Table Tennis: सुयोग पाटीलची जिद्द अन् दमदार खेळ! पिछाडीवरून मुसंडी मारत पटकावले राज्यस्तरीय विजेतेपद

Table Tennis: ४५ वर्षांवरील पुरुष गटात पुण्याच्या ओंकार जोगने एकतर्फी लढतीत ठाण्याच्या सातव्या मानांकित सागर कुलकर्णीचा ११-१, ११-३, ११-७ असा सरळ गेममध्ये फडशा पाडला.

• टेबल टेनिस स्पर्धेत पुण्याच्या खेळाडूंचे वर्चस्व
• सुयोग, ओंकार, उपेंद्र, अनघा यांना अजिंक्यपद
  
• मुंबईतील मरीन लाईन्स येथील युनिव्हर्सिटी पॅव्हेलियनमध्ये स्पर्धेचे आयोजन 

Table Tennis: मुंबई शहर जिल्हा टेबल टेनिस संघटना आणि कल्पवृक्ष पब्लिक चॅरिटेबल ट्रस्ट यांच्या संयुक्त विद्यमाने आयोजित ‘तिसऱ्या महाराष्ट्र राज्य मास्टर्स मानांकन टेबल टेनिस स्पर्धेत’ पुण्याच्या सुयोग पाटील, ओंकार जोग, उपेंद्र मुळ्ये यांच्यासह सोलापूरच्या मनीष रावत आणि मुंबई शहरच्या अनघा जोशी यांनी आपापल्या वयोगटांत विजेतेपद संपादन केले.

मुंबईतील मरीन लाईन्स येथील युनिव्हर्सिटी पॅव्हेलियनमध्ये पार पडलेल्या या स्पर्धेत पुण्याच्या खेळाडूंनी जोरदार छाप पाडली. ४० वर्षांवरील पुरुष गटाच्या अंतिम फेरीत तिसऱ्या मानांकित सुयोग पाटीलने पहिल्या दोन गेममधील पिछाडी भरून काढत अव्वल मानांकित सहकारी संतोष वाक्राडकरवर ९-११, ९-११, ११-८, ११-७, ११-८ अशी पाच गेममध्ये रोमांचक मात केली आणि विजेतेपद पटकावले.

Tennis: शौरेन सोमणची दमदार कामगिरी! १७ आणि १९ वर्षांखालील गटात विजेतेपदावर नाव कोरले

 सुवर्णपदकाला घातली गवसणी

४५ वर्षांवरील पुरुष गटात पुण्याच्या ओंकार जोगने एकतर्फी लढतीत ठाण्याच्या सातव्या मानांकित सागर कुलकर्णीचा ११-१, ११-३, ११-७ असा सरळ गेममध्ये फडशा पाडला. ५० वर्षांवरील पुरुषांच्या अंतिम सामन्यात तिसऱ्या मानांकित उपेंद्र मुळ्येने (पुणे) अव्वल मानांकित नचिकेत देशपांडेचे कडवे आव्हान १४-१२, १२-१०, ७-११, ११-८ असे मोडून काढले. ५५ वर्षांवरील पुरुषांच्या गटात अव्वल मानांकित मनीष रावतने (सोलापूर) मुंबई शहरच्या नवीन सॅलियनचा ११-४, १२-१०, ११-७ असा पराभव करत जेतेपदावर नाव कोरले. तर ५५ वर्षांवरील महिलांच्या अंतिम फेरीत मुंबई शहरच्या अव्वल मानांकित अनघा जोशीने ठाण्याच्या दुसऱ्या मानांकित तृप्ती माचवेचा ११-७, ९-११, ११-६, ११-७ असा चार गेममध्ये पराभव करून सुवर्णपदकाला गवसणी घातली.

अंतिम फेरीचे सविस्तर निकाल

• ४० वर्षांवरील पुरुष गट:

सुयोग पाटील [३] (पुणे) वि. वि. संतोष वाक्राडकर [१] ९-११, ९-११, ११-८, ११-७, ११-८

• ४५ वर्षांवरील पुरुष गट:

ओंकार जोग (पुणे) वि. वि. सागर कुलकर्णी [७] (ठाणे) ११-१, ११-३, ११-७

• ५० वर्षांवरील पुरुष गट:

उपेंद्र मुळ्ये [३] (पुणे) वि. वि. नचिकेत देशपांडे [१] १४-१२, १२-१०, ७-११, ११-८

72 वर्षांचा दुष्काळ संपवला! आशियाई टेबल टेनिसमध्ये भारताचा डंका; Harmeet Desai-Yashaswini Ghorpade च्या जोडीने जिंकले कांस्यपदक

• ५५ वर्षांवरील पुरुष गट:

मनीष रावत [१] (सोलापूर) वि. वि. नवीन सॅलियन (मुंबई शहर) ११-४, १२-१०, ११-७

• ५५ वर्षांवरील महिला गट:

अनघा जोशी [१] (मुंबई शहर) वि. वि. तृप्ती माचवे [२] (ठाणे) ११-७, ९-११, ११-६, ११-७