या मोहिमेतील महत्त्वाचा टप्पा पुण्यात पार पडला, जिथे कांथी दत्त यांनी 500 किमीचा टप्पा फिनिक्स मार्केटसिटी पुणे येथे आयोजित फिटनेस संवाद कार्यक्रमातून साजरा केला. या कार्यक्रमात धावपटू, सायकलिंगप्रेमी आणि फिटनेस उत्साही सहभागी झाले. अभिनेता अयान लाल, उद्योजिका देवयानी पवार आणि न्यूट्रिशनिस्ट अमिता गद्रे यांनीही उपस्थित राहून फिटनेस, युवा सहभाग आणि योग्य आहार व रिकव्हरी याविषयी महत्त्वपूर्ण चर्चा केली.
पुण्यात असताना कांथी दत्त यांनी डॉ. डी. वाय. पाटील विद्यापीठ येथे विद्यार्थ्यांशी संवाद साधत शिस्त, मानसिक ताकद आणि दैनंदिन जीवनात फिटनेसचे महत्त्व यावर मार्गदर्शन केले. या संवादातून विद्यार्थ्यांना नियमित व्यायाम आणि सायकलिंगसारख्या सवयी अंगीकारण्याची प्रेरणा मिळाली.या प्रवासाबद्दल बोलताना कांथी दत्त म्हणाले, “ही मोहीम केवळ मुंबई गाठण्यासाठी नव्हती, तर प्रत्येक शहरात फिटनेस आणि मानसिक ताकदीबद्दल संवाद सुरू करण्याचा प्रयत्न होता. या प्रवासादरम्यान विविध लोकांशी झालेला संवाद प्रेरणादायी ठरला. अधिकाधिक लोकांनी सक्रिय आणि निरोगी जीवनशैलीकडे वळावे, हीच अपेक्षा आहे.”
नवी मुंबईतील समारोप कार्यक्रमात अभिनेता अभिषेक बजाज आणि क्रिकेटपटू अभिषेक कपूर विशेष पाहुणे म्हणून उपस्थित होते.या वेळी अभिषेक बजाज म्हणाले, “अशा प्रकारचे प्रवास आपल्याला सातत्य आणि चिकाटीचे महत्त्व पटवून देतात. इतक्या मोठ्या अंतराचे सायकलिंग करणे हे खूप मोठे आव्हान आहे. अशा उपक्रमांमुळे लोकांना फिटनेसकडे गांभीर्याने पाहण्याची प्रेरणा मिळते.”अभिषेक कपूर यांनीही कांथी दत्त यांचे कौतुक करत म्हटले, “हा एक अत्यंत उल्लेखनीय पराक्रम आहे. इतक्या लांब अंतरावर आणि कठीण परिस्थितीत सायकलिंग करणे सोपे नाही. खेळ माणसाला शिस्त, धैर्य आणि दबाव हाताळण्याची क्षमता शिकवतो, जे दैनंदिन जीवनातही तितकेच महत्त्वाचे आहे. अधिकाधिक लोकांनी कोणताही खेळ निवडून सक्रिय राहावे, हीच अपेक्षा.”
कार्यक्रमाबद्दल बोलताना सिद्धेश मालडीकर, जनरल मॅनेजर – मार्केटिंग आणि कॉर्पोरेट कम्युनिकेशन, इनॉर्बिट मॉल्स इंडिया प्रायव्हेट लिमिटेड म्हणाले, “इनऑर्बिट मॉल्समध्ये समुदायनिर्मितीला आम्ही नेहमीच प्राधान्य देतो. कांथी दत्त यांच्या या 738 किमी मोहिमेचा समारोप वाशी येथे आयोजित करणे आमच्यासाठी अभिमानाची बाब आहे. त्यांच्या या प्रवासातून अनेकांना सक्रिय राहण्याची आणि फिटनेस अंगीकारण्याची प्रेरणा मिळेल.”ही मोहीम कांथी दत्त यांच्या ‘द फिअर प्रोजेक्ट’ या उपक्रमालाही अधोरेखित करते, ज्याचा उद्देश सहनशक्तीच्या क्रीडा प्रकारांच्या माध्यमातून मानसिक ताकद वाढवणे आणि स्वतःच्या मर्यादा ओलांडण्याची प्रेरणा देणे हा आहे.या उपक्रमाला सीएसआर अंतर्गत एमआयसी इलेक्ट्रॉनिक्स लिमिटेड आणि साई सिल्क्स कलामंदिर लिमिटेड यांचे समर्थन लाभले आहे.
.png "Videos"){kind=small}
