National Carrom Selection : कॅरमपटूंना इटलीतील अजिंक्यपद खेळण्याची नामी संधी! निवड चाचणीसाठी महाराष्ट्राचा संघ सज्ज
इटली येथे ९ वी विश्व अजिंक्यपद स्पर्धा पार पडणार आहे. यासाठी दिल्ली येथे राष्ट्रीय मानांकन निवड कॅरम चाचणी स्पर्धेचे (National Carrom Selection) आयोजन करण्यात आले असून महाराष्ट्राचा संघ यासाठी सज्ज झाला आहे.
हरकिशन सिंग सुरजीत भवन, नवी दिल्ली येथे २७ ते २९ सप्टेंबर या कालावधीत राष्ट्रीय मानांकन निवड चाचणी स्पर्धेचे आयोजन पार पडणार आहे. या निवड चाचणीतून भारतीय संघ निश्चित करण्यात येईल. या निमित्ताने देशभरातील कॅरमपटू हे नवी दिल्ली गाठणार असून सर्वोत्तम खेळी करणाऱ्या खेळाडूला इटली येथे पार पडणाऱ्या अजिंक्यपद स्पर्धेत खेळण्याचा मान मिळणार आहे. तसेच महाराष्ट्र कॅरम असोसिएशनने मागील १२ महिन्यातील कामगिरीनुसार आपला संघ निवडला आहे.
हा संघ २६ सप्टेंबरला दिल्लीसाठी रवाना होईल. या संघाच्या पूर्वतयारीसाठी २१ ते २५ सप्टेंबर या काळात एमसीए ट्रेनिंग सेंटर, दादर येथे ५ दिवसांचे प्रशिक्षण शिबिर राबवण्यात येणार आहे.
Asian Games 2026 : महिलांपाठोपाठ पुरुष हॉकी संघाचीही दणक्यात सुरुवात; इंडोनेशियाला १३-१ ने धुळ चारली
दिल्ली येथे होणाऱ्या निवड चाचणी स्पर्धेत पहिल्यांदाच पोटॅटो स्टार्च पावडरचा वापर करण्यात येणार आहे. महाराष्ट्र संघातील खेळाडूंना त्याची सवय व्हावी म्हणून प्रशिक्षणादरम्यान पोटॅटो स्टार्च पावडरचा वापर करण्यात येणार आहे. यावेळी शिबिरार्थींना वरिष्ठ आंतरराष्ट्रीय कॅरमपटू व राष्ट्रीय प्रशिक्षक अरुण केदार यांचे मार्गदर्शन मिळणार आहे.
पुरुष संघ : १) सागर वाघमारे ( पुणे ), २) संजय मांडे ( ठाणे ), ३) सिद्धांत वाडवलकर ( मुंबई ), ४) विकास धारिया ( मुंबई )
महिला संघ : १) आकांक्षा कदम ( रत्नागिरी ), २) सोनाली कुमारी ( मुंबई ), ३) रिंकी कुमारी ( मुंबई ), ४) चैताली सुवारे ( ठाणे )
.png "Videos"){kind=small}
