MI vs PBKS Live: पीच रिपोर्टनुसार मुंबई पलटणच्या अडचणी वाढणार? श्रेयसने टॉस जिंकत…

आयपीएलच्या इतिहासात मुंबई इंडियन्स आणि पंजाब किंग्जचा संघ 34 वेळा आमनेसामने आले आहेत आश्चर्याची बाब म्हणजे दोन्ही संघांनी प्रत्येकी 17-17 सामने जिंकले आहेत.

मुंबई इंडियन्स विरुद्ध पंजाब किंग्ज आमनेसामने 
रोहित शर्मा आजच्या सामन्यात अनुपस्थितीत 
हार्दिक पंड्याच्या कामगिरीकडे सर्वांचे लक्ष

Tata IPL 2026 MI Vs PBKS Live Updates: थोड्याच वेळात मुंबई इंडियन्स अन् पंजाब किंग्जमध्ये (MI vs PBKS) आयपीएलचा सामना सुरू होणार आहे. 7.30 वाजता सामना सुरू होईल. मुंबई इंडियन्ससाठी हा सामना अत्यंत महत्वाचा समजला जात आहे. हार्दिक पंड्या मुंबईचे नेतृत्व करत असून, त्याच्या कामगिरीकडे सर्वांचे लक्ष लागले आहे. दरम्यान आजच्या सामन्यात पंजाब किंग्जने टॉस जिंकत प्रथम गोलंदाजी करण्याचा निर्णय घेतला आहे.

मुंबई इंडियन्सने 12 वर्षांनी आयपीएलमध्ये आपला पहिला सामना जिंकला आहे. मात्र त्यानंतर सलग तीन सामने मुंबईचा पराभव झाला आहे. त्यामुळे आजचा सामना त्यांच्यासाठी करो या मरो स्थितीचा असणार आहे. मुंबई इंडियन्सच्या होम ग्राऊंडवर सामना होणार आहे, त्यामुळे मुंबईचे पारडे जड वाटत आहे.

हेड टू हेड रेकॉर्ड

आयपीएलच्या इतिहासात मुंबई इंडियन्स आणि पंजाब किंग्जचा संघ 34 वेळा आमनेसामने आले आहेत आश्चर्याची बाब म्हणजे दोन्ही संघांनी प्रत्येकी 17-17 सामने जिंकले आहेत. मागील पाच सामन्यात पंजाबने 3 आणि मुंबईने 2 सामने जिंकले आहेत. त्यामुळे ही आकडेवारी आणि यंदाच्या हंगामातील आकडेवारी पाहता मुंबई इंडियन्सवर पंजाब किंग्जचा संघ वरचढ ठरताना दिसत आहे.

MI Vs PBKS Pitch Report: हार्दिक पंड्या पराभवाचा ‘चौकार’ लगावणार की पंजाबला…; पहा पीच रिपोर्ट

रोहित शर्मा खेळणार? 

आरसीबीविरुद्धच्या सामन्यात मुंबई इंडियन्सचा प्रमुख खेळाडू असलेला रोहित शर्मा दुखापतग्रस्त झाला आहे. त्यामुळे तो त्या सामन्यात पूर्ण खेळू शकला नाही. त्यामुळे त्याची दुखापत गंभीर नसल्याचे समोर आले आहे. मात्र आजच्या सामन्यात रोहित शर्मा खेळण्याची शक्यता कमी आहे. त्यामुळे मुंबईच्या चिंता वाढल्या आहेत.

पिच रिपोर्ट

वानखेडेवर आतापर्यंत आयपीएलच्या 125 सामने झाले आहेत. यामध्ये शेवटचा सामना 12 एप्रिल रोजी खेळवला गेला आहे. पहिल्यांदा फलंदाजी केल्यावर या ठिकाणी 171 हा हायस्कोअर झालेला आहे. हे पीच फलंदाजांसाठी नंदनवन समजले जाते. त्यामुळे या टॉस जिंकून धावांचा पाठलाग करणे निवडणे योग्य ठरू शकते.

MI Vs PBKS Playing 11: पंजाबचे ‘वाघ’ मुंबई पलटणला पाणी पाजणार; रोहित शर्माच्या अनुपस्थितीत…

मुंबई इंडियन्सची संभाव्य टीम: रायन रिकल्टन, क्विंटन डी कॉक, सूर्यकुमार यादव, तिलक वर्मा , हार्दिक पांड्या (कर्णधार – अष्टपैलू), नमन धीर, मिचेल सँटनर, शार्दुल ठाकूर, दीपक चहर, जसप्रीत बुमराह, ट्रेन्ट बोल्ट.

पंजाब किंग्जची संभाव्य टीम: प्रभसिमरन सिंग, प्रियांश आर्या, कूपर कॉनोली, श्रेयस अय्यर, मार्क्स स्टॉइनिस, नेहल वढेरा, शशांक सिंग, मार्को जानसेन, झेवियर बार्टलेट, विजयकुमार वैशाक, युझवेंद्र चहल, अर्शर्दीप सिंग.