फोटो सौजन्य - बीसीसीआय़
भारताचा संघ आता ऑस्ट्रेलियाला रवाना झाला आहे भारतीय संघाची घरच्या मैदानावर दोन सामन्यांची वेस्ट इंडीजविरुद्ध मालिका झाल्यानंतर आता टीम इंडियाचे लक्ष हे आता एकदिवसीय मालिकेवर असणार आहे. टीम इंडियाने दोन कसोटी सामन्यांच्या मालिकेत वेस्ट इंडिजचा पराभव केला. भारताच्या गोलंदाजांनी कमालीची कामगिरी केली. कर्णधार म्हणून शुभमन गिलचा हा पहिलाच मालिका विजय होता आणि हा क्षण त्याच्यासाठी नेहमीच खास राहील. त्याने त्याच्या कॅप्टन्सीमध्ये चांगली कामगिरी करुन भारताच्या संघाला विजय मिळवून दिला.
भारताचा वेगवान गोलंदाज जसप्रीत बुमराह याने कमालीची केली आहे. आता, मालिकेच्या समाप्तीनंतरचा एक व्हिडिओ समोर आला आहे, ज्यामध्ये जसप्रीत बुमराह आणि मोहम्मद सिराज आहेत. दरम्यान, बुमराहने मियां भाईच्या एका जुन्या मीमचा संदर्भ दिला आणि त्याची खिल्ली उडवली. परिणामी, हा व्हिडिओ वेगाने व्हायरल होत आहे.
PAK W vs ENG W : पावसाचा आणखी एक सामना गेला वाया! पाकिस्तानच्या आशा धुळीस, गुणतालिकेची स्थिती बदलली
भारत आणि वेस्ट इंडिज यांच्यातील मालिका संपल्यानंतर बीसीसीआयने त्यांच्या अधिकृत वेबसाइट आणि इंस्टाग्रामवर एक व्हिडिओ पोस्ट केला. त्यात टीम इंडियाचे सर्व टॉप खेळाडू होते. सिराज आणि बुमराह मैदानावर सराव करताना एकत्र फिरत असतानाचा एक क्षण चर्चेचा विषय बनला आहे. दरम्यान, जसप्रीतने सिराजची खिल्ली उडवत म्हटले, “मोहम्मद सिराज अधिकृत आहे, बाकी सर्व काही बनावट आहे. मी हे वापरेन.”
भारत आणि वेस्ट इंडिज यांच्यात अहमदाबाद आणि दिल्ली येथे कसोटी सामने झाले. दोन्ही ठिकाणी फिरकी गोलंदाजीचे प्रदर्शन झाले. तथापि, बुमराह आणि सिराज यांनी दोन्ही सामन्यांमध्ये योगदान देण्यासाठी सर्वतोपरी प्रयत्न केले. मोहम्मद सिराजने वेस्ट इंडिजविरुद्धच्या दोन्ही सामन्यांमध्ये एकूण ४९ षटके गोलंदाजी केली आणि १० विकेट्स घेतल्या, ज्यामध्ये पाच विकेट्सचा समावेश होता.
जसप्रीत बुमराहबद्दल बोलायचे झाले तर, त्याने दोन सामन्यांमध्ये ५१.५ षटके गोलंदाजी केली आणि ७ बळी घेतले. दोन्ही वेगवान गोलंदाजांनी एकत्रितपणे १७ बळी घेतले. तथापि, ही मालिका कुलदीप यादवसाठी लक्षात ठेवली जाईल. त्याने १२ बळी घेतल्या आणि दुसऱ्या कसोटीत त्याला सामनावीराचा पुरस्कार मिळाला. बुमराहला आता ऑस्ट्रेलियाविरुद्धच्या एकदिवसीय मालिकेसाठी विश्रांती देण्यात आली आहे, तर सिराज पुन्हा एकदा खेळणार आहे.
.png "Videos"){kind=small}
