Paris Paralympic 2024 : रेल्वे अपघातात पाय गमावला; आयआयटीमधून शिक्षण; वाचा पॅरालिम्पिकमध्ये इतिहास रचणाऱ्या नितेश कुमारची प्रेरणादायी कथा

Read an Inspiring Story of Paralympic Gold Medalist Badminton Player Nitesh Kumar : नितेश कुमार पॅरालिम्पिक स्पर्धेत सुवर्णपदक जिंकणारा दुसरा भारतीय बॅडमिंटनपटू आहे. पॅरा बॅडमिंटनने तीन वर्षांपूर्वी टोकियोमध्ये पदार्पण केले तेव्हा प्रमोद भगतने या स्पर्धेचे सुवर्णपदक जिंकले होते. नितेश कुमारने बॅडमिंटनच्या पुरुष एकेरी SL3 प्रकारात ग्रेट ब्रिटनच्या डॅनियल बेथेलचा 21-14, 18-21, 23-21 असा पराभव करून सुवर्णपदक जिंकले.

Read an Inspiring Story of Paralympic Gold Medalist Badminton Player Nitesh Kumar : पॅरिस पॅरालिम्पिक स्पर्धेत बॅडमिंटनपटू नितेश कुमारने चमकदार कामगिरी करीत पॅरिस पॅरालिम्पिकमध्ये सुवर्णपदक जिंकले. नितेशने पुरुष एकेरी (SL3) गटाच्या अंतिम सामन्यात ग्रेट ब्रिटनच्या डॅनियल बेथेलचा 21-14, 18-21, 23-21 असा पराभव केला. पॅरालिम्पिकमध्ये सुवर्ण जिंकणारा नितेश हा दुसरा भारतीय बॅडमिंटनपटू आहे. पॅरा बॅडमिंटनने तीन वर्षांपूर्वी टोकियोमध्ये पदार्पण केले तेव्हा प्रमोद भगतने या स्पर्धेचे सुवर्णपदक जिंकले होते.SL3 श्रेणीतील खेळाडूंना खालच्या शरीराचे अधिक गंभीर विकार असतात आणि ते अर्ध्या-रुंदीच्या कोर्टवर खेळतात.

अद्भूत आणि रोमांचक सामन्यात नितेशचा सोनेरी विजय

See more

#SAIDailyWrap: #ParisParalympics2024– Day 5⃣, Part 1⃣👇

Para shuttler Nitesh Kumar's #Gold🥇& Discuss thrower Yogesh Kathuniya's #Silver🥈 surely made the first half exciting😍😍

Check out the daily wrap to know what else happened so far and stay tuned for Part 2⃣ 🥳

Until… pic.twitter.com/E80tS65xOR

— SAI Media (@Media_SAI) September 2, 2024

नितेशचा प्रवास सोपा नव्हता…
नितेश कुमार यांचा जन्म 30 डिसेंबर 1994 रोजी राजस्थानच्या बस कीर्तन (चुरू जिल्ह्यातील राजगढ तहसील) येथे झाला.2009 मध्ये विशाखापट्टणम येथे झालेल्या रेल्वे अपघातानंतर नितीश कुमार याला त्यांचा डावा पाय कायमचा गमवावा लागला होता. त्यावेळी नितेश अवघे १५ वर्षांचे होते. या दुःखद घटनेनंतरही नितीश कुमार घाबरला नाही आणि त्यांनी अभ्यासावर लक्ष केंद्रित केले. इंडियन इन्स्टिट्यूट ऑफ टेक्नॉलॉजी (IIT) प्रवेश परीक्षेची तयारी करण्यासाठी त्यांनी एक वर्षाची सुटी घेतली.

२०१३ मध्ये आयआयटी मंडीत प्रवेश

त्याची मेहनत रंगली आणि त्याला २०१३ मध्ये आयआयटी मंडीत प्रवेश मिळाला. आयआयटीमध्ये शिकत असतानाच त्याला बॅडमिंटन खेळाची आवड निर्माण झाली आणि त्याने पॅरा-ॲथलीट होण्याचा निर्णय घेतला. नितीश कुमार यांनी 2016 मध्ये आंतरराष्ट्रीय क्रिकेटमध्ये पदार्पण केले आणि 2017 मध्ये आयरिश पॅरा-बॅडमिंटन आंतरराष्ट्रीय स्पर्धेत पहिले विजेतेपद जिंकले. त्याने 2019 मध्ये क्रीडा आणि युवा व्यवहार विभागासाठी काम करण्यास सुरुवात केली, परंतु आंतरराष्ट्रीय स्पर्धांमध्ये भाग घेणे सुरूच ठेवले. 30 वर्षीय नितीशने जागतिक चॅम्पियनशिपमध्ये 2019, 2022 आणि 2024 मध्ये अनुक्रमे दोन रौप्य आणि एका कांस्यपदकांसह तीन पदके जिंकली आहेत.

आशियाई पॅरा गेम्समध्येही चार पदके जिंकली

29 वर्षीय नितेश कुमारने आशियाई पॅरा गेम्समध्येही चार पदके जिंकली आहेत. ज्यामध्ये 2018 जकार्ता आशियाई पॅरा गेम्समधील एक कांस्य पदक आणि 2022 हांगझो आशियाई पॅरा गेम्समध्ये तीन पदके (एक सुवर्ण, एक रौप्य आणि एक कांस्य) यांचा समावेश आहे. आणि आता सोमवारी त्याने आपल्या पदक विक्रमात पॅरालिम्पिक सुवर्णपदकाचीही भर घातली आहे.

पाहिल्यास, पॅरिस पॅरालिम्पिक 2024 मधील भारताच्या पदकांची संख्या आता 9 वर पोहोचली आहे. आतापर्यंत भारताच्या खात्यात दोन सुवर्ण, तीन रौप्य आणि चार कांस्यपदके जमा आहेत. नितेश कुमारच्या आधी नेमबाज अवनी लेखरा हिने पॅरिस ऑलिम्पिकमध्ये भारताला पहिले सुवर्ण मिळवून दिले होते.

पॅरिस पॅरालिम्पिक 2024 मधील भारताचे पदक विजेते

1. अवनी लेखरा (नेमबाजी) – सुवर्णपदक, महिला 10 मीटर एअर रायफल (SH1)
2. मोना अग्रवाल (नेमबाजी) – कांस्य पदक, महिला 10 मीटर एअर रायफल (SH1)
3. प्रीती पाल (ॲथलेटिक्स) – कांस्यपदक, महिलांची 100 मीटर शर्यत (T35)
4. मनीष नरवाल (नेमबाजी) – रौप्य पदक, पुरुष 10 मीटर एअर पिस्तूल (SH1)
5. रुबिना फ्रान्सिस (नेमबाजी) – कांस्य पदक, महिला 10 मीटर एअर पिस्तूल (SH1)
6. प्रीती पाल (ॲथलेटिक्स) – कांस्यपदक, महिलांची 200 मीटर शर्यत (T35)
7. निषाद कुमार (ॲथलेटिक्स) – रौप्य पदक, पुरुष उंच उडी (T47)
8. योगेश कथुनिया (ॲथलेटिक्स) – रौप्य पदक, पुरुष डिस्कस थ्रो (F56)

9. नितेश कुमार (बॅडमिंटन) – सुवर्णपदक, पुरुष एकेरी (SL3)