Nitish Rana: ‘ही खेळी आईच्या नावे…’, 6 Six मारून नितीश राणा मैदानावरच ढसाढसा रडला, नुकतेच आईचे झाले निधन

NitiSh Rana: ११ ऑगस्ट रोजी आपल्या आईला गमावल्यानंतरही, क्रिकेटपटू नितीश राणाने विलक्षण धैर्य दाखवत सामना खेळणे सुरू ठेवले. त्याने आपल्या डावात सहा षटकार मारत आपले विशेष अर्धशतक आईला समर्पित केले.

• नितीश राणाने आईच्या निधनानंतर त्वरीत मैदानावर दाखवले धैर्य

• ५० रन्स झाल्यावर ओक्साबोक्शी मैदानातच रडला

• आईला केली हाफसेंच्युरी समर्पित 

Nitish Rana: भारतीय क्रिकेटपटू नितीश राणासाठी गेल्या काही दिवसांपासूनचा काळ खूप भावनिक आणि कठीण आहे. ११ ऑगस्ट रोजी त्यांच्या आईचे निधन झाले, ज्यामुळे संपूर्ण कुटुंब दुःखाने खचले. या दुःखात आणि तीव्र शोकातही, नितीश राणा जराही डगमगला नाही आणि त्याने नुकतीच एक दमदार खेळी केली. आईला गमावल्यानंतर काही तासांतच, त्याने मैदानात परतण्याचा कठीण निर्णय घेतला, ज्यामुळे सर्वांनाच धक्का बसला.

BCCI च्या मोठ्या निर्णयानंतर, नितीश राणा नवीन लीगमध्ये खेळताना दिसणार, लिलावात यू-टर्नमुळे लागली बोली

मैदानावर वादळ निर्माण करत, अर्धशतक झळकावून आईला श्रद्धांजली वाहिली

Some moments are bigger than the game. Nitish Rana dedicates his half-century to his mother in an emotional moment.#AdaniDPL2026 #AdaniDPL #NitishRana #DelhiPremierLeague #WDLvsSDS pic.twitter.com/6X4ZQWykYG — Delhi Premier League T20 (@DelhiPLT20) August 17, 2026

गहन दुःखात मैदानात उतरलेल्या नितीश राणाने बॅटने शानदार कामगिरी केली. त्याने मागील सामन्यात आक्रमक अर्धशतक झळकावत उत्कृष्ट फलंदाजी केली. अर्धशतक पूर्ण झाल्यावर नितीश मैदानावर अत्यंत भावूक झाला आणि आकाशाकडे पाहून त्याने ही विशेष खेळी आपल्या आईला समर्पित केली. या भावनिक क्षणाने उपस्थित सर्व खेळाडू आणि क्रिकेट चाहत्यांची मने हेलावली. या क्षणाचा व्हिडिओ सोशल मीडियावर वेगाने व्हायरल होत आहे.

नितीश राणाने अवघ्या ३३ चेंडूंमध्ये १८१.८२ च्या स्ट्राईक रेटने सहा षटकार आणि चार चौकारांसह ६० धावा केल्या. या खेळीमुळे त्याच्या संघाला दिल्ली प्रीमियर लीगच्या सामन्यात १६९ धावांपर्यंत पोहोचण्यास मदत झाली. तथापि, त्याचा संघ, न्यू दिल्ली लायन्स, साऊथ दिल्ली सुपरस्टार्सकडून १० गडी राखून पराभूत झाला.

DC vs RR : संदीप शर्माच्या बचावासाठी नितीश राणा मैदानात, म्हणाला, सुपर ओव्हरमधील ‘तो’ निर्णय योग्यच…

प्रत्येक क्रिकेट चाहता भावूक झाला आहे

प्रत्येकजण नितीश राणाच्या खेळीचे आणि त्याच्या जिद्दीचे कौतुक करत आहे. आपल्या आईला गमावण्याचे दुःख सहन करत असताना संघासाठी इतकी चांगली कामगिरी करणे हे कोणत्याही खेळाडूसाठी सोपे काम नाही. चाहत्यांनी अशा कठीण परिस्थितीत केलेल्या त्याच्या कामगिरीबद्दल मनापासून कौतुक व्यक्त केले आहे आणि म्हटले आहे की, आज त्याची आई जिथे कुठे असेल, तिला आपल्या मुलाच्या धैर्याचा, समर्पणाचा आणि उत्कृष्ट कामगिरीचा अभिमान वाटला असता.