पाकिस्तानी महिला संघाचा व्हिडिओ व्हायरल (फोटो सौजन्य - X.com)
अंडर १९ च्या पाकिस्तानी महिला टीमचा हा सराव करताना व्हिडिओ पाहून तुम्हीही स्वतःचं हसू रोखू शकणार नाही. याआधी पाकिस्तानी पुरुष क्रिकेट संघाचा विचित्र सराव करताना व्हिडिओ व्हायरल झाला होता. पण आता महिला संघानेही असाच काहीसा व्हिडिओ केला आणि अत्यंत वाईट पद्धतीने ट्रोल होताना दिसत आहे.
Asian Games 2026: भारत आणि श्रीलंका येणार आमनेसामने, 1 ऑक्टोबरला होणार उपांत्य फेरीत टक्कर
With the Pakistan cricket team, there’s always some comedy involved. What kind of training are they even doing ? 😭😂 pic.twitter.com/iZuLTNELIK — Kashinath 2.0 (@TheDeolsFC) September 28, 2026
सोशल मीडियावर मोठ्या प्रमाणावर शेअर होत असलेल्या या व्हिडिओमध्ये, चार खेळाडू एकमेकांचे हात आणि पाय धरून एक विचित्र मानवी साखळी तयार करताना दिसत आहेत. एक खेळाडू खाली बसलेली आहे, दुसरी हवेत लटकलेली आहे आणि उरलेल्या दोघी तिला आधार देत आहेत. हा व्हिडिओ पाहणारे चाहते विचारत आहेत की, अशा व्यायामाचा किंवा सर्कसमधील स्टंटचा क्रिकेटमधील टायमिंग, झेल किंवा फिटनेसशी काय संबंध आहे? सुरुवातीला हा वरिष्ठ महिला संघाचा सराव असल्याचे वृत्त असले तरी, मिळालेल्या माहितीनुसार हे दृश्य पाकिस्तानच्या १९ वर्षांखालील महिला संघाच्या सराव सत्रातील आहे.
सोशल मीडियावर आपल्या स्पष्टवक्त्या मतांसाठी ओळखल्या जाणाऱ्या आकाश चोप्राने या व्हिडिओद्वारे पाकिस्तान क्रिकेटच्या नव्या प्रयोगांवर टीका केली आहे. आकाश चोप्राने गंमतीने सुचवले की, पाकिस्तान क्रिकेट आता खेळापेक्षा विनोदाचा विषय जास्त बनत चालले आहे. तो म्हणाला की, पाकिस्तानचा पुरुष संघ त्यांच्या अनोख्या शिबिरांमुळे आणि क्षेत्ररक्षणाच्या सरावामुळे आधीच ट्रोल झाला आहे, आणि आता असे दिसते की महिला संघानेही त्याचेच अनुकरण केले आहे.
पाकिस्तान क्रिकेटमधील या विचित्र घटनांच्या व्हिडिओमुळे क्रिकेट तज्ज्ञ आणि चाहत्यांना मीम्स तयार करण्याची पुन्हा एकदा भरपूर संधी मिळाली आहे. आकाश चोप्राने अशीही टिप्पणी केली की, जग चंद्रावर पोहोचले आहे, पण पाकिस्तान जिथे आहे तिथेच अडकले आहे. चाहते आकाश चोप्राचा हा व्हिडिओ मोठ्या प्रमाणावर शेअर करत आहेत.
.png "Videos"){kind=small}
