मोहाली : रोहित शर्माच्या मनात नेमकं चाललंय तरी काय, हा प्रश्न सध्याच्या घडीला चाहत्यांना पडलेला आहे. कारण रोहित शर्माने आता सूर्यकुमार यादवला संघाबाहेर केल्याचे समोर आले आहे. रोहितने फक्त सूर्यालाच संघाबाहेर केले नाही तर मुंबईच्या अजून एका खेळाडूला त्याने बाहेरचा रस्ता दाखवला आहे.
सूर्या हा संघाचा उप कर्णधार असतानाही
पंजाबविरुद्धच्या सामन्यात रोहितने टॉस जिंकला आणि त्यानंतर तो जे काही बोलला त्यामुळे चाहत्यांना धक्का बसला आहे. कारण या सामन्यासाठी मुंबईच्या संघाने आपला ११ खेळाडूंचा संघ जाहीर केला, त्यामध्ये त्यांनी सूर्याला संधी दिली नव्हती. सूर्या हा संघासाठी महत्वाचा खेळाडू आहे. सर्वात महत्वाचे म्हणजे सूर्या हा संघाचा उप कर्णधार आहे.
दोन मुंबईकरांना संघातून बाहेर
त्यामुळे तो जर संघात नसेल आणि रोहितला काही दुखापत झाली तर कर्णधारपद कोणाला देणार, हा प्रश्न चाहत्यांना पडलेला आहे. त्यामुळे सूर्याला संघाबाहरे करत त्यांनी मोठी चूक केल्याचे म्हटले जात आहे. रोहितने यावेळी दुसरा मुंबईकर असलेल्या अर्जुन तेंडुलकरलाही संघात स्थान दिलेले नाही. या सामन्यासाठी रिली मेरेडिथ हा फिट नव्हता. त्याच्या जागी अर्जुनला संधी देण्यात येऊ शकली असती पण यावेळी अर्जुनला संधी न देण्याचा निर्णय मुंबई इंडियन्सने घेतला आहे.
सूर्याला ११ सदस्यीय संघातसुद्धा स्थान नाही
मुंबई इंडियन्सने यावेळी सूर्याला ११ सदस्यीय संघात स्थान दिले नाही. तर त्याला राखीव म्हणून ठेवण्यात आले आहे. त्याला इम्पॅक्ट खेळाडू म्हणून मैदानात आणले जाऊ शकते, पण तो निर्णय आता मुंबई इंडियन्स घेऊ शकत नाही. पण जर सामना सुरु असताना रोहिला दुखापत झाली तर सूर्याला मैदानात जाता येणार नाही. सूर्या हा संघाचा उप कर्णधार आहे. त्यामुळे त्याच्या सल्ल्यांचा फायदा रोहित शर्माला होऊ शकतो. पण मुंबईने मात्र तो विचार यावेळी केलेला दिसत नाही. सूर्याला जरी इम्पॅक्ट खेळाडूच्या जागी आणले तरी त्याचे संघातील महत्व यामुळे कमी होऊ शकते. त्यामुळे मुंबई इंडियन्सने या गोष्टीचा नक्कीच विचार करायला हवा.
.png "Videos"){kind=small}
