बुधवार, 4 नोव्हेंबर 2026
अंडरआर्म्सच्या काळेपणाकडे अजिबात करू नका दुर्लक्ष? 'हे' घरगुती उपाय केल्यास काखेतील त्वचा होईल उजळदार
Skin Care Tips: सर्वच महिला चेहऱ्यावरील त्वचेची खूप जास्त काळजी घेतात. त्वचा स्वच्छ ठेवण्यासाठी वेगवेगळ्या स्किन ट्रीटमेंट, स्किन केअर प्रॉडक्ट वापरले जातात. पण काखेतील त्वचेकडे अजिबात लक्ष दिले जात नाही. काखेत वाढलेला काळेपणा आणि दुर्गंधीमुळे बऱ्याचदा महिलांचा आत्मविश्वास कमी होऊन जातो आणि चार चौघांमध्ये गेल्यानंतर लाजिरवण्यासारखे वाटते. धावपळीची जीवनशैली आणि कामाच्या वाढत्या तणावामुळे शरीराकडे लक्ष देण्यासाठी जास्त वेळ मिळत नाही. पण असे न करता चेहऱ्यावरील त्वचेसोबतच काखेतील त्वचेकडे सुद्धा लक्ष देणे फार आवश्यक आहे. वारंवार शेव्हिंग करणे, डेड स्किन साचणे, घाम जास्त होणे, अतिशय घट्ट कपडे घालणे किंवा काही हानिकारक स्किन केअर प्रॉडक्ट्सचा वापर केल्यामुळे काखेतील त्वचा निस्तेज पडून जाते.(फोटो सौजन्य – istock)
काखेतील काळेपणा वाढल्यानंतर वेगवेगळ्या महागड्या लेझर ट्रीटमेंट करून घेतल्या जातात. शरीरात होणाऱ्या हार्मोनल बदलांमुळे सुद्धा काखेतील त्वचा काळी पडून जाते. त्यामुळे कोणत्या महागड्या क्रीमचा वापर करण्याऐवजी घरगुती उपाय करून काखेतील त्वचा उजळदार करावी. घरगुती उपाय केल्यामुळे त्वचेवर नैसर्गिक चमक येते आणि कोणतीही हानी पोहचत नाही. अंडरआर्म्सची काळवंडलेली त्वचा, टॅनिंग आणि घामाच्या त्रासापासून सुटका मिळवण्यासाठी हे घरगुती उपाय आवर्जून करून पाहावेत.
फेसपॅक तयार करण्यासाठी वाटीमध्ये बेसन, बेकिंग सोडा आणि लिंबाचा रस घालून पेस्ट बनवा. तयार केलेली पेस्ट व्यवस्थित मिक्स करून झाल्यानंतर त्यात थोडस गुलाबपाणी घालावे. काखेतील त्वचा स्वच्छ करून झाल्यानंतर फेसपॅक लावून हलक्या हाताने मसाज करा. मसाज केल्यामुळे डेड स्किन निघून जाण्यासोबतच त्वचा स्वच्छ होईल. त्यानंतर फेसपॅक ५ ते १० मिनिटं ठेवून नंतर पाण्याने स्वच्छ करून घ्या. आठवड्यातून एकदा किंवा दोनदा अंघोळीला जाण्याआधी फेसपॅक लावल्यास काखेतील काळेपणा कमी होण्यास मदत होईल.
लिंबाचा वापर ब्लीच म्हणून सुद्धा केला जातो. यासाठी लिंबाचे मध्यभागी तुकडे करून त्यावर साखर घालून काखेत लावा. त्यानंतर लिंबाच्या सालीने हलक्या हाताने मसाज करा. मसाज केल्यामुळे काखेत वाढलेला काळेपणा कमी होईल आणि काख चमकदार दिसेल. बटाट्यामध्ये नैसर्गिक क्लिनिंग आणि ब्लीचिंग गुणधर्म आढळून येतात, ज्यामुळे काखेतील काळेपणा कमी होण्यास मदत होते. बटाट्याचा रस काढून कापसाच्या मदतीने काखेत लावा आणि नंतर हलक्या हाताने मसाज करा. यामुळे त्वचेवरील टॅन कमी होईल.
Ans: काखेतील त्वचा काळी पडण्यामागे सतत घर्षण, वारंवार शेव्हिंग करणे, डिओडोरंटमधील काही घटक, हार्मोनल बदल किंवा इन्सुलिन रेझिस्टन्स यांसारखी कारणे असू शकतात.
Ans: त्वचेची नियमित स्वच्छता, मॉइश्चरायझरचा वापर आणि घर्षण कमी करणे यामुळे त्वचेचे आरोग्य सुधारण्यास मदत होऊ शकते. मात्र, घरगुती उपायांनी काळेपणा हमखास दूर होतो असे नाही.
Ans: वारंवार शेव्हिंग केल्याने त्वचेवर घर्षण आणि जळजळ होऊ शकते. त्यामुळे काही व्यक्तींमध्ये पिगमेंटेशन वाढू शकते.
