कारंजा तालुकास्तरीय स्पर्धेत विद्यार्थ्यांनी मैदान गाजवलं! धावेकर विद्यालयाच्या पाच खेळाडूंची जिल्हास्तरीय स्पर्धेसाठी निवड

Karanja Taluka Sports Competition : कारंजा तालुकास्तरीय मैदानी स्पर्धेत श्री बाबासाहेब धावेकर माध्यमिक व उच्च माध्यमिक विद्यालय, काकडशिवणीच्या पाच विद्यार्थ्यांनी उल्लेखनीय कामगिरी करत जिल्हास्तरीय स्पर्धेसाठी पात्रता मिळविली.

• धावणे, उंच उडी अन् लांब उडीत धडाका
• धावेकर विद्यालयाचे पाच विद्यार्थी जिल्हास्तरावर
• पाच खेळाडू जिल्हास्तरावर

कारंजा: कारंजा तालुका कीडा संकुल येथे गुरुवारी झालेल्या तालुकास्तरीय मैदानी स्पर्धेत श्री बाबासाहेब धावेकर माध्यमिक व उच्च माध्यमिक विद्यालय, काकडशिवणीच्या ५ विद्याध्यांनी उल्लेखनीय यश संपादन करत जिल्हास्तरीय स्पर्धेसाठी पात्रता मिळविली आहे. स्पर्धेत शिवराज ज्ञानेश्वर झकडें याने ५ कि. मी. चालणे या प्रकारात प्रथम क्रमांक पटकावला. इरफान हसन चौधरी वाने ३ हजार मीटर धावणे या प्रकारात द्वितीय क्रमांक मिळविला. दिव्या नितीन सोळंके हिने ३ कि.मी. चालणे च उंच उडी या प्रकारांत द्वितीय क्रमांक, तर १०० मीटर धावणे या प्रकारात तृतीय क्रमांक मिळवून उत्कृष्ट कामगिरी केली.

IND vs JPN T20: भारत-जपान पहिल्यांदाच भिडणार! कुठे पाहता येणार LIVE सामना? जाणून घ्या संपूर्ण माहिती

याशिवाय शेख समीर शेख हमीद याने लांब उडीत प्रथम क्रमांक, तर यश रवी पवार याने उंच उडीत द्वितीय क्रमांक मिळवत जिल्हास्तरीय स्पर्धेसाठी आपली निवड निश्चित केली. या सर्व विद्यार्थ्यांच्या यशामुळे विद्यालयाचा नावलौकिक उंचावला असून, विद्यार्थ्यांना क्रीडा शिक्षक प्रशांत मोतीराम वानखडे व गोपाल काकड सोळके यांचे मार्गदर्शन लाभले. विद्यार्थ्यांच्या या नेत्रदीपक यशाबद्दल संस्था अध्यक्ष योगेश खोपे, सचिव हरिदास गंद्रे, उपाध्यक्ष वामनराव घोडे, संचालक देविदास काळबांडे, निलेश खोपे व विद्यालयाचे प्राचार्य विजय देविदास भड, सर्व शिक्षक, शिक्षकेतर कर्मचारी, पालक व ग्रामस्थांनी जिल्हास्तरीय स्पर्धेसाठी शुभेच्छा दिल्या.

या यशामुळे विद्यालयातील विद्यार्थ्यांमध्ये क्रीडा क्षेत्रात पुढे जाण्याचा आत्मविश्वास वाढला आहे. नियमित सराव, शिस्त आणि मेहनतीच्या जोरावर विद्यार्थ्यांनी हे यश मिळविले आहे. जिल्हास्तरीय स्पर्धेतही या खेळाडूंनी उत्तम कामगिरी करून विद्यालयाचे तसेच काकडशिवणी गावाचे नाव उज्ज्वल करावे, अशी अपेक्षा पालक व ग्रामस्थांकडून व्यक्त होत आहे.

अभिषेक बच्चनच्या ETPL ला मिळाले पहिलेवहिले विजेतेपद! एडिनबर्ग कॅसल रॉकर्सने उंचावली ट्रॉफी