Rajasthan Royals च्या यशस्वी जयस्वालने केला मोठा रेकॉर्ड, पूर्ण केले 6 चे अनोखे शतक; ठरला चौथा मानकरी

यशस्वी जैस्वालने मुंबई इंडियन्सविरुद्धच्या सामन्यात ३२ चेंडूंमध्ये ७७ धावांची नाबाद स्फोटक खेळी केली. या खेळीदरम्यान त्याने राजस्थान रॉयल्ससाठी एक मोठा आयपीएल विक्रम रचला.

• यशस्वी जयस्वालचा राजस्थान रॉयलसाठी मोठा विक्रम 

• हा विक्रम करणारा चौथा फलंदाज 

• मुंबई इंडियन्सविरूद्धच्या सामान्यात केला विक्रम 

यशस्वी जैस्वालने मुंबई इंडियन्सविरुद्धच्या सामन्यात चौकार आणि षटकारांची उधळण केली. पावसामुळे बाधित झालेला हा सामना प्रत्येकी ११ षटकांचा करण्यात आला आणि नाणेफेक हरल्यानंतर राजस्थानने प्रथम फलंदाजी करण्याचा निर्णय घेतला. वैभव सूर्यवंशीसोबत सलामी देताना, यशस्वीने पहिल्याच चेंडूपासून स्फोटक खेळी सुरू केली आणि गोलंदाजांची धुलाई केली. यशस्वीने केवळ ३२ चेंडूंचा सामना केला आणि ७७ धावांवर नाबाद राहिला. २४० च्या स्ट्राईक रेटने खेळलेल्या त्याच्या या शानदार खेळीत १० चौकार आणि चार षटकारांचा समावेश होता. यासोबतच, यशस्वीने एक मोठा विक्रमही रचला.

यशस्वीने राजस्थान रॉयल्ससाठी आयपीएलमध्ये १०० षटकारांचा टप्पा गाठला आहे. आयपीएलमध्ये या फ्रँचायझीसाठी १०० षटकार पूर्ण करणारा तो चौथा फलंदाज ठरला आहे. यापूर्वी शेन वॉटसन, जोस बटलर आणि संजू सॅमसन यांनी हा पराक्रम केला आहे. राजस्थान रॉयल्ससाठी सर्वाधिक षटकारांचा विक्रम संजू सॅमसनच्या नावावर आहे. सॅमसनने १९२ षटकार मारले आहेत. जोस बटलर १३५ षटकारांसह दुसऱ्या क्रमांकावर आहे. तर, वॉटसनने या फ्रँचायझीकडून खेळताना १०९ षटकार मारले आहेत.

RR vs MI: पराभव लागला हार्दिक पंड्याच्या जिव्हारी! म्हणाला, ‘त्यांनी तर आम्हाला…’, फोडले बॉलर्सवर खापर

राजस्थान रॉयल्सची वादळी सुरुवात

See more

गुवाहाटीमध्ये पाऊस आणि ओल्या मैदानामुळे विलंब झाल्यानंतर, राजस्थान रॉयल्स आणि मुंबई इंडियन्स यांच्यातील सामना अखेर रात्री १०:१० वाजता सुरू झाला. मुंबईचा कर्णधार हार्दिक पांड्याने नाणेफेक जिंकून प्रथम गोलंदाजी करण्याचा निर्णय घेतला. पावसामुळे सामना प्रत्येकी ११ षटकांचा करण्यात आला. राजस्थानचे दोन डावखुरे सलामीवीर, यशस्वी जयस्वाल आणि युवा वैभव सूर्यवंशी यांनी मैदानात उतरताच चौकार आणि षटकारांचा वर्षाव केला. 

दोघांनी मिळून अवघ्या पाच षटकांत ८० धावांची स्फोटक भागीदारी केली. १५ वर्षीय वैभवने अवघ्या १४ चेंडूंमध्ये एक चौकार आणि पाच षटकारांसह ३९ धावा ठोकल्या. शार्दुल ठाकूरने त्याला बाद करून ही भागीदारी तोडली. वैभव बाद झाल्यानंतर राजस्थानच्या काही विकेट्स झटपट पडल्या. ध्रुव जुरेलला अल्लाह गझनफरने अवघ्या २ धावांवर बाद केले. कर्णधार परागने १० चेंडूंमध्ये २० धावा केल्या, पण गझनफरने त्याचा दुसरा बळी घेतला.

MI Vs RR Pitch Report: मुंबई विरुद्ध राजस्थान रॉयल्स मॅचवर पावसाचे सावट? पहा पीच रिपोर्ट

जयस्वालने ऑरेंज कॅपवर नाव कोरले

एका बाजूने विकेट्स पडत होत्या, पण यशस्वी जयस्वालची बॅट अजेय राहिली. त्याने आपला उत्कृष्ट फॉर्म कायम ठेवत २३ चेंडूंमध्ये अर्धशतक झळकावले. ७७ धावांच्या नाबाद खेळीसह जैस्वालने या मोसमातील सर्वाधिक धावा करणाऱ्या दिल्ली कॅपिटल्सच्या समीर रिझवीला मागे टाकत ऑरेंज कॅपवर आपले नाव कोरले. त्याने तीन सामन्यांमध्ये १७० धावा केल्या आहेत, तर समीर रिझवीने दोन सामन्यांमध्ये १६० धावा केल्या आहेत.