(फोटो सौजन्य-सोशल मीडिया)
अभिषेक शर्मावर या सामन्यादरम्यान शिस्तभंगाच्या कारवाई करण्यात आली. सामन्यादरम्यान ‘आयपीएल आचारसंहिते’चे म्हणजेच IPL Code of Conduct चं उल्लंघन केल्याप्रकरणी त्याच्या सामन्याच्या मानधनातील २५ टक्के रक्कम दंड म्हणून आकारण्यात आली आहे. तसेच, त्याच्या खात्यावर एक ‘डिमेरिट पॉइंट’देखील जमा करण्यात आला आहे.
अभिषेक शर्मावर हा दंड ठोठावताना, बीसीसीआयने एका अधिकृत निवेदनात स्पष्ट केलं की, “सनरायझर्स हैदराबादचा अष्टपैलू खेळाडू अभिषेक शर्मा याच्यावर, गुरुवारी कोलकाता येथील ईडन गार्डन्सवर कोलकाता नाईट रायडर्सविरुद्ध झालेल्या सामन्यादरम्यान आयपीएल आचारसंहितेचे उल्लंघन केल्याप्रकरणी, त्याच्या सामन्याच्या मानधनाच्या २५ टक्के दंड ठोठावण्यात आला आहे. याव्यतिरिक्त, त्याच्या शिस्तभंगाच्या नोंदीमध्ये एक डिमेरिट पॉइंट जोडण्यात आला आहे.” अभिषेकने आपली चूक कबूल केली. या निवेदनात पुढे नमूद करण्यात आले: “त्याने आयपीएल आचारसंहितेच्या कलम २.३ अंतर्गत Level 1 दर्जाचा गुन्हा केल्याचे मान्य केले आणि Match Referee सुनावलेली शिक्षा स्वीकारली. आचारसंहितेच्या ‘स्तर १’ दर्जाच्या उल्लंघनांच्या बाबतीत, सामना पंचांचा निर्णय अंतिम आणि बंधनकारक असतो.”
९व्या षटकाच्या चौथ्या चेंडूवर सीमारेषेच्या जवळ अभिषेक झेलबाद झाला. मात्र, वरुण चक्रवर्तीने तो झेल cleanly पकडला होता की नाही, हे स्पष्ट होत नसल्याने हा निर्णय Third Umpire कडे सोपवण्यात आला. आणि त्याला बाद ठरवण्यात आलं. पण या निर्णयाचा थेट नसला तरी विरोध झाला. सोशल मीडियावर अनेक चाहत्यांनाही तो झेल वैध नसल्याचे वाटले. अभिषेकही या निर्णयामुळे नाराज असल्याचे दिसून आले.
सनरायझर्स हैदराबाद संघाने गुरुवारी आयपीएल २०२६ हंगामातील आपला पहिला विजय नोंदवला. ईडन गार्डन्सवर प्रथम फलंदाजी करताना, संघाने २२६ धावांचा विशाल डोंगर उभारला; प्रत्युत्तरात कोलकाता नाईट रायडर्सचा संघ १६१ धावांवरच गारद झाला. २४ चेंडूंमध्ये ३९ धावांची महत्त्वपूर्ण खेळी साकारण्यासह, आपल्या २ षटकांत २ बळी घेतल्याबद्दल नितीश कुमार रेड्डीला Player of the Match देण्यात आलं.
.png "Videos"){kind=small}
