फोटो सौजन्य – X (Netflix India)
The Great Indian Kapil Show Next Episode : ‘द ग्रेट इंडियन कपिल शो’ च्या तिसऱ्या सिझनला सुरुवात झाली आहे. यामध्ये पहिल्या भागामध्ये बाॅलीवुडचा स्टार सलमान खान आला होता. यामध्ये अनेक खुलासे कपिल शर्माने त्याचबरोबर सलमान खानने केले होते. या सिझनचे दोन भाग आतापर्यत नेटफिल्सवर प्रदर्शित झाले आहेत. दुसऱ्या भागामध्ये कपिलच्या शोमध्ये मेट्रोची स्टार कास्ट आली होती. यामध्ये सारा खान, अदित्य कपुर, अनुपम खेर, निना गुप्ता यांसारखे मोठे कलाकार शोमध्ये आले होते. आता पुढील भाग फारच मनोरंजक असणार आहे. यामध्ये भारताचे काही क्रिकेट खेळाडू हे शोमध्ये पाहुणे म्हणुन येणार आहेत.
आता तिसऱ्या एपिसोडमध्ये क्रिकेट दिग्गज कपिलसोबत मजा करताना दिसतील. या एपिसोडचा एक नवीन प्रोमो समोर आला आहे. ज्यामध्ये कपिल भारतीय क्रिकेट संघाचे प्रशिक्षक गौतम गंभीर आणि त्याच्यासोबत आलेल्या भारतीय क्रिकेटपटूंसोबत मजा करताना दिसत आहे. यावेळी नवीन भागात, ऋषभ पंत, युजवेंद्र चहल आणि अभिषेक शर्मा भारतीय क्रिकेट संघाचे प्रशिक्षक गौतम गंभीरसह कपिलच्या शोमध्ये पाहुणे म्हणून दिसतील. या दरम्यान, कपिल आणि त्याची टीम या क्रिकेटपटूंसोबत मजा करताना दिसणार आहेत.
WTC इतिहासात सर्वाधिक शतके कोणाच्या नावावर? शुभमन गिल रोहित शर्माच्या मागोमाग, नंबर 1 कोण
नवीन प्रोमोमध्ये, कपिल गौतम गंभीरला विचारतो की प्रशिक्षक साहेब, आज मुलांना मजा करण्याची परवानगी आहे. यावर गंभीर म्हणतो की मला त्यांची परवानगी घ्यावी लागेल. या दरम्यान, कपिल खेळाडूंना विचारतो की गौतम गंभीर ड्रेसिंग रूममध्ये नेहमीच शांत राहतो. यावर ऋषभ पंत म्हणतो की जेव्हा सामना वर-खाली होतो तेव्हा सर्वजण तणावात येतात. मग गंभीर म्हणतो की जेव्हा शो चांगला चालत नाही तेव्हा तुमची हीच अवस्था असते. अनेकदा शांत राहणारा गौतम गंभीर शोमध्ये वेगळ्याच शैलीत दिसला. ज्यामध्ये तो मजा करताना दिसला.
Hassi hogi boundary-paar with these cricket superstars 🏏
Ab har Funnyvaar, badhega humara parivaar. Watch the new episode with the cricketing legends Gautam Gambhir, Yuzi Chahal, Rishabh Pant, and Abhishek Sharma on The Great Indian Kapil Show, this Funnyvaar, at 8 pm, only on… pic.twitter.com/ygyH8wg9V5
— Netflix India (@NetflixIndia) July 2, 2025
कृष्णा आणि किकू शारदा यांनीही शोमध्ये त्यांच्या विनोदांनी सर्वांना हसवले. कृष्णाचे पात्र पंतला सांगते की तू आयपीएलमध्ये २७ कोटींना विकला गेलास पण तुझ्या खिशात एकही रुपया नाही. मग पंत म्हणतो की कपिल पाजी एका महिन्यात इतके कमावतो. सुनील ग्रोव्हर शोमध्ये नवज्योत सिंग सिद्धूच्या गेटअपमध्ये दिसला आणि त्याला खूप मजा आली. यादरम्यान, जेव्हा तो युजवेंद्र चहलला विचारतो की आपण आरसीबीचे कौतुक कसे करू शकतो. तेव्हा कपिल म्हणतो की आता चहल आरसीबीमध्ये नाही तर पंजाबमध्ये आहे. तेव्हा सुनील ग्रोव्हर म्हणतो की म्हणूनच मी विचारत आहे की आरसीबीने त्याला निवडले नाही त्याचे काय कौतुक करावे.
.png "Videos"){kind=small}
