IND vs SL: Live Updates तिसऱ्या दिवशी भारताचा डाव 462 धावांवर संपला, श्रीलंकेसमोर आव्हान

IND vs SL: गॉल कसोटीच्या तिसऱ्या दिवशी भारतीय संघाचा पहिला डाव ४६२ धावांवर रोखण्यात आला. या धावसंख्येत देवदत्त पडिक्कलच्या १६७ आणि केएल राहुलच्या ८२ धावांचे सर्वाधिक योगदान होते.

• श्रीलंकेकडून प्रभात जयसूर्याने सर्वाधिक चार बळी घेतले 

• आता श्रीलंका तिसऱ्या दिवसाच्या पहिल्या सत्रात फलंदाजीला सुरुवात करेल

• श्रीलंकेसमोर आता मोठे आव्हान 

IND vs SL: आज भारत आणि श्रीलंका यांच्यातील गॉल कसोटी सामन्याचा तिसरा दिवस आहे. तिसऱ्या दिवसाच्या खेळाच्या पहिल्याच षटकात प्रसिद्ध कृष्णा बाद झाला, त्यामुळे भारतीय संघाचा डाव ४६२ धावांवर आला. भारतीय संघाने दुसऱ्या दिवसाच्या धावसंख्येत केवळ दोन धावांची भर घातली. भारतीय संघाकडून पहिल्या डावात देवदत्त पडिक्कलने १६७ आणि केएल राहुलने ८२ धावा केल्या. ध्रुव जुरेलनेही ५१ धावांचे योगदान दिले. श्रीलंकेकडून प्रभात जयसूर्याने चार आणि केसरा नुवान्थाने तीन बळी घेतले. आता भारतीय संघाच्या पहिल्या डावाला प्रत्युत्तर देताना श्रीलंकेसमोर एक मोठे आव्हान असेल.

IND vs SL Live: गॉल टेस्टमध्ये टीम इंडियाचा दबदबा! पडिक्कलने ठोकल्या 167 धावा, जुरेलचीही फिफ्टी; भारताने उभारला 460 धावांचा डोंगर

कसे असेल आजचे हवामान

भारत आणि श्रीलंका यांच्यातील पहिल्या सामन्याच्या तिसऱ्या दिवशीदेखील हवामान चिंताजनक राहण्याची शक्यता आहे. AccuWeather च्या अहवालानुसार, सकाळी पावसाची शक्यता आहे. परिणामी, दुसऱ्या दिवसाप्रमाणेच खेळाच्या सुरुवातीला विलंब होऊ शकतो. त्यामुळे नक्की या कसोटीचा निकाल कसा लागणार याकडे सर्वांचे लक्ष आहे. भारताच्या संघाने पहिल्या डावात चांगली कामगिरी केली असून आता गोलंदाजाच्या कामगिरीवर सगळे अवलंबून आहे. 

भारतीय संघ ४६२ धावांवर सर्वबाद

🚨 1st Test INDIA vs SRI LANKA 🚨 🔹 𝐃𝐀𝐘 𝟑 | 𝐈𝐍𝐍𝐈𝐍𝐆𝐒 𝐁𝐑𝐄𝐀𝐊 🔹 INDIA 🇮🇳 : 4️⃣6️⃣2️⃣-🔟 (116.4)
– Devdutt Padikkal : 167 (230)
– KL Rahul : 82 (175) • Prabath Jayasuriya : 4-109 (39)#SLvIND #INDvsSL #Test #Cricketpic.twitter.com/hKa1fvLbWu https://t.co/hKa1fvLbWu https://t.co/nnjWvIODjZ — Cricket Lover 🏏 (@Crick97924Lover) August 17, 2026

भारतीय संघ ४६२ धावांवर सर्वबाद झाला. भारताची शेवटची, म्हणजेच १० वी विकेटही प्रसिद्ध कृष्णाची घेण्यात आली. त्याने जास्त धावा केल्या नाहीत आणि तो जास्तवेळ खेळपट्टीवर टिकूदेखील शकला नाही. त्याने सामन्यात केवळ २ धावा केल्या, तर कुलदीप यादव १३ धावांवर नाबाद राहिला. आता श्रीलंकेचे खेळाडू फलंदाजीसाठी मैदानात उतरतील आणि भारतीय संघाच्या गोलंदाजांवर मोठी जबाबदारी असेल.

IND vs SL Live: Devdutt Padikkal चा शतकी जलवा! 150 धावांचा टप्पा पार, श्रीलंकेच्या गोलंदाजांना घाम फोडला

देवदत्त पडिक्कलने आपले पहिले कसोटी शतक झळकावले

भारत विरुद्ध श्रीलंका मालिकेतील पहिल्या कसोटीत देवदत्त पडिक्कलला तिसऱ्या क्रमांकावर फलंदाजी करण्याची संधी मिळाली. त्याने २३० चेंडूंमध्ये १५ चौकार आणि एका षटकारासह १६७ धावांची शानदार खेळी केली. देवदत्त पडिक्कलने २०२४ मध्ये इंग्लंडविरुद्ध आपली पहिली कसोटी खेळली. त्यानंतर त्याच वर्षी त्याला आपला दुसरा सामना खेळण्याची संधी मिळाली. आता कुठे त्याला अंतिम ११ खेळाडूंमध्ये स्थान मिळाले आहे. देवदत्तला हे देखील माहित आहे की आपली पाळी पुन्हा कधी येईल हे सांगता येत नाही, त्यामुळे त्याने या संधीचे सोने केले.