Football प्रेमींसाठी पर्वणी! पुण्यनगरीत ‘लोयोला कप २०२६’चा धुमाकूळ; पाहा कोणते संघ आमनेसामने?

Football: एकूण १४ संघांचा सहभाग असून त्यांची ४ गटांमध्ये विभागणी करण्यात आली आहे. यातील दोन गटांत प्रत्येकी ४ संघ, तर उर्वरित दोन गटांत प्रत्येकी ३ संघ एकमेकांशी भिडतील.

• पुण्यात रंगणार फुटबॉल स्पर्धेचा महाथरार
• अव्वल शाळांमध्ये जेतेपदासाठी चुरस
  
• तीन वयोगटांत एकूण ३८ संघांचा सहभाग

Pune/Football: पाषाण येथील लोयोला हायस्कूलच्या मैदानावर रंगणाऱ्या ‘टाटा ऑटोकॉम्प प्रायोजित लोयोला फुटबॉल कप २०२६’ स्पर्धेसाठी पुण्यातील नामांकित शाळांचे संघ सज्ज झाले आहेत. लोयोला हायस्कूल आणि ‘एक्स-लोयोला अल्युमनी नेटवर्क’ (ELAN) यांच्या संयुक्त विद्यमाने आयोजित या प्रतिष्ठित स्पर्धेत १२ वर्षांखालील (अंडर-१२), १४ वर्षांखालील (अंडर-१४) आणि १६ वर्षांखालील (अंडर-१६) अशा तीन वयोगटांत (pune) विजेतेपदासाठी चुरस पाहायला मिळणार आहे. या स्पर्धेचे मुख्य प्रायोजक टाटा ऑटोकॉम्प हे आहेत.

यंदाच्या स्पर्धेत यजमान लोयोला हायस्कूलसह सेंट व्हिन्सेंट हायस्कूल, द बिशप्स स्कूल, विद्या व्हॅली स्कूल, सेंट झेव्हियर्स, विद्या भवन हायस्कूल, जे. एन. पेटिट टेक्निकल हायस्कूल, ह्यूम मॅकहेन्री स्कूल, हचिंग्स हायस्कूल, कल्याणी स्कूल, इन्फंट जीझस हायस्कूल, सेंट पॅट्रिक्स हायस्कूल, बी. के. बिर्ला सेंटर ऑफ एज्युकेशन आणि ब्ल्यू रिज पब्लिक स्कूल यांसारख्या पुण्यातील अव्वल शाळांचे संघ मैदानात उतरणार आहेत.

Football: मैदानावर धडाकेबाज कामगिरी, अन्‌ काफूंची कौतुकाची थाप; ‘प्रोजेक्ट महादेवा’च्या खेळाडूंचा डबल धमाका

स्पर्धेची गटवारी व स्वरूप

• अंडर-१२ गट: या वयोगटात एकूण १४ संघांचा सहभाग असून त्यांची ४ गटांमध्ये विभागणी करण्यात आली आहे. यातील दोन गटांत प्रत्येकी ४ संघ, तर उर्वरित दोन गटांत प्रत्येकी ३ संघ एकमेकांशी भिडतील.
• अंडर-१४ गट: या गटात एकूण १२ संघ सहभागी झाले असून प्रत्येकी ३ संघांचे ४ गट तयार करण्यात आले आहेत. या वयोगटात यंदा द बिशप्स स्कूल आणि हचिंग्स हायस्कूल हे संघ सहभागी झालेले नाहीत.
• अंडर-१६ गट: या गटातही १२ संघ विजेतेपदासाठी झुंजणार असून यंदा ‘बी. के. बिर्ला सेंटर ऑफ एज्युकेशन’ या नव्या संघाचा स्पर्धेत समावेश झाला आहे.

‘प्रोजेक्ट महादेवा’च्या खेळाडूंचा डबल धमाका

मैदानावरील दमदार कामगिरी आणि त्यानंतर जागतिक फुटबॉलमधील दिग्गजाकडून मिळालेली कौतुकाची थाप अशा दुहेरी आनंदाचे क्षण ‘प्रोजेक्ट महादेवा’च्या युवा फुटबॉलपटूंनी अनुभवले. आगामी आय-लीग तसेच इतर स्पर्धात्मक सामन्यांच्या तयारीच्या दृष्टीने खेळविण्यात आलेल्या मैत्रीपूर्ण सामन्यांमध्ये प्रोजेक्ट महादेवाच्या मुला-मुलींनी आपली गुणवत्ता सिद्ध केली.

Rishabh Pant: 4 वर्षांत 6 रन्स केल्यावर जागा कशी मिळणार? वेस्ट इंडिजविरुद्ध पंतला BCCI ने केले बाय-बाय

मुंबईतील कूपरेज फुटबॉल मैदानावर झालेल्या सामन्यात प्रोजेक्ट महादेवाच्या मुलांच्या संघाने मुंबई स्कूल स्पोर्ट्स असोसिएशन स्तरावरील विजेत्या डॉन बॉस्को, माटुंगा यांच्या १४ वर्षांखालील संघावर ५–० असा दणदणीत विजय मिळवला. तर मुलींच्या संघाने महाराष्ट्र राज्यस्तरीय १५ वर्षांखालील WIFA विजेत्या संघाविरुद्ध १–१ अशी बरोबरी साधत उत्कृष्ट लढत दिली.