फोटो सौजन्य - सोशल मिडिया
Kerala High Court IPL Result : आयपीएल २०२६ २८ मार्च रोजी सुरू होणार आहे. आयपीएलच्या पहिल्या सिझनची सुरूवात 2008 मध्ये झाली होती. या नव्या सिझनसाठी सर्वच क्रिकेट खेळाडू आणि क्रिकेट चाहते प्रचंड उत्सुक आहेत. युवा खेळाडू त्याचबरोबर अनेक दिग्गज खेळाडू या सिझनमध्ये खेळताना दिसणार आहेत. या हंगामातील पहिला सामना रॉयल चॅलेंजर्स बंगळूर आणि सनरायझर्स हैदराबाद यांच्यात खेळला जाईल. हा आयपीएलचा १९वा हंगाम असेल.
स्पर्धेपूर्वी भारतीय क्रिकेट नियामक मंडळाला मोठा दिलासा मिळाला आहे. केरळ उच्च न्यायालयाने आयपीएलच्या नावावरून सुरू असलेला वाद संपुष्टात आणला आहे. चला, या संपूर्ण प्रकरणाचा आढावा घेऊया. बीसीसीआय आपल्या लीगसाठी आयपीएल हे नाव वापरू शकते का, असा प्रश्न उपस्थित करणारी एक जनहित याचिका केरळ उच्च न्यायालयात दाखल करण्यात आली होती. याचिकाकर्ते आशिक करोथ यांनी असा युक्तिवाद केला की, बीसीसीआयने आयपीएल नावाचा केलेला वापर बेकायदेशीर होता. सरन्यायाधीश सौमेन सेन आणि न्यायमूर्ती श्याम कुमार व्ही. एम. यांच्या खंडपीठाने ही याचिका फेटाळून लावली.
शिवाय, न्यायालयाने नमूद केले की, आयपीएल ही देशाची ‘अधिकृत’ स्पर्धा नाही, हे याचिकाकर्त्याला इतक्या वर्षांनंतर अचानक आठवले होते. या युक्तिवादात तथ्य नाही, असे न्यायालयाने स्पष्ट केले. आयपीएलची पहिली आवृत्ती २००८ मध्ये खेळली गेली. आजपर्यंत आयपीएलचे १८ हंगाम खेळले गेले आहेत. १९वा हंगाम २८ मार्च रोजी सुरू होणार आहे. आयपीएलमध्ये जगभरातील स्टार खेळाडू सहभागी होतात. भारतीय खेळाडूंसोबतच परदेशी खेळाडूंनाही भरपूर पैसे मिळतात.
🚨BIG WIN FOR BCCI – KERALA HC SHUTS DOWN IPL NAME CONTROVERSY.🚨 -The Kerala High Court dismissed the case against BCCI, saying there is no issue with using the name “Indian Premier League.”🤯 The court called the petition baseless and without merit. pic.twitter.com/CKHE8VleDi — Sam (@Cricsam01) March 19, 2026
२०२१ पर्यंत आयपीएलमध्ये आठ संघ सहभागी होत होते, परंतु २०२२ मध्ये संघांची संख्या १० पर्यंत वाढवण्यात आली. ही स्पर्धा अंदाजे दोन महिने चालते आणि केवळ भारतातच नव्हे तर जगभरात लोकप्रिय आहे. ही जगातील सर्वात श्रीमंत क्रिकेट लीग आहे. बीसीसीआयने आयपीएल २०२६ च्या पहिल्या २० सामन्यांचे वेळापत्रक जाहीर केले आहे. भारतातील अनेक राज्यांमध्ये निवडणुका होणार असल्याने हा निर्णय घेण्यात आला आहे.
.png "Videos"){kind=small}
