Ishan Kishanचा धुमाकूळ! विराट कोहलीचा मोठा विक्रम मोडला; एका वर्षात सर्वाधिक T20 धावा

Ishan Kishan broke virat kohli 10 year record in T20: विकेटकीपर-फलंदाज ईशान किशनने वेस्ट इंडिजविरुद्धच्या पहिल्या टी-२० सामन्यात नाबाद ३७ धावा करून एक मोठा विक्रम रचला. या खेळीसह, ईशानने विराट कोहलीचा १० वर्षे जुना विक्रम मोडला.

• कोहलीचा दशकभराचा रेकॉर्ड अखेर तुटला
• ईशान किशनने रचला इतिहास
• T20 मध्ये ठरला नंबर-1

टीम इंडियाने वेस्ट इंडिजविरुद्धच्या पाच सामन्यांच्या टी-२० मालिकेतील पहिल्या सामन्यात ८ विकेट्स राखून शानदार विजय नोंदवला. या विजयासह मालिकेत १-० अशी आघाडी घेतली. लखनौच्या एकाना स्टेडियमवर खेळल्या गेलेल्या या सामन्यात, भारतीय कर्णधार श्रेयस अय्यरने शानदार शतक झळकावले. अय्यरने १०२ धावांची धडाकेबाज नाबाद खेळी करत सामना जिंकून दिला. तसेच,, स्टार विकेटकीपर फलंदाज ईशान किशनने २७ चेंडूंमध्ये ३७ धावांची नाबाद खेळी केली. या खेळीच्या जोरावर ईशानने टी-२० क्रिकेटमध्ये एक मोठी कामगिरी केली आहे. या बाबतीत त्याने विराट कोहलीचा १० वर्षे जुना विक्रम मोडला आहे.

IND Vs WI 2nd T20: भारत-वेस्ट इंडिजचा दुसरा T20 सामना पावसात वाहून जाणार? रांचीत हवामान करणार गेम

ईशान किशनने विराट कोहलीचा १० वर्षे जुना विक्रम मोडला

२८ वर्षीय ईशान किशन (Ishan Kishan ) गेल्या काही काळापासून उत्कृष्ट फॉर्ममध्ये आहे. आपल्या सातत्यपूर्ण आणि प्रभावी खेळीच्या जोरावर ईशानने टी-२० क्रिकेटमध्ये एक महत्त्वपूर्ण टप्पा गाठला आहे. त्याने २०१६ मध्ये विराट कोहलीच्या नावावर असलेला १० वर्षे जुना विक्रम मोडला आहे. तो आता ​​टी-२० क्रिकेटमध्ये एका कॅलेंडर वर्षात सर्वाधिक धावा करणारा भारतीय फलंदाज बनण्याचा मान मिळवला आहे. २०१६ मध्ये, कोहलीने ३१ टी-२० सामन्यांमधील २९ डावांमध्ये १६१४ धावा केल्या होत्या. या काळात त्याने ४ शतके आणि १४ अर्धशतके झळकावली होती.

मात्र, ईशानने आता २०२६ मध्ये हा टप्पा ओलांडला आहे. यावर्षी आतापर्यंत, ईशानने ४५ टी-२० सामन्यांच्या ४५ डावांमध्ये ३ १,६४४ ​​धावा केल्या आहेत. यामध्ये १३ अर्धशतक आणि एक शतकाचा समावेश आहे. त्याने यावर्षी टी-२० आंतरराष्ट्रीय सामन्यांमध्ये १,०४२ धावा केल्या आहेत. याव्यतिरिक्त, त्याने आयपीएल २०२६ मध्ये सनरायझर्स हैदराबाद (SRH) साठी १५ सामन्यांमध्ये ४०.१३ च्या सरासरीने ६०२ धावा केल्या आहेत.

एका वर्षात भारतीयाने केलेल्या सर्वाधिक टी२० धावा

• ईशान किशन – १६४४ धावा (२०२६)
• विराट कोहली – १६१४ धावा (२०१६)
• अभिषेक शर्मा – १६०२ धावा (२०२५)
• सूर्यकुमार यादव – १५०३ धावा (२०२२)
• अभिषेक शर्मा – १३९५ धावा (२०२६)

सूर्यकुमार यादवच्या विक्रमावर ईशानची नजर

विराट कोहलीचा विक्रम मोडल्यानंतर, ईशान किशनने आता टी-२० आंतरराष्ट्रीय क्रिकेटमध्ये भारतासाठी एका कॅलेंडर वर्षात सर्वाधिक धावा करण्याचा विक्रम करण्यावर लक्ष असेल.सध्या हा विक्रम सूर्यकुमार यादवच्या नावावर आहे, ज्याने २०२२ मध्ये ११६४ धावा केल्या होत्या. ईशान या विक्रमाच्या अगदी जवळ पोहोचला आहे. सध्याच्या आकडेवारीनुसार, सूर्यकुमारचा विक्रम मोडण्यासाठी त्याला केवळ १२३ धावांची गरज आहे. त्यामुळे, वेस्ट इंडिजविरुद्धच्या टी-२० मालिकेतील उर्वरित सामन्यांमध्ये ईशानला आणखी एक मोठा विक्रम प्रस्थापित करण्याची संधी मिळेल.

Shreyas Iyer चा ‘वन-मॅन शो’ ! शतक ठोकलं अन् ‘किंग’ कोहलीचा विक्रम मोडला; वेस्ट इंडिजविरुद्ध रचला इतिहास