9 धावांचा खेळ अन् विश्वविक्रम! लॉर्ड्सवर Joe Root मैदानात उतरताच इतिहास बदलला; पाँटिंगचा ‘हा’ रेकॉर्ड मोडला, आता सचिनचा नंबर?

Joe Root breaks Ponting world record most runs home ground: लॉर्ड्स कसोटीच्या दुसऱ्या दिवशी इंग्लंडचा कर्णधार जो रूटने कसोटी क्रिकेटच्या इतिहासात मायदेशात सर्वाधिक धावा करणारा खेळाडू बनून एक नवीन विश्वविक्रम रचला आहे.

• जो रूटचा मोठा विक्रम
• मायदेशात कसोटी क्रिकेटमध्ये सर्वाधिक धावा करणारा फलंदाज
• रिकी पाँटिंगचा रेकॉर्ड मोडला

पाकिस्तान आणि इंग्लंड यांच्यात सध्या मालिकेतील दुसरा कसोटी सामना खेळला जात आहे. हा सामना लॉर्ड्सच्या ऐतिहासिक मैदानावर सुरु आहे. सामन्याच्या दुसऱ्या दिवसाच्या शेवटच्या सत्रात, इंग्लंड कसोटी संघाचा कर्णधार जो रूटने आपल्या २४ धावांच्या खेळीने एक विश्वविक्रम रचला आहे. कसोटी क्रिकेटमध्ये आपल्या बॅटने सातत्याने अनेक नवीन विक्रम रचणारा जो रूट आता कसोटी इतिहासात मायदेशात सर्वाधिक धावा करणारा फलंदाज बनला आहे. यापूर्वी हा विक्रम ऑस्ट्रेलियाचा माजी कर्णधार रिकी पाँटिंगच्या नावावर होता. आता रूटने त्याला मागे टाकून पहिले स्थान पटकावले आहे. तसेच, जो रूटने एका विशेष विक्रमांच्या यादीत रिकी पाँटिंगची बरोबरी केली .

बुद्धिबळाच्या पटावर R Praggnanandhaa चा डंका! Grand Chess Tour जिंकणारा पहिला भारतीय

घरच्या मैदानावर रूटची विक्रमी कामगिरी

लॉर्ड्स कसोटी सामन्याच्या दुसऱ्या दिवशी इंग्लंडच्या दुसऱ्या डावात जेव्हा जो रूट फलंदाजीसाठी मैदानात उतरला, तेव्हा त्याच्याकडे एक मोठा विक्रम मोडण्याची संधी होती. त्याला रिकी पाँटिंगला मागे टाकण्यासाठी फक्त नऊ धावांची गरज होती. रुटने ९ धावा करताच हा विश्वविक्रम आपल्या नावावर केला. जो रूटने आतापर्यंत कसोटी क्रिकेटमध्ये दमदार कामगिरी केली आहे. रूटने इंग्लंडमध्ये ८९ सामन्यांतील १५६ डावांमध्ये ७,५९४ धावा केल्या आहेत .यामध्ये २४ शतके आणि ३५ अर्धशतकांचा समावेश आहे. या यादीत आता दुसऱ्या क्रमांकावर असलेल्या रिकी पाँटिंगने ऑस्ट्रेलियात ९२ कसोटी सामन्यांतील १५४ डावांमध्ये ७,५७८ धावा केल्या आहेत.

पाकिसत्नाविरुद्धच्या दुसऱ्या कसोटी सामन्यातील पहिल्या डावात रुटची बॅट चालली नाही. त्याने १३ चेंडूमध्ये फक्त ४धावा केल्या. मोहम्मद अब्बासने त्याला एलबीडबल्यू केले. दुसऱ्या डावात रुट मोठी खेळी करेल अशी अपेक्षी होती परंतु तो ३७ चेंडूवर २४ धावा करुन पव्हेलियमनध्ये परतला.

घरच्या मैदानावर कसोटी सामन्यांमध्ये सर्वाधिक धावा करणारे फलंदाज

• जो रूट – इंग्लंड – ७५९४ धावा
• रिकी पाँटिंग -ऑस्ट्रेलिया – ७५७८ धावा
• सचिन तेंडुलकर -भारत – ७२१६ धावा
• महेला जयवर्धने -श्रीलंका – ७१६७ धावा
• जॅक कॅलिस -दक्षिण आफ्रिका – ७०३५ धावा

रुटची सचिनच्या विश्वविक्रमासोबत बरोबरी

कसोटी क्रिकेटमध्ये सर्वाधिक अर्धशतकांच्या बाबतीत जो रूट सध्या भारताचा माजी फलंदाज सचिन तेंडुलकरसोबत संयुक्तपणे पहिल्या स्थानावर आहे. दोघांच्याही नावावर ६८ अर्धशतके आहेत. ९ सप्टेंबरपासून एड्जबॅस्टन स्टेडियमवर पाकिस्तानविरुद्ध खेळल्या जाणाऱ्या या मालिकेतील अंतिम कसोटी सामन्यात जर रूटने अर्धशतक झळकावले, तर तो हा विश्वविक्रम आपल्या नावावर करेल.

अरे यांना कोण ट्रेनिंग देते की नाही? विकेट सोडा, पाकड्यांना बॉलही नीट टाकता येईना, पहा ‘हा’ गालिच्छ रेकॉर्ड