प्रिन्स यादव आणि स्टब्सची शाब्दिक बाचाबाची (फोटो सौजन्य - X.com)
दिल्ली कॅपिटल्सच्या पथुम निस्संका आणि अक्षर पटेल यांना बाद केल्यानंतर प्रिन्स यादव उत्साहात असताना ही घटना घडली. पॉवर प्लेमध्ये चार विकेट गमावल्याने दिल्ली अडचणीत होती. ट्रिस्टन स्टब्स मधल्या फळीत फलंदाजीसाठी आला होता. प्रिन्स यादवला स्टब्सवर मानसिक दबाव आणायचा होता. यामुळे लखनौचा गोलंदाज आणि स्टब्स यांच्यात जोरदार शाब्दिक चकमक झाली, ज्याचा व्हिडिओ सोशल मीडियावर वेगाने व्हायरल होत आहे.
प्रिन्स यादवने २० धावांत २ बळी घेतले
लखनौसाठी प्रिन्स यादवच्या गोलंदाजीच्या कामगिरीत दोन बळींचा समावेश होता. त्याने तीन षटकांत केवळ २० धावा देऊन दोन बळी घेतले. प्रिन्स हा लखनौच्या सर्वात किफायतशीर गोलंदाजांपैकी एक होता. तथापि, लखनौची फलंदाजीची धावसंख्या केवळ १४१ होती, त्यामुळे त्यांच्या गोलंदाजांना फारसे काही करावे लागले नाही. यामुळेच लखनौचे गोलंदाज आपल्या धावसंख्येचा बचाव करू शकले नाहीत. याचदरम्यान प्रिन्स आणि स्टब्समध्येही शाब्दिक बाचाबाची झाली आणि हे थांबविण्यासाठी अंपायरला मध्यस्थी करावी लागली. यानंतर दोघांवरही कोणतीही कारवाई झाली नसली तरी IPL च्या घमासान युद्धाला प्रारंभ झालाय हे मात्र नक्की!
दिल्लीने सामना ६ गडी राखून जिंकला
दिल्ली कॅपिटल्सने लखनौविरुद्धचा सामना ६ गडी राखून जिंकला. १४२ धावांचे लक्ष्य गाठताना दिल्लीची सुरुवात खराब झाली, परंतु ट्रिस्टन स्टब्स आणि समीर रिझवीच्या मधल्या फळीतील कामगिरीमुळे संघाला केवळ १७.१ षटकांत विजय मिळवता आला. समीर रिझवीने दिल्लीसाठी नाबाद ७० धावा केल्या, तर स्टब्सनेही ३९ धावांचे योगदान दिले. दिल्लीने हा सामना लखनौकडून खेचून आणत जिंकला.
पहा व्हिडिओ
New lafda loading Between Stubbs and Prince yadav 😂 pic.twitter.com/w9zK4hegdG — Vaibhav Agrawal (@VaibhavAgr34331) April 2, 2026
IPL 2026 मध्ये मोठा ड्रामा, स्वतःला रोहित शर्मा समजत होता राहुल तेवतिया; Umpire ने बदलायला लावली बॅट
.png "Videos"){kind=small}
