फोटो सौजन्य - सोशल मिडिया
आयपीएल २०२६ सुरू झाली आहे, परंतु स्पर्धा सुरू होण्यापूर्वीच काही खेळाडूंनी अचानक माघार घेतल्याने संघातील संतुलन बिघडले आहे. आयपीएल पहिला सामना काल पार पडला, तरीही अनेक खेळाडू अजूनपर्यत संघामध्ये सामील झाले नाहीत. या यादीत बेन डकेट आणि हॅरी ब्रूक यांसारख्या खेळाडूंचा समावेश आहे. बीसीसीआयने अशा खेळाडूंसाठी नियम तयार केले आहेत. लिलावात विकला गेल्यानंतर स्पर्धेतून माघार घेणाऱ्या खेळाडूवर दोन वर्षांची बंदी घातली जाते. मात्र, सुनील गावस्कर यावर खूश नाहीत. त्यांनी आता अशा अनेक खेळाडूंवर संताप व्यक्त केला आहे.
भारताच्या या माजी कर्णधाराने बीसीसीआयला अधिक कठोर नियम लागू करण्याचे आवाहन केले आहे. सुनील गावस्कर इंडिया टुडेला म्हणाले, “हे एक अवघड प्रकरण आहे. स्पष्टपणे, बेन डकेटची ॲशेस मालिका खूप चांगली झाली, आणि जर त्याला ‘द हंड्रेड’ लिलावात इतक्या मोठ्या रकमेला विकत घेतले नसते, तर परिस्थिती कदाचित वेगळी असती. हे समजण्यासारखे आहे की ‘द हंड्रेड’मध्ये चांगल्या किमतीला विकत घेतल्यानंतर, त्याने मालिका सोडून आपल्या इंग्लंड कसोटी कारकिर्दीवर लक्ष केंद्रित करायचे आहे असे सांगून कदाचित आनंदच व्यक्त केला असेल.”
तो पुढे म्हणाला, “पण हो, बीसीसीआयनेही काय करायला पाहिजे याचा विचार करायला हवा, कारण दोन वर्षांची बंदी स्पष्टपणे काम करत नाहीये. तुम्हाला असं काहीतरी करावं लागेल ज्याचा परिणाम होईल. जोपर्यंत त्याचा खेळाडूवर आणि त्याच्या आयपीएलमध्ये परत येण्याच्या संधींवर परिणाम होत नाही, तोपर्यंत ते यशस्वी होणार नाही.” मागील दोन वर्षामध्ये इंग्लिश संघामधील दोन खेळाडूंनी आतापर्यत माघार घेतली आहे.
बेन डकेटच्या आयपीएल २०२६ मधून माघार घेण्याच्या निर्णयामुळे खेळाडूंची वचनबद्धता आणि लीगच्या नियमांविषयी सुरू असलेल्या चर्चेला पुन्हा एकदा तोंड फुटले आहे. या इंग्लंडच्या फलंदाजाला दिल्ली कॅपिटल्सने २ कोटी रुपयांना करारबद्ध केले होते, परंतु त्याने लाल चेंडूच्या क्रिकेटला प्राधान्य देण्यासाठी आणि घरी वेळ घालवण्यासाठी या हंगामातून माघार घेण्याचा निर्णय घेतला. त्याचा हा निर्णय, ॲशेस आणि टी-२० विश्वचषक यांसारख्या व्यस्त आंतरराष्ट्रीय वेळापत्रकानंतर लगेचच आला आहे.
A two-year IPL ban incoming for Ben Duckett, just like Harry Brook? 🤔 The English opener has announced that he has pulled out of IPL 2026 to safeguard his England career. He was picked by Delhi Capitals for ₹2 crore in the auction. Read here: https://t.co/am73LxEzwv 📷:… pic.twitter.com/jpP4s651Rc — Sportstar (@sportstarweb) March 24, 2026
.png "Videos"){kind=small}
