तो भारतातच शानदार पद्धतीने निवृत्ती घेऊ शकला असता….; अश्विनच्या निवृत्तीवर कपिल देव नाखूश, BCCI ला केली विनंती

कपिलने PTI ला दिलेल्या निवेदनात म्हटले आहे की, भारताच्या महान क्रिकेटपटूंपैकी एकाने खेळ सोडण्याचा निर्णय कसा घेतला याचे मला आश्चर्य वाटले. चाहते निराश झाले आहेत पण मला त्याच्या चेहऱ्यावरही निराशेचे भाव दिसले. तो निराश दिसत होता आणि तो दुःखी आहे. यापेक्षा तो चांगला निरोप घेण्यास पात्र होता. तो थांबून भारतीय भूमीवर निवृत्ती जाहीर करू शकला असता पण आता त्याने असे का केले हे मला माहीत नाही. मला त्यांची बाजूही ऐकायची आहे. तो त्या आदरास पात्र आहे. त्याने देशासाठी 106 कसोटी सामने खेळले आहेत.”

बीसीसीआय व्यवस्थापन करेन
अश्विनच्या भव्य निरोपासाठी भारतीय क्रिकेट नियामक मंडळ (बीसीसीआय) चांगले व्यवस्थापन करेल, अशी आशा कपिलने व्यक्त केली. तो म्हणाला, “मला पूर्ण विश्वास आहे की भारतीय संघाच्या या मॅचविनरच्या भव्य निरोपासाठी बीसीसीआय चांगले व्यवस्थापन करेल. नवनवीन गोष्टी करायला तो नेहमी तत्पर असायचा आणि यामुळे तो इतरांपेक्षा वेगळा झाला.

माजी भारतीय कर्णधार म्हणाला, “अश्विन एक धाडसी गोलंदाज होता. तो सामन्यात केव्हाही गोलंदाजी करू शकत होता. खूप चांगले रणनीतीकार आणि परिस्थितीशी झटपट जुळवून घेणारे गोलंदाज तुम्हाला सापडतात का? तो कर्णधाराचा आवडता गोलंदाज होता. भारताकडून सर्वाधिक मालिकावीर पुरस्कार जिंकणारा तो खेळाडू होता. तो असा खेळाडू होता ज्याने कधीही हार मानली नाही. अनिल कुंबळेसारखा नव्या चेंडूने गोलंदाजी करू शकणारा तो दुर्मिळ फिरकी गोलंदाज होता. देवाचे आभार मानतो की मला त्याच्यासोबत खेळावे लागले नाही. अश्विनमुळे मी माझे स्थान गमावले असते.

संबंधित बातम्या