टेनिस कोर्टचा किंग म्हणजेच रॉजर फेडरर (Roger Federer) याने गुरुवारी 15 सप्टेंबर रोजी व्यावसायिक टेनिसमधून निवृत्त होत असल्याची घोषणा केली. तसेच पुढील आठवड्यात होणारी लेव्हर चषक स्पर्धा ही त्याच्या कारकीर्दीतील अखेरची असल्याचे देखील त्याने स्पष्ट केल. रॉजर फेडररच्या निवृत्तीनंतर त्याच्या चाहत्यांना फार दुःख झाले असून सोहंसला मीडियावर अनेकजण याविषयी व्यक्त होत आहेत. असे असतानाच फेडररचा कट्टर प्रतिस्पर्धी राफेल नदाने ही फेडरर साठी एक (Rafael Nadal) भावूक पोस्ट केली आहे. यात त्याने रॉजर फेडररला पुढील वाटचालीसाठी शुभेच्छा दिल्या आहेत.
रॉजर फेडररच्या निवृत्तीनंतर राफेल नदालने इन्स्टाग्रामवर एक पोस्ट केली. राफेल नदालने म्हंटल, “प्रिय रॉजर, माझा मित्र आणि प्रतिस्पर्धी. हा दिवस कधीही येऊ नये, अशी माझी इच्छा आहे. वैयक्तिकरित्या माझ्यासाठी आणि जगभरातील क्रीडा लोकांसाठी हा एक दुःखाचा दिवस आहे. जेव्हा आपलं बोलणं झालं होतं, त्यावेळी मी हेच म्हटलं होतं. इतकी वर्ष तुझ्यासोबत घालवण्याचा आनंद आहे. कोर्टवर आणि बाहेर असे अनेक अद्भुत क्षण जगणे हा एक सन्मान आणि विशेषाधिकारही आहे. भविष्यात एकत्र येण्यासाठी आपल्याकडं आणखी बरेच क्षण असतील. अजूनही अनेक गोष्टी एकत्र करायच्या आहेत. मी तुला, तुझी पत्नी मिर्का आणि मुले आणि तुझ्या कुटुंबियांसाच्या आनंदासाठी प्रार्थना करतो. मी तुला लंडनमधील लेव्हर कपमध्ये भेटेन.”
View this post on Instagram
गुडघ्यावर शस्त्रक्रिया करून रॉजर फेडरर सप्टेंबरमध्ये लंडनमध्ये होणाऱ्या लेव्हर कपमध्ये परतणार आहे. सोशल मीडियावर पोस्ट केलेल्या एका व्हिडिओमध्ये फेडरर म्हणतोय की,”टेनिसनं गेल्या काही वर्षांत मला अनेक भेटवस्तू दिल्या आहेत, या प्रवासात मला प्रेम देणारे लोक सर्वात मोठी आहेत. माझे मित्र आणि सहकारी तसेच इतर खेळाडू जे खेळासाठी सर्वकाही पणाला लावतात, त्याचे मी मनापासून आभार मानतो.”
