चाहत्यांना मोठा धक्का! Faf du Plessis ने सोडले ‘IPL’; आता ‘या’ स्पर्धेत खेळण्याचा निर्णय

Cricket News: फाफ डू प्लेसिस हे क्रिकेट क्षेत्रातील मोठे नाव आहे. दक्षिण आफ्रिकेचा कर्णधार राहिलेल्या या जबरदस्त खेळाडूने आयपीएल 2026 न खेळण्याचा मोठा निर्णय घेतला आहे.

फाफ डू प्लेसिसने आयपीएल सोडण्याचा निर्णय घेतला 
फाफ डू प्लेसिस दक्षिण आफ्रिकेचा माजी कर्णधार 
2025 मध्ये फाफ दिल्ली कपिटल्सकडून खेळला 

फाफ डू प्लेसिस हे क्रिकेट क्षेत्रातील मोठे नाव आहे. दक्षिण आफ्रिकेचा कर्णधार राहिलेल्या या जबरदस्त खेळाडूने आयपीएल 2026 न खेळण्याचा मोठा निर्णय घेतला आहे. फाफ डू प्लेसिस हा जवळपास 10 वर्षांपासून आयपीएल स्पर्धा खेळत आहे. मागील वर्षी फाफ डू प्लेसिस दिल्ली कपिटल्सकडून खेळला होता. या यावर्षी दिल्लीच्या संघाने त्याला रिटेन केले नाही. त्यामुळे फाफ आयपीएल खेळणार की नाही याकडे सर्वांचे लक्ष लागले आहे.

फाफ डू प्लेसिसने आयपीएल 2026 च्या लिलावात सहभागी न होण्याचा निर्णय घेतला आहे. अर्थात याबाबत त्याने सोशल मिडियावर पोस्ट केली आहे. फाफ डू प्लेसिस यंदा पीएसएल म्हणजेच (पाकिस्तान सुपर लीग) मधून खेळणार आहे. आयपीएलमध्ये 14 सीझन खेळून झाल्यावर यावर्षी लिलावात नाव न देण्याचा निर्णय त्याने घेतला आहे.

See more

#PSLNewEra pic.twitter.com/Vqo8fFUjOs — Faf Du Plessis (@faf1307) November 29, 2025

फाफ डू प्लेसिस आपल्या पोस्टमध्ये म्हणाला, “हा माझ्यासाठी एक मोठा निर्णय  आहे. आयपीएल लीग माझ्यासाठी खूप खास ठरली आहे. मला मोठ्या खेळाडूंसोबत, मोठ्या फ्रँचायजीसोबत खेळण्याची संधी मिळाली. भारताने मला मैत्री, शिकवण आणि आठवणी दिल्या आहेत. तुमचे समर्थन माझ्यासाठी महत्वाचे ठरते. चौदा वर्षांचा हा प्रवास मोठा आहे. भारतासाठी माझ्या मनात एक विशेष स्थान आहे.

फाफ डू प्लेसिस यंदा पाकिस्तान सुपर लीग (PSL) स्पर्धा खेळणार आहे. “हा निर्णय माझ्यासाठी एकदम रोमांचकारी आहे. काहीतरी ननवीन शिकायला, अनुभवायला मिळणार आहे. मी पाकिस्तानच्या आदरातिथ्याची वाट बघत आहे असे फाफ डू प्लेसिस म्हणाला.