शनिवार, 14 नोव्हेंबर 2026
ऑस्ट्रेलिया स्टार वेगवान गोलंदाज मिचेल स्टार्कने एक नवीन विश्वविक्रम प्रस्थापित केला आहे. ऑस्ट्रेलिया आणि बांग्लादेश यांच्यातील कसोटी मालिका सुरू झाली आहे. पहिल्या दिवशी ऑस्ट्रेलियाचा संघ अवघ्या १९८ धावांवर सर्वबाद झाला. जेव्हा बांग्लादेशने फलंदाजीला सुरुवात केली, तेव्हा मिचेल स्टार्कने पहिली विकेट घेतली. या विकेटसह, मिचेल स्टार्क कसोटी क्रिकेटमधील डावखुऱ्या गोलंदाजांमध्ये सर्वाधिक विकेट घेणारा गोलंदाज ठरला. विशेष म्हणजे, त्याने ही कामगिरी आंतरराष्ट्रीय डावखुरे खेळाडू दिनी केली.
IND vs SL: श्रीलंकेविरुद्ध टीम इंडिया हरली तरी Gautam Gambhir यांची खुर्ची कायम? BCCI चा मोठा निर्णय
बांग्लादेश फलंदाजीसाठी मैदानात उतरला. त्यांचे सलामीवीर, सादमान इस्लाम आणि तन्झिद हसन तमीम यांनी संघाला स्थिर सुरुवात करून देण्याचा प्रयत्न केला, पण डावाच्या नवव्या षटकात, मिचेल स्टार्कने दुसऱ्याच चेंडूवर सादमान इस्लामला बाद केले. नॅथन लायनने सादमानचा झेल घेतला. त्याने ३० चेंडूंमध्ये दोन चौकारांसह २० धावा केल्या होत्या. या विकेटसह मिचेल स्टार्कने आपली ४३४ वी कसोटी विकेट पूर्ण केली.
बांग्लादेशविरुद्धच्या पहिल्या कसोटीच्या पहिल्या दिवशी, पॅट कमिन्सने नाणेफेक जिंकून प्रथम फलंदाजी करण्याचा निर्णय घेतला, परंतु टी- ब्रेक विश्रांतीनंतर थोड्याच वेळात संपूर्ण संघ केवळ १९८ धावांवर सर्वबाद झाला . स्टीव्ह स्मिथने अर्धशतक झळकावले, पण इतर कोणत्याही फलंदाजाने त्याला साथ दिली नाही. यामुळे बांग्लादेशविरुद्ध प्रथमच ऑस्ट्रेलियाचा संघ २०० पेक्षा कमी धावांवर सर्वबाद झाला.
