GT vs PBKS Live Socre: पंजाबचा ‘सूर्या’ चमकला! गुजरातसमोर 164 धावांचे लक्ष्य; 47 धावांत 5 गडी गमावल्यानंतर शेडगेने सावरला डाव

गुजरात टायटन्सने नाणेफेक जिंकली आणि प्रथम फलंदाजीसाठी पंजाबला अंमत्रित केले आणि त्याचा हा निर्णय योग्य ठरला. पंजाबने गुजरातसमोर विजयासाठी 164 धावांचे लक्ष्य ठेवले आहे. 

 

• पंजाबचा ‘सूर्या’ चमकला!
• गुजरातसमोर 164 धावांचे लक्ष्य;
• 47 धावांत 5 गडी गमावल्यानंतर शेडगेने सावरला डाव

GT vs PBKS IPL 2026: इंडियन प्रीमियर लीग (IPL) 2026 चा 46 वा सामना अहमदाबाद येथील नरेंद्र मोदी स्टेडियमवर खेळवला जाणार आहे. या सामन्यात, यजमान संघ असलेल्या ‘गुजरात टायटन्स’चा (PBKS vs GT) संघ सध्या जबरदस्त लयीत असलेल्या ‘पंजाब किंग्स’सोबत आमने सामने आहे. दरम्यान, गुजरात टायटन्सने नाणेफेक जिंकली आणि प्रथम फलंदाजीसाठी पंजाबला अंमत्रित केले आणि त्याचा हा निर्णय योग्य ठरला. पंजाबने गुजरातसमोर विजयासाठी 164 धावांचे लक्ष्य ठेवले आहे. See more

GT pacers prove too strong for PBKS 🔥💪 A steady middle-order stand from Shedge and Stoinis pushes them to 163 🏏 Will it be an easy chase or we’re going to see a thriller? 👀#IPL2026 #GTvPBKS #Sportskeeda pic.twitter.com/QHBwxSvMx8 — Sportskeeda (@Sportskeeda) May 3, 2026

प्रथम फलंदाजी करताना पंजाबची सुरुवात अत्यंत निराशाजनक झाली; केवळ 47 धावांवरच त्यांनी 5 गडी गमावले. त्यानंतर, सहाव्या क्रमांकावर फलंदाजीला आलेल्या सूर्यांश शेडगेने एक अप्रतिम खेळी साकारली. त्याने 29 चेंडूंमध्ये 3 चौकार आणि 5 षटकारांच्या मदतीने 57 धावा केल्या आणि संघाला एका सन्मानजनक धावसंख्येपर्यंत पोहोचवण्यात मोलाची मदत केली. सूर्यांशव्यतिरिक्त, मार्कस स्टॉइनिसने ३१ चेंडूंमध्ये ५ चौकार आणि १ षटकारासह ४० धावांची एक महत्त्वपूर्ण खेळी खेळली.

गुजरातकडून जेसन होल्डर हा सर्वात यशस्वी गोलंदाज ठरला; त्याने सर्वाधिक 4 गडी बाद केले. याव्यतिरिक्त, मोहम्मद सिराज आणि कागिसो रबाडा यांनी प्रत्येकी 2 गडी बाद केले, तर रशीद खानने उर्वरित 1 गडी बाद केला.

KKR Beat SRH: कोलकात्याने रोखला हैदराबादचा ‘विजय रथ’; घरच्या मैदानात धुव्वा उडवत प्लेऑफच्या आशा जिवंत ठेवल्या!

दोन्ही संघांची प्लेइंग 11

गुजरात टायटन्स (प्लेइंग इलेव्हन): शुभमन गिल (कर्णधार), साई सुधारसन, जोस बटलर (विकेटकीपर), वॉशिंग्टन सुंदर, निशांत सिंधू, जेसन होल्डर, रशीद खान, अर्शद खान, कागिसो रबाडा, मोहम्मद सिराज, मानव सुथार.

पंजाब किंग्ज (प्लेइंग इलेव्हन): प्रभसिमरन सिंग (विकेटकीपर), प्रियांश आर्य, कूपर कोनोली, श्रेयस अय्यर (कर्णधार), मार्कस स्टॉइनिस, सूर्यांश शेडगे, नेहल वढेरा, मार्को जॅनसेन, झेवियर बार्टलेट, अर्शदीप सिंग, युझवेंद्र चहल.

Sunil Narine Record: सुनील नरेनने रचला इतिहास! आयपीएलमध्ये ‘हा’ पराक्रम करणारा ठरला जगातील पहिला गोलंदाज