IPL 2026 Live Streaming : RCB विरुद्ध SRH सामन्याने वाजणार IPLचा बिगुल; जाणून घ्या कधी, कुठे पाहाल सामना?

उद्घाटनाचा सामना २८ मार्च म्हणजे आज खेळला जाणार आहे. या वर्षीच्या IPL चा पहिला सामना 'रॉयल ​​चॅलेंजर्स बंगळुरू' म्हणजे RCB आणि 'सनरायझर्स हैदराबाद' म्हणजे SRH यांच्यात खेळला जाणार आहे. सामना कधी आणि कुठे पाहायचा?

• IPL चा आगाज RCB आणि SRH यांच्यात खेळला जाणार
• RCB चा तगडा बॅटिंग, नवीन रणनीतीसह SRH सज्ज
• सामना थेट (Live) कधी आणि कुठे पाहायला मिळेल?

RCB vs SRH Live Streaming : २०२६ च्या इंडियन प्रीमियर लीगची म्हणजे IPL ची प्रतीक्षा अखेर संपत आली आहे. या स्पर्धेचा उद्घाटनाचा सामना २८ मार्च म्हणजे आज खेळला जाणार आहे. या वर्षीच्या IPL चा आगाज गतवर्षीचा विजेता संघ ‘रॉयल ​​चॅलेंजर्स बंगळुरू’ म्हणजे RCB आणि ‘सनरायझर्स हैदराबाद’ म्हणजे SRH यांच्यात खेळला जाणार आहे. हा सामना बंगळुरूच्या एम. चिन्नास्वामी स्टेडियमवर पार पडणार असून चाहते या हंगामाची फार आतुरतेने वाट पाहत आहेत.

IPL 2026: ईशान Virat च्या ‘आरसीबी’ला नडणार! हैद्राबादचा ‘हा’ गेम प्लॅन; काय असणार Playing XI

RCB चा तगडा बॅटिंग ऑर्डर मैदानात

RCB आपला विजेतेपदाचा किताब राखण्याच्या ठाम इराद्याने या हंगामात उतरत आहे. विराट कोहलीच्या उपस्थितीमुळे, संघाची फलंदाजी फळी अत्यंत मजबूत दिसत आहे; या फळीचे नेतृत्व स्टार फलंदाज रजत पाटीदार करत आहे. संघाला आपल्या घरच्या मैदानावर खेळण्याचाफायदाही मिळेल, जिथे त्यांना आपल्या चाहत्यांकडून प्रचंड पाठिंबा मिळणार आहे. मागच्या वर्षीच्या विजयानंतर आता या संघामध्ये वेगळाच आत्मविश्वास पाहायला मिळणार आहे.

नवीन रणनीतीसह SRH सज्ज

दरम्यान, सनरायझर्स हैदराबादचा संघ या वेळी अनेक नवीन बदलांसह मैदानात उतरणार आहे. या हंगामासाठी संघाचे कर्णधारपद ईशान किशनच्या हाती सोपवण्यात आले आहे, कारण नियमित कर्णधार पॅट कमिन्स हा सुरुवातीच्या काही सामन्यांना उपलब्ध नसल्यामुळे कर्णधार पदाची धुरा इशान किशनकडे सोपवण्यात आली आहे. संघाची धुरा सांभाळता त्याचा आपला फॉर्मही तितकाच तगडा असेल तर त्याचा संघाला नक्कीच फायदा होणार आहे. संघात बरेच बदल करण्यात आले असून हे बदल संघासाठी सकारात्मक ठरतील अशी अपेक्षा ठेवण्यात आली आहे. मागील हंगाम या संघासाठी फारसा संस्मरणीय ठरला नव्हता; त्यामुळे, या वेळी हैदराबादकडून खूपच सुधारलेली कामगिरी अपेक्षित आहे.

सामना थेट (Live) कधी आणि कुठे पाहायला मिळेल?

IPL २०२६ चा ओपनिंगचा सामना शनिवार, २८ मार्च रोजी खेळला जाईल. हा सामना सायंकाळी ७:३० वाजता सुरू होणार आहे. TV वर या सामन्याचे थेट प्रक्षेपण ‘स्टार स्पोर्ट्स नेटवर्क’वर उपलब्ध असेल. मोबाईल आणि ऑनलाइन प्लॅटफॉर्मसाठी, चाहते ‘Jio Hotstar’ ॲप आणि वेबसाइटद्वारे सामन्याचे थेट प्रक्षेपण म्हणजेच Live Streaming पाहू शकतात.

RCB चा संपूर्ण संघ

रजत पाटीदार (कर्णधार), विराट कोहली, टिम डेव्हिड, जेकब बेथेल, रोमारियो शेफर्ड, जोश हेझलवुड, नुवान थुशारा, देवदत्त पडिक्कल, जितेश शर्मा, कृणाल पंड्या, रसिक दार, भुवनेश्वर कुमार, जॉर्डन कॉक्स, सुयश शर्मा, व्यंकटेश अय्यर, स्वप्नील सिंग, जेकब डफी, कनिष्क चौहान, अभिनंदन सिंग, मंगेश यादव, फिल सॉल्ट, सात्विक देसवाल, विकी ओस्तवाल, विहान मल्होत्रा.

SRH संपूर्ण संघ

इशान किशन (कर्णधार), हेनरिक क्लासेन, अभिषेक शर्मा, ट्रॅव्हिस हेड, अनिकेत वर्मा, स्मरण रविचंद्रन, सलील अरोरा, नितीश कुमार रेड्डी, पॅट कमिन्स, लियाम लिव्हिंगस्टोन, कामिंदू मेंडिस, क्रियांश फुलेत्रा, ब्रायडन कारसे, प्रफुल्ल हिंगे, साकीब हुसेन, साकीब हुसेन, साकीब हुसेन, उन्मेष, जयदेव तरूणी. हर्षल पटेल, इशान मलिंगा, डेव्हिड पायने, हर्ष दुबे, अमित कुमार, जीशान अन्सारी

दोघांकडेही तगडे प्लेयर्स असल्यामुळे IPL 2026 चा आगाज जोरदार असणार आहे त्याच सुरुवातीचा सामनाही रंगत आणणार आहे एवढं मात्र नक्की !

IPL 2026: राडा निश्चित! 9 वर्षांनंतर RCB विरुद्ध SRH भिडणार; ‘या’ जबरदस्त खेळाडूंची अदलाबदली