता भारताचा स्टार गोलंदाज भूवनेश्वर कुमार आणि विराट कोहली यांचा एक व्हिडिओ सोशल मिडियावर व्हायरल होत आहे. भूवनेश्वर आणि विराट आमनेसामने आले आणि त्याचा व्हिडिओ सोशल मिडियावर प्रचंड व्हायरल होत आहे. विराटच्या सरावाचा एक व्हिडिओ सोशल मीडियावर वेगाने व्हायरल होत आहे, ज्यामध्ये तो अनुभवी वेगवान गोलंदाज भुवनेश्वर कुमारचा सामना करत आहे. नेटमध्ये सराव करताना, भुवीने टाकलेल्या एका चेंडूने कोहलीचा तोल पूर्णपणे बिघडवला.
विराट कोहलीने आपल्या भेदक फलंदाजीने जगभरातील गोलंदाजांना सळो की पळो करून सोडले आहे, पण तो अनुभवी भुवनेश्वर कुमारसमोर अपयशी ठरला. एका व्हायरल व्हिडिओमध्ये स्पष्टपणे दिसत आहे की, भुवनेश्वर कोहलीला एक अचूक यॉर्कर टाकत आहे, ज्यामुळे तो चेंडू चुकवण्याच्या प्रयत्नात पूर्णपणे तोल गमावतो. शॉट कुठे खेळावा हेच विराटला सुचत नव्हते आणि त्याचे लक्ष फक्त चेंडू चुकवण्यावरच केंद्रित राहिले. हा व्हिडिओ सोशल मीडियावर वेगाने व्हायरल होत आहे.
विराट कोहली आयपीएलच्या इतिहासातील सर्वश्रेष्ठ फलंदाज आहे. या स्पर्धेत सर्वाधिक धावा करण्याचा विक्रम त्याच्या नावावर आहे. यावेळी आयपीएलमध्ये पदार्पण करताना त्याला स्पर्धेत एक नवीन विक्रम प्रस्थापित करण्याची संधी मिळेल. विराट कोहली या मोसमात आयपीएलमध्ये ९,००० धावा पूर्ण करण्याच्या अगदी जवळ आहे. असे करणारा तो पहिला खेळाडू ठरेल. आतापर्यंत स्पर्धेच्या इतिहासात इतर कोणत्याही फलंदाजाने ८,००० धावांचा टप्पाही गाठलेला नाही. आरसीबीला विजेतेपद राखण्यास मदत करण्याची विराटला एक मोठी संधी मिळेल.
.png "Videos"){kind=small}
