CSK Vs PBKS Pitch Report: आजच्या सामन्यात टॉस करणार ‘गेम’; ‘हा’ निर्णय घेतल्यास विजय निश्चित

चेन्नई सुपर किंग्जने आपला पहिला सामना राजस्थान रॉयल्सविरुद्ध गमावला होता. तर पंजाब किंग्जच्या संघाने गुजरात टायटन्सविरुद्ध 3 विकेट्सने विजय मिळवला होता.

आज चेन्नई विरुद्ध पंजाबमध्ये रंगणार सामना 
चेन्नईचा संघ पहिल्या विजयासाठी प्रतीक्षेत 
पंजाबचा संघ विजयी आघाडी कायम राखण्याच्या तयारीत

Tata IPL 2026 Live CSK vs PBKS: आज चेन्नईच्या एम. ए. चिदंबरम स्टेडियमवर संध्याकाळी चेन्नई सुपर किंग्ज विरुद्ध पंजाब किंग्ज यांच्यात सामना (CSK Vs PBKS) होणार आहे. आयपीएलचा थरार सुरू झाला आहे. दरम्यान आज संध्याकाळी 7.30 वाजता हा सामना सुरू होणार आहे. चेन्नई सुपर किंग्जचा संघ पहिल्या विजयासाठी मैदानात उतरणार आहे. तर आज सामना होणार आहे तिथल्या खेळपट्टीबाबत माहिती जाणून घेऊयात.

चेन्नई सुपर किंग्जने आपला पहिला सामना राजस्थान रॉयल्सविरुद्ध गमावला होता. तर पंजाब किंग्जच्या संघाने गुजरात टायटन्सविरुद्ध 3 विकेट्सने विजय मिळवला होता. तर आज चेन्नईच्या एम. चिदंबरम स्टेडियमवर चेन्नई सुपर किंग्ज विरुद्ध पंजाब किंग्ज यांच्यात सामना होणार आहे. पंजाब किंग्जचा संघ आपला विजयाचा रथ कायम राखण्यासाठी उत्सुक असेल. तर चेन्नई आपल्या 1 ल्या विजयासाठी प्रयत्नशील असणार आहे.

 एम. ए. चिदंबरम स्टेडियमचा पीच रिपोर्ट

एम. ए. चिदंबरम स्टेडियमची खेळपट्टी फलंदाजांसाठी नंदनवन समजले जाते. वेगवान गोलंदाजांसाठी खेळपट्टी मदतशीर नसल्याचे समोर आले आहे. मात्र फिरकीपटूंसाठी ही खेळपट्टी फायदेशीर ठरू शकते. मिडल ऑर्डरमध्ये फिरकीपटू चांगली कामगिरी करू शकतात. मात्र चेन्नईच्या स्टेडियमवर गेल्या काही सामन्यांमध्ये धावा जास्त झाल्या आहेत.

IPL 2026 CSK VS PBKS : आजही धोनीशिवाय चेन्नई मैदानात उतरणार? चेन्नई-पंजाब किंग्स आमनेसामने, कशी असेल संभावित Playing XI

आतापर्यंत या स्टेडियमवर 91 सामने खेळले गेले आहेत. यामध्ये पहिल्यांदा फलंदाजी करणारा संघ 51 आणि नंतर फलंदाजी करणार संघ 41 सामने जिंकले आहेत. या ठिकाणी आजकहा सामना हायस्कोअरिंग होऊ शकतो.

एम.एस. धोनी परतणार का?

एम. एस. धोनीने सरावाला सुरुवात केली आहे. पण त्याचे पुनरागमन अनिश्चित आहे. तर दुसरीकडे देवाल्ड ब्रेविसच्या रूपाने सीएसकेला मोठा दिलासा मिळू शकतो. गायकवाडने या दक्षिण आफ्रिकेच्या खेळाडूच्या सहभागाबाबत कोणतीही ठोस वचनबद्धता दर्शवली नाही, परंतु ब्रेविसने मुख्य संघापासून दूर नेटमध्ये फलंदाजी केली आणि तो सहज खेळताना दिसला.

चेन्नई सुपर किंग्ज : संजू सॅमसन (विकेटकीपर), रुतुराज गायकवाड (कर्णधार), आयुष म्हात्रे, मॅट शॉर्ट, शिवम दुबे, सरफराज खान/प्रशांत वीर, कार्तिक शर्मा, जेमी ओव्हरटन, नूर अहमद, मॅट हेन्री, खलील अहमद,

पंजाब किंग्स : प्रियांश आर्य, प्रभसिमरन सिंग (विकेटकीपर), कूपर कोनोली, श्रेयस अय्यर (कर्णधार), नेहल वढेरा, शशांक सिंग, मार्कस स्टॉइनिस, मार्को जॅनसेन, झेवियर बार्टलेट, 10 विजयकुमार सिंह, विजयकुमार सिंह, युझवेंद्र चहल