फोटो सौजन्य - सोशल मिडिया
IPL 2026 First Match : आयपीएलचा नवीन हंगाम २८ मार्च रोजी सुरू होणार आहे. या सामन्यात रजत पाटीदारच्या आरसीबीचा सामना इशान किशनच्या नेतृत्वाखालील सनरायझर्स हैदराबादशी होईल. हा सामना बंगळूरमधील चिन्नास्वामी स्टेडियमवर खेळला जाईल. गतविजेत्यांचा सामना गतविजेत्यांशी होणार असल्याने सर्वांचे लक्ष या सामन्यावर लागले आहे. या सामन्यापूर्वी, पावसामुळे खेळ खराब होईल की काय, याबद्दल चाहत्यांना चिंता वाटत आहे. चला तर मग, या सामन्याच्या हवामान अंदाजावर एक नजर टाकूया.
रॉयल चॅलेंजर्स बंगळूर आणि सनरायझर्स हैदराबाद यांच्यातील सलामीचा सामना बंगळूर येथील चिन्नास्वामी स्टेडियमवर खेळला जाईल. सामन्याच्या दिवशी बंगळूरमधील हवामान निरभ्र राहण्याची शक्यता आहे. AccuWeather नुसार, २८ मार्च रोजी तापमान ३२ ते ३४ अंश सेल्सिअसच्या दरम्यान राहण्याची शक्यता असून, ते १८ ते २० अंश सेल्सिअसपर्यंत खाली येण्याची शक्यता आहे. या सामन्यादरम्यान पावसाची कोणतीही शक्यता नाही आणि सामना पूर्ण क्षमतेने खेळला जाईल.
आरसीबी आणि सनरायझर्स हैदराबाद यांच्यातील सामना सायंकाळी ७:३० वाजता सुरू होईल. त्यापूर्वी अर्धा तास, दोन्ही संघांचे कर्णधार नाणेफेकीसाठी मैदानात उतरतील. रजत पाटीदार आरसीबीचे, तर इशान किशन सनरायझर्स हैदराबादचे नेतृत्व करेल. या सामन्यात दोन्ही संघ दमदार कामगिरी करून आपल्या मोहिमेची सुरुवात करण्यास उत्सुक असतील.
A blockbuster start awaits. 🎥🔥 Defending champs RCB face explosive SRH in the #TATAIPL 2026 opener.#TATAIPL 2026 👉 #RCBvSRH | SAT, 28th MAR, 5.30 PM pic.twitter.com/L8bOeqBAv2 — Star Sports (@StarSportsIndia) March 28, 2026
रॉयल चॅलेंजर्स बंगलोर (RCB): फिल सॉल्ट, विराट कोहली, देवदत्त पडिक्कल, रजत पाटीदार (कर्णधार), जितेश शर्मा (यष्टीरक्षक), टिम डेव्हिड, रोमॅरियो शेफर्ड, क्रुणाल पंड्या, भुवनेश्वर कुमार, जेकब डफी, मंगेश यादव
सनरायझर्स हैदराबाद (SRH): अभिषेक शर्मा, ट्रॅव्हिस हेड, इशान किशन (c/wk), नितीश कुमार रेड्डी, हेनरिक क्लासेन, अनिकेत वर्मा, हर्षल पटेल, लियाम लिव्हिंगस्टोन, झीशान अन्सारी, इशान मलिंगा, जयदेव उनाडकट
