Mukul Choudhary ने KKR ला विजयाच्या उंबरठ्यावरच रोखलं; LSG ने केला 3 विकेट्सने दारुण पराभव

लखनौकडून एडन मारक्रम आणि मिशेल मार्श मैदानात उतरले. दोघांनी चांगली सुरुवात केली. मात्र एडन मारक्रम 15 चेंडूत 22 रन्स करून आउट झाला. तर मिशेल मार्श 11 चेंडूत 15 रन्स करून आउट झाला.

केकेआरचे लखनौला 182 रन्सचे टार्गेट 
अजिंक्य रहाणेची शानदार खेळी 
कॅमेरून ग्रीन अन् पोवेल रचली भागीदारी

Tata IPL 2026 LSG Vs KKR Live Updates: इडन गार्डन्स स्टेडियमवर आज कोलकाता नाइट रायडर्स विरुद्ध लखनौ सुपर जायंट्स यांच्यात सामना पार पडला. लखनौने टॉस जिंकून प्रथम गोलंदाजी करण्याचा निर्णय घेतला. केकेआरने प्रथम फलंदाजी करून एलएसजीला 182 रन्सचे टार्गेट दिले होते. केकेआरसाठी हा सामना महत्वाचा समजला जात होता. मात्र मुकुल चौधरीने तडाखेबंद खेळी करून केकेआरचा 3 विकेट्सने पराभव केला आहे.

लखनौ सुपर जायंट्सची फलंदाजी

182 रन्सचा पाठलाग करण्यासाठी लखनौकडून एडन मारक्रम आणि मिशेल मार्श मैदानात उतरले. दोघांनी चांगली सुरुवात केली. मात्र एडन मारक्रम 15 चेंडूत 22 रन्स करून आउट झाला. तर मिशेल मार्श 11 चेंडूत 15 रन्स करून आउट झाला. त्यानंतर आयुष बडोनी आणि कर्णधार ऋषभ पंत खेळण्यासाठी आले. ऋषभ पंत 9 चेंडूत 10 रन्स करून आउट झाला. निकोलस पूरनने 13 रन्स केल्या. तर अब्दुल समद 2 रन्स करून आउट झाला.  आयुष बडोनीने अर्धशतकी खेळी केली. तो 54 रन्स करून आउट झाला. मोहम्मद शामी 1 रन करून आउट झाला. मुकुल चौधरीने वादळी अर्धशतक करत एलएसजीला विंजय मिळवून दिला.

See more

𝗔𝗕𝗦𝗢𝗟𝗨𝗧𝗘𝗟𝗬 𝗦𝗘𝗡𝗦𝗔𝗧𝗜𝗢𝗡𝗔𝗟 😮 One word for this knock? Scorecard ▶️ https://t.co/ov5gAlAtPH #TATAIPL | #KhelBindaas | #KKRvLSG | @LucknowIPL pic.twitter.com/W9BZ2uVz2L — IndianPremierLeague (@IPL) April 9, 2026

एलएसजीची गोलंदाजी

एलएसजीकडून पहिली ओव्हर मोहम्मद शामीने टाकली. तर प्रिन्स यादवने आपल्या पहिल्याच ओव्हरमध्ये फील एलनला आउट केले. फील एलची कॅच दिग्विजय राठीने पकडला. दिग्विजय राठीने कर्णधार अजिंक्य रहाणेला आउट केले. आवेश खानने रींकू सिंगची विकेट घेतली. तर सिद्धार्थने अंगरिक्ष रघुवंशीला 45 रन्सवर आउट केले. शेवटची ओव्हर प्रिन्स यादवने टाकली त्याने शेवटच्या ओव्हर्समध्ये जास्त रन्स दिल्या नाहीत. शेवटचे दोन चेंडू तर त्याने एकही धाव दिली नाही.

KKR Vs LSG Live: रहाणेची ‘अजिंक्य’ खेळी; ऋषभ पंतच्या एलएसजीला 182 रन्सचे टार्गेट

केकेआरची फलंदाजी

एलएसजीने प्रथम फलंदाजीसाठी आमंत्रित केल्यावर केकेआरकडून कर्णधार अजिंक्य रहाणे आणि फील एलन मैदानात खेळण्यासाठी आले. मात्र फील एलन आज साजेशी कामगिरी करू शकला नाही. केवळ 8 रन्स करून तो आउट झाला. त्यानंतर अंगरीक्ष रघुवंशी खेळण्यासाठी आला. कर्णधार अजिंक्य रहाणेने 41 धावांची खेळी केली. रहाणे आणि रघुवंशीने 100 धावांची भागीदारी रचली. रहाणे आउट झाल्यावर कॅमेरून ग्रीन खेळण्यासाठी आला. रघुवंशी 45 रन्स करून आउट झाला. तर रींकू सिंग 4 रन्स करून आउट झाला. मधल्या काही ओव्हर्समध्ये केकेआरची गाडी अडखळली होती. मात्र पोवेल आणि कॅमेरून ग्रीनने केकआरला 20 ओव्हर्समध्ये 181 रन्सपर्यंत पोहोचवले. कॅमेररून ग्रीनने 24 चेंडूत महत्वाचे 32 रन्स केले. तर पोवेलने 24 चेंडूत 39 रन्स केले. त्यामुळे केकेआरने 181 रन्सपर्यंत मजल मारली.

केकेआरची गोलंदाजी 

केकेआरकडून वैभव आरोरान चांगली गोलंदाजी केली. त्याने एडन मारक्रम आणि मिशेल मार्शला आउट केले.  कॅमेरून ग्रीनने एलएसजीचा कर्णधार ऋषभ पंतची विकेट घेतली. अनुकूल रॉयने अब्दुल समदची विकेट घेतली. तर अर्धशतक करणाऱ्या आयुष बडोनील देखील अनुकूल रॉयने आउट केले.

KKR Vs LSG Live: केकेआरला पराभूत करण्यासाठी ऋषभ पंत सज्ज; टॉस जिंकत घेतला ‘हा’ निर्णय

केकेआरची संभाव्य टीम: फिन ॲलन, अजिंक्य रहाणे, कॅमेरून ग्रीन, अंगक्रिश रघुवंशी, रिंकू सिंग, रमणदीप सिंग, सुनील नरेन, नवदीप सैनी, वैभव अरोरा, ब्लेसिंग मुझाराबानी, सुनील नरेन , वरुण चक्रवर्ती

एलएसजीची संभाव्य टीम:  मिचेल मार्श, एडन मार्करम, ऋषभ पंत, निकोलस पूरन, आयुष बडोनी, अब्दुल समद, दिग्वेश राठी, मोहम्मद शमी, आवेश खान, एम सिद्धार्थ, मुकुल चौधरी, प्रिन्स यादव, शाहबाज अहमद