थाला पुन्हा मैदानात उतरणार? IPL 2027 मध्ये खेळण्याबाबत MS Dhoni ने सोडले मौन; दिले मोठे संकेत

MS Dhoni Breaks Silence On IPL 2027: दुखापतीमुळे एमएस धोनी आयपीएल २०२६ मध्ये सहभागी होऊ शकला नाही. धोनी पुढच्या हंगामात खेळणार की नाही, यावर धोनीनेच स्वत खुलासा केला आहे.

• IPL 2027 मध्ये धोनी खेळणार की नाही?
• माहीने स्वतःच दिले मोठे संकेत
• वर्षअखेरीस येणार महत्त्वाची बातमी

MS Dhoni: इंडियन प्रीमियर लीगच्या (IPL) पुढील हंगामासाठी संघांनी तयारी सुरू केली आहे. प्रत्येक हंगामापूर्वी, एमएस धोनी खेळणार की नाही, हा प्रश्न उपस्थित होतो. दुखापतीमुळे धोनी आयपीएल २०२६ मध्ये सहभागी होऊ शकला नव्हता. आता, आयपीएल २०२७ मध्ये धोनीच्या सहभागाबद्दल शंका निर्माण झाली आहे. महेंद्रसिंग धोनीने स्वतःच आता आपल्या भविष्याबद्दल माहिती दिली आहे. त्याने स्पष्ट केले आहे की आयपीएल २०२७ मध्ये खेळण्याचा निर्णय त्याच्या तंदुरुस्तीवर अवलंबून असेल. (MS Dhoni Breaks Silence On IPL 2027)

IND vs NZ: टीम इंडियाच्या अडचणी वाढल्या! ईशान किशन तिसऱ्या T20 लाही मुकणार? वैभव सूर्यवंशीला पुन्हा संधी?

धोनी IPL 2027 मध्ये खेळणार का?

महेंद्रसिंग धोनी नुकताच बंगळूरुमध्ये एका कार्यक्रमात सहभागी झाला होता. दरम्यान, धोनीला आयपीएल २०२७ मध्ये खेळताना दिसणार का असा प्रश्न विचारण्यात आला. यावर धोनीने स्पष्ट केले की, तो पुढील हंगामात खेळणार की नाही हे डॉक्टरांवर अवलंबून असेल. जर त्याच्या चाचण्यांचे निकाल सकारात्मक आले आणि तो तंदुरुस्त असेल, तर तो नक्कीच खेळेल.

धोनी म्हणाला की, ‘डॉक्टर, मला तपासणी करून घ्यावी लागेल. तुम्ही मला रिपोर्ट द्याल, आणि मग मला पाहावं लागेल की डिसेंबरपूर्वी पुढचा सीझन खेळण्याइतका मी तंदुरुस्त आहे की नाही. जर मी पूर्णपणे तंदुरुस्त नसेन, तर तुम्हाला माझ्या फिटनेससाठी काम करावं लागेल, जेणेकरून ही जुनी गाडी रस्त्यावर सुरळीतपणे धावू शकेल. सगळा दबाव तुमच्यावर असेल.’

धोनी खेळेल अशी सीएसकेच्या सीईओला आशा

चेन्नई सुपर किंग्सचे सीईओ कासी विश्वनाथन यांना आशा आहे की महेंद्रसिंग धोनी इंडियन प्रीमियर लीगचा पुढील हंगाम खेळेल. त्यांनी सांगितले की, धोनी प्रत्येक हंगामापूर्वी व्यवस्थापनाला कळवतो की तो खेळणार आहे की नाही. विश्वनाथन म्हणाले, ‘हा प्रश्न तुम्हाला त्यालाच विचारावा लागेल. मला त्याच्याशी याबद्दल बोलावे लागेल. तो चेन्नईला आल्यानंतर आम्हाला त्याचा निर्णय कळवेल. मला वाटते की सीएसकेसाठी खेळण्याची त्याला अजूनही संधी आहे. तो अजूनही एक खेळाडू आहे.’

एम.एस. धोनीने आयपीएलमध्ये आपला शेवटचा सामना २०२५ मध्ये खेळला होता. तो २५ मे २०२५ रोजी गुजरात टायटन्सविरुद्ध शेवटचा मैदानावर उतरला. त्यानंतर धोनी आयपीएल २०२६ मध्ये सहभागी होऊ शकला नाही . आता, चाहते पुढील हंगामात संघात त्याच्या पुनरागमनाची आतुरतेने वाट पाहत आहेत.

‘सिक्सर किंग’चा स्वॅगच वेगळा! Abhishek Sharma ने पावरप्लेमध्ये ठोकलं षटकारांचं ‘शतक’; अशी कामगिरी करणारा पहिलाच फलंदाज