एका रात्रीत बनला सुपरस्टार! 24 तासात प्रफुल हिंगेचे 1 हजारावरून 4 लाखावर फॉलोअर्स, सोशल मीडिया Sensation

आपल्या दमदार गोलंदाजीमुळे प्रफुल्ल हिंगे रातोरात स्टार बनला आहे. अवघ्या २४ तासांत त्यांचे फॉलोअर्स १,००० वरून जवळपास ४,००,००० पर्यंत वाढले. एका रात्रीत प्रफुलच्या खेळीमुळे हे शक्य झाले आहे.

• २४ तासाच प्रफुल हिंगेचे फॉलोअर्स इन्स्टाग्रामवर वाढले

• मॅचपूर्वी होते केवळ १ हजार फॉलोअर्स 

• आता ४ लाखाच्या आसपास फॉलोअर्समध्ये वाढ 

प्रफुल्ल हिंगेने IPL च्या इतिहासात अशी कामगिरी केली, जी जसप्रीत बुमराह, मोहम्मद शमी, मिचेल स्टार्क आणि डेल स्टेन यांसारख्या अनेक दिग्गजांनाही साधता आली नाही. इंडियन प्रीमियर लीगच्या १९ वर्षांच्या इतिहासात आपल्या पहिल्याच षटकात तीन बळी घेणारा तो पहिला गोलंदाज ठरला. त्याने आपल्या पदार्पणाच्या सामन्यात चार बळी घेतले, ज्यामुळे त्याला ‘सामनावीर’ पुरस्कार मिळाला.

या कामगिरीमुळे मराठमोळा प्रफुल हिंगे हा रातोरात स्टार बनला. २४ तासांच्या आत, त्याचे इंस्टाग्रामवरील फॉलोअर्स १,००० वरून जवळपास ४,००,००० पर्यंत वाढले. प्रफुल्ल हिंगेला सोशल मीडिया स्टार बनण्यासाठी लागलेल्या २४ तासांचा आढावा घेऊया. प्रफुलने राजस्थान रॉयल्सच्या विरूद्ध केलेली कामगिरी याला कारणीभूत ठरली असून अचानक त्याच्या प्रसिद्धीत वाढ झाल्याचे दिसून आले आहे. 

सामन्यापूर्वी १,००० फॉलोअर्स होते

सोमवारी अर्थात १३ एप्रिल रोजी सनरायझर्स हैदराबाद आणि राजस्थान रॉयल्स यांच्यातील सामन्यादरम्यान, नवज्योत सिंग सिद्धूने खुलासा केला की सामन्याच्या दिवशी सकाळी प्रफुल्लचे इंस्टाग्रामवर अंदाजे १,००० फॉलोअर्स होते. यावेळीच सिद्धूने आता एका रात्रीमध्ये त्याचे फॉलोअर्स वाढतील अशी भविष्यवाणीदेखील केली होती आणि अगदी तसेच झाले. प्रफुलच्या कमालीच्या कामगिरीमुळे इन्स्टाग्रामवर २४ तासात तुफान वेगाने त्याचे चाहते वाढले आहेत. 

Who Is Praful Hinge: SRH Vs RR मध्ये पदार्पणातच उडवली राजस्थान रॉयलची झोप, कोण आहे मराठमोळा प्रफुल हिंगे?

२४ तासांत जवळपास ४,००,००० फॉलोअर्स

आता, १४ एप्रिल रोजी दुपारी ३ वाजण्याच्या सुमारास, नवज्योत सिंग सिद्धू यांनी घोषित केलेल्या वेळेनंतर साधारण २४ तासांत, प्रफुल्ल हिंगे यांच्या इंस्टाग्राम फॉलोअर्सची संख्या जवळपास ४,००,००० वर पोहोचली आहे. प्रफुल्ल रातोरात सोशल मीडिया स्टार बनला आहे. अर्थात यामागे त्याची इतक्या वर्षाची मेहनत आहे आणि आयपीएल हा खेळाडूंसाठी असा प्लॅटफॉर्म आहे जिथून त्यांचे नशीब बदलते आणि त्यांच्या मेहनतीचे फळही मिळते. सनरायझर्स हैदराबादने प्रफुल हिंगेला केवळ ३० लाखात खरेदी केले होते. पण त्याने मिळालेल्या संधीचे सोनं करून दाखवलं आहे. 

हैदराबादने सामना जिंकला

हैदराबाद येथील राजीव गांधी आंतरराष्ट्रीय स्टेडियमवर खेळल्या गेलेल्या सामन्यात, सनरायझर्स हैदराबादने राजस्थान रॉयल्सचा ५७ धावांनी पराभव केला. प्रथम फलंदाजी करताना, हैदराबादने २० षटकांत ६ गडी गमावून २१६ धावा केल्या. कर्णधार इशान किशनने संघासाठी सर्वोच्च खेळी केली, त्याने ८ चौकार आणि ६ षटकारांच्या मदतीने ४४ चेंडूंमध्ये ९१ धावा केल्या.

त्यानंतर, धावांचा पाठलाग करताना राजस्थान रॉयल्सचा संघ १९ षटकांत १५९ धावांवर सर्वबाद झाला. डेनोव्हन फरेराने ६९ धावांची खेळी करून संघासाठी सर्वाधिक धावा केल्या. मात्र, त्याच्या खेळीमुळे संघाला विजय मिळवता आला नाही. दरम्यान, प्रफुल्ल हिंगे आणि शकिब हुसैन यांनी प्रत्येकी चार बळी घेत हैदराबादच्या विजयात मोलाचे योगदान दिले.

Praful Hinge चा RR ला ‘मराठमोळा’ हिसका! SRH ने 5 व्या विजयापासून रोखलं, 57 रन्सने केला पराभव